דברים 23

1 לא יבא פצוע דכא וכרות שפכה בקהל יהוה

A geldyng whanne hise stoonys ben brokun, ethir kit awey, and his yerde is kit awei, schal not entre in to the chirche of the Lord.

2 לא יבא ממזר בקהל יהוה גם דור עשירי לא יבא לו בקהל יהוה

A child borun of hordom schal not entre in to the chirche of the Lord, `til to the tenthe generacioun.

3 לא יבא עמוני ומואבי בקהל יהוה גם דור עשירי לא יבא להם בקהל יהוה עד עולם

Ammonytis and Moabitis, yhe aftir the tenthe generacioun, schulen not entre into the `chirche of the Lord with outen ende;

4 על דבר אשר לא קדמו אתכם בלחם ובמים בדרך בצאתכם ממצרים ואשר שכר עליך את בלעם בן בעור מפתור ארם נהרים--לקללך

for thei nolden come to you with breed and watir in the weie, whanne ye yeden out of Egipt; and for thei hireden ayens thee Balaam, the sone of Beor, fro Mesopotanye of Sirye, that he schulde curse thee;

5 ולא אבה יהוה אלהיך לשמע אל בלעם ויהפך יהוה אלהיך לך את הקללה לברכה כי אהבך יהוה אלהיך

and thi Lord God nolde here Balaam, and God turnede `the cursyng of Balaam in to thi blessyng, for he louyde thee.

6 לא תדרש שלמם וטבתם כל ימיך לעולם

Thou schalt not make pees with hem, nethir thou schalt seke goodis to hem, in alle the daies of thi lijf in to with outen ende.

7 לא תתעב אדמי כי אחיך הוא לא תתעב מצרי כי גר היית בארצו

Thou schalt not `haue abhomynacioun of a man of Ydumye, for he is thi brothir, nethir of a man of Egipt, for thou were a comelyng in the lond of hym.

8 בנים אשר יולדו להם דור שלישי--יבא להם בקהל יהוה

Thei that ben borun of hem, schulen entre in the thridde generacioun in to the `chirche of the Lord.

9 כי תצא מחנה על איביך ונשמרת--מכל דבר רע

Whanne thou schalt go out `in to batel ayens thin enemyes, thou schalt kepe thee fro al yuel thing.

10 כי יהיה בך איש אשר לא יהיה טהור מקרה לילה--ויצא אל מחוץ למחנה לא יבא אל תוך המחנה

If a man is among you, which is defoulid in `sleep of nyyt, he schal go out of `the castels;

11 והיה לפנות ערב ירחץ במים וכבא השמש יבא אל תוך המחנה

and he schal not turne ayen bifore that he be waischun in watir at euentid, and aftir the goyng doun of the sunne he schal go ayen in to the castels.

12 ויד תהיה לך מחוץ למחנה ויצאת שמה חוץ

Thou schalt haue a place without the castels, to which thou schalt go out to nedeful thingis of kynde;

13 ויתד תהיה לך על אזנך והיה בשבתך חוץ וחפרתה בה ושבת וכסית את צאתך

and thou schalt bere a litil stake in the girdil; and whanne thou hast sete, thou schalt digge `bi cumpas, and `thou schalt hile with erthe thingis `defied out,

14 כי יהוה אלהיך מתהלך בקרב מחנך להצילך ולתת איביך לפניך והיה מחניך קדוש ולא יראה בך ערות דבר ושב מאחריך

where thou art releuyd. For thi Lord God goeth in the myddis of castels, that he diliuere thee, and bitake thin enemyes to thee, that thi castels be hooli, and no thing of filthe appere in tho, lest he forsake thee.

15 לא תסגיר עבד אל אדניו אשר ינצל אליך מעם אדניו

Thou schalt not bitake a seruaunt to his lord, which seruaunt fleeth to thee;

16 עמך ישב בקרבך במקום אשר יבחר באחד שעריך--בטוב לו לא תוננו

he schal dwelle with thee in the place that plesith hym, and he schal reste in oon of thi citees; and make thou not hym sori.

17 לא תהיה קדשה מבנות ישראל ולא יהיה קדש מבני ישראל

Noon hoore schal be of the douytris of Israel, nether a letchour of the sones of Israel.

18 לא תביא אתנן זונה ומחיר כלב בית יהוה אלהיך--לכל נדר כי תועבת יהוה אלהיך גם שניהם

Thou schalt not offre the hire of `an hoore hows, nether the prijs of a dogge, in the hows of thi Lord God, what euer thing it is that thou hast avowid; for euer eithir is abhomynacioun bifor thi Lord God.

19 לא תשיך לאחיך נשך כסף נשך אכל נשך כל דבר אשר ישך

Thou schalt not leene to thi brothir to vsure money, neither fruytis,

20 לנכרי תשיך ולאחיך לא תשיך--למען יברכך יהוה אלהיך בכל משלח ידך על הארץ אשר אתה בא שמה לרשתה

nethir ony othir thing, but to an alien. Forsothe thou schalt leene to thi brothir without vsure that that he nedith, that thi Lord God blesse thee in al thi werk, in the lond to which thou schalt entre to welde.

21 כי תדר נדר ליהוה אלהיך לא תאחר לשלמו כי דרש ידרשנו יהוה אלהיך מעמך והיה בך חטא

Whanne thou makist auow to thi Lord God, thou schalt not tarie to yelde, for thi Lord God schal `requyre, ether axe, that; and if thou tariest, it schal be arretid to thee in to synne.

22 וכי תחדל לנדר--לא יהיה בך חטא

If thou `nylt bihete, thou schalt be with out synne.

23 מוצא שפתיך תשמר ועשית כאשר נדרת ליהוה אלהיך נדבה אשר דברת בפיך

Forsothe thou schalt kepe, and `do that that yede out onys of thi lippis, as thou bihiytist to thi Lord God, and hast spoke with thin owne wille and thi mouth.

24 כי תבא בכרם רעך ואכלת ענבים כנפשך שבעך ואל כליך לא תתן

If thou entrist in to the vynere of thi neiybore, ete thou grapis, as myche as plesith thee; but bere thou not out with thee.

25 כי תבא בקמת רעך וקטפת מלילת בידך וחרמש לא תניף על קמת רעך

If thou entrist in to `the corn of thi freend, thou schalt breke `eeris of corn, and frote togidere with `the hond; but thou schalt not repe with a sikil.