הושע 6

1 לכו ונשובה אל יהוה כי הוא טרף וירפאנו יך ויחבשנו

Ni iru, ni revenu al la Eternulo; ĉar Li disŝiris, sed Li ankaŭ resanigos nin, Li frapis, kaj Li ankaŭ bandaĝos niajn vundojn.

2 יחינו מימים ביום השלישי יקמנו ונחיה לפניו

Li revivigos nin post du tagoj; en la tria tago Li restarigos nin, kaj ni vivos antaŭ Li.

3 ונדעה נרדפה לדעת את יהוה כשחר נכון מצאו ויבוא כגשם לנו כמלקוש יורה ארץ

Kaj ni havos scion, kaj ni penos koni la Eternulon. Li eliros, kiel bela matenruĝo; Li venos al ni, kiel pluvo, kiel printempa pluvo, kiu malsekigas la teron.

4 מה אעשה לך אפרים מה אעשה לך יהודה וחסדכם כענן בקר וכטל משכים הלך

Kion Mi faru al vi, ho Efraim? Kion Mi faru al vi, ho Jehuda? Via pieco estas kiel matena nebulo, kaj kiel roso, kiu frue malaperas.

5 על כן חצבתי בנביאים--הרגתים באמרי פי ומשפטיך אור יצא

Tial Mi hakas per la profetoj, Mi mortigas ilin per la vortoj el Mia buŝo; kaj justeco koncerne vin eliros kiel lumo.

6 כי חסד חפצתי ולא זבח ודעת אלהים מעלות

Ĉar Mi deziras bonfaradon, sed ne oferon, kaj konadon de Dio Mi preferas ol bruloferojn.

7 והמה כאדם עברו ברית שם בגדו בי

Sed ili rompis la interligon, kiel Adam, kaj ili defalis de Mi.

8 גלעד קרית פעלי און--עקבה מדם

Gilead estas urbo de malbonaguloj, makulita de sango.

9 וכחכי איש גדודים חבר כהנים דרך ירצחו שכמה כי זמה עשו

Kiel bando da embuskantoj la anaro de la pastroj pereigas tiujn, kiuj iras al Ŝeĥem; abomenindaĵon ili faras.

10 בבית ישראל ראיתי שעריריה (שערוריה) שם זנות לאפרים נטמא ישראל

En la domo de Izrael Mi vidas teruraĵon: tie malĉastas Efraim, malpuriĝas Izrael.

11 גם יהודה שת קציר לך בשובי שבות עמי

Sed ankaŭ Jehuda havos rikolton, kiam Mi revenigos la forkaptitojn de Mia popolo.