הושע 6

1 לכו ונשובה אל יהוה כי הוא טרף וירפאנו יך ויחבשנו

“Uyai tidzokere kuna Jehovha. Akatibvambura kutiita zvidimbu zvidimbu, asi achatiporesa; akatikuvadza, asi achasungazve mavanga edu.

2 יחינו מימים ביום השלישי יקמנו ונחיה לפניו

Mushure mamazuva maviri achatimutsiridza; pazuva rechitatu achatidzorazve, kuti tirarame pamberi pake.

3 ונדעה נרדפה לדעת את יהוה כשחר נכון מצאו ויבוא כגשם לנו כמלקוש יורה ארץ

Ngatimuzivei iye Jehovha; ngatishingairirei kumuziva. Zvirokwazvo sokubuda kwezuva, achaonekwa; achauya kwatiri semvura yomuchando, semvura yebumharutsva inodiridza nyika.”

4 מה אעשה לך אפרים מה אעשה לך יהודה וחסדכם כענן בקר וכטל משכים הלך

“Ndichaiteiko newe, Efuremu? Ndichaiteiko newe, Judha? Rudo rwenyu rwakafanana nemhute yamangwanani, sedova ramangwanani rinopera.

5 על כן חצבתי בנביאים--הרגתים באמרי פי ומשפטיך אור יצא

Naizvozvo ndinokugurai ndichikuitai zvidimbu zvidimbu navaprofita vangu, ndakakuurayai namashoko omuromo wangu, kutonga kwangu kwakapenya semheni kwamuri.

6 כי חסד חפצתי ולא זבח ודעת אלהים מעלות

Nokuti ndinoda ngoni, kwete zvibayiro, nokuziva Mwari kupfuura zvipiriso zvinopiswa.

7 והמה כאדם עברו ברית שם בגדו בי

SaAdhamu, vakaputsa sungano, vakanga vasina kutendeka kwandiri ipapo.

8 גלעד קרית פעלי און--עקבה מדם

Gireadhi iguta ravarume vakaipa, rakasvibiswa norunyoro rwetsoka dzeropa.

9 וכחכי איש גדודים חבר כהנים דרך ירצחו שכמה כי זמה עשו

Samakororo anovandira munhu, ndizvo zvinoita boka ravaprista. Vanouraya vanhu panzira inoenda kuShekemu, vachipara mhosva dzinonyadzisa.

10 בבית ישראל ראיתי שעריריה (שערוריה) שם זנות לאפרים נטמא ישראל

Ndakaona chinhu chakaipa kwazvo muimba yaIsraeri. Imomo Efuremu anoita ufeve uye Israeri anosvibiswa.

11 גם יהודה שת קציר לך בשובי שבות עמי

“Nokwauriwo iwe, Judha, kukohwa kwatarwa. “Pose pandichadzorera maropafadzo avanhu vangu.