דברים 34

1 ויעל משה מערבת מואב אל הר נבו ראש הפסגה אשר על פני ירחו ויראהו יהוה את כל הארץ את הגלעד עד דן

摩西从摩押平原登尼波山，上了那与耶利哥相对的毗斯迦山顶。耶和华把基列全地直到但，

2 ואת כל נפתלי ואת ארץ אפרים ומנשה ואת כל ארץ יהודה עד הים האחרון

拿弗他利全地，以法莲、玛拿西的地，犹大全地直到西海，

3 ואת הנגב ואת הככר בקעת ירחו עיר התמרים--עד צער

南地和棕树城耶利哥的平原，直到琐珥，都指给他看。

4 ויאמר יהוה אליו זאת הארץ אשר נשבעתי לאברהם ליצחק וליעקב לאמר לזרעך אתננה הראיתיך בעיניך ושמה לא תעבר

耶和华对他说：“这就是我向亚伯拉罕、以撒、雅各起誓应许之地，说：‘我必将这地赐给你的后裔。’现在我使你眼睛看见了，你却不得过到那里去。”

5 וימת שם משה עבד יהוה בארץ מואב--על פי יהוה

于是，耶和华的仆人摩西死在摩押地，正如耶和华所说的。

6 ויקבר אתו בגי בארץ מואב מול בית פעור ולא ידע איש את קברתו עד היום הזה

耶和华将他埋葬在摩押地、伯·毗珥对面的谷中，只是到今日没有人知道他的坟墓。

7 ומשה בן מאה ועשרים שנה--במתו לא כהתה עינו ולא נס לחה

摩西死的时候年一百二十岁；眼目没有昏花，精神没有衰败。

8 ויבכו בני ישראל את משה בערבת מואב שלשים יום ויתמו ימי בכי אבל משה

以色列人在摩押平原为摩西哀哭了三十日，为摩西居丧哀哭的日子就满了。

9 ויהושע בן נון מלא רוח חכמה--כי סמך משה את ידיו עליו וישמעו אליו בני ישראל ויעשו כאשר צוה יהוה את משה

嫩的儿子约书亚；因为摩西曾按手在他头上，就被智慧的灵充满，以色列人便听从他，照着耶和华吩咐摩西的行了。

10 ולא קם נביא עוד בישראל כמשה אשר ידעו יהוה פנים אל פנים

以后以色列中再没有兴起先知像摩西的。他是耶和华面对面所认识的。

11 לכל האתת והמופתים אשר שלחו יהוה לעשות בארץ מצרים--לפרעה ולכל עבדיו ולכל ארצו

耶和华打发他在埃及地向法老和他的一切臣仆，并他的全地，行各样神迹奇事，

12 ולכל היד החזקה ולכל המורא הגדול אשר עשה משה לעיני כל ישראל

又在以色列众人眼前显大能的手，行一切大而可畏的事。