שמואל ב 22
| וידבר דוד ליהוה את דברי השירה הזאת ביום הציל יהוה אתו מכף כל איביו ומכף שאול | 1 |
Ɛberɛ a Awurade gyee Dawid firii nʼatamfoɔ nyinaa ne Saulo nsam akyi no, ɔtoo saa dwom yi de yii Awurade ayɛ.
| ויאמר יהוה סלעי ומצדתי ומפלטי לי | 2 |
Nsɛm a ɛwɔ dwom no mu nie: “Awurade yɛ me botan, mʼaban ne mʼagyenkwa;
| אלהי צורי אחסה בו מגני וקרן ישעי משגבי ומנוסי משעי מחמס תשעני | 3 |
me Onyankopɔn yɛ me botan; ne mu na menya banbɔ. Ɔyɛ me kyɛm, me nkwagyeɛ mu ahoɔden ne me banbɔeɛ, mʼabantenten, mʼagyenkwa, deɛ ɔgye me firi basabasayɛ mu.
| מהלל אקרא יהוה ומאיבי אושע | 4 |
“Mesu frɛ Awurade; ɔno na ayɛyie sɛ no, ɛfiri sɛ, ɔgye me firi mʼatamfoɔ nsam.
| כי אפפני משברי מות נחלי בליעל יבעתני | 5 |
Owuo asorɔkye twaa me ho hyiaeɛ; ɔsɛeɛ yiri faa me so.
| חבלי שאול סבני קדמני מקשי מות (Sheol h7585) | 6 |
Damena nhoma kyekyeree me; owuo ankasa too me anihaa. (Sheol h7585)
| בצר לי אקרא יהוה ואל אלהי אקרא וישמע מהיכלו קולי ושועתי באזניו | 7 |
“Na mʼamanehunu mu no, mesu mefrɛɛ Awurade. Aane, mefrɛɛ me Onyankopɔn pɛɛ mmoa. Ɔtee me nne firii ne kronkronbea. Me sufrɛ duruu nʼasom.
| ותגעש (ויתגעש) ותרעש הארץ מוסדות השמים ירגזו ויתגעשו כי חרה לו | 8 |
Na asase wosoeɛ na ɛhinhimeɛ; ɔsoro fapem wosoeɛ; wɔwosoeɛ, nʼabufuo enti.
| עלה עשן באפו ואש מפיו תאכל גחלים בערו ממנו | 9 |
Wisie firii ne hwene mu; ogyaframa firii nʼanom; na egyasramma dɛre firii mu.
| ויט שמים וירד וערפל תחת רגליו | 10 |
Ɔfirii ɔsoro baa fam; na omununkum kabii duruu ne nan ase.
| וירכב על כרוב ויעף וירא על כנפי רוח | 11 |
Ɔte Kerubim so tuiɛ; gyaagyaa ne ho wɔ mframa ntaban so.
| וישת חשך סביבתיו סכות חשרת מים עבי שחקים | 12 |
Ɔde sum kataa ne ho hyiaeɛ, ɔde osuo omununkum dii nʼanim ɛkan.
| מנגה נגדו בערו גחלי אש | 13 |
Hann kɛseɛ hyerɛn wɔ nʼanim, na anyinam pa firi mu.
| ירעם מן שמים יהוה ועליון יתן קולו | 14 |
Awurade bobɔɔ mu firi soro; Ɔsorosoroni no teaam denden.
| וישלח חצים ויפיצם ברק ויהמם (ויהם) | 15 |
Ɔtoo nʼagyan maa nʼatamfoɔ hweteeɛ; anyinam dwaeɛ ma wɔyɛɛ basaa.
| ויראו אפקי ים יגלו מסדות תבל בגערת יהוה מנשמת רוח אפו | 16 |
Awurade kasaeɛ, na ewiase nnyinasoɔ no nyinaa daa hɔ. Wɔtumi hunuu ɛpo ase, na asase fapem ho daa hɔ.
| ישלח ממרום יקחני ימשני ממים רבים | 17 |
“Ɔfiri ɔsoro baa ɛfam bɛsɔɔ me mu; ɔtwee me firii nsuo a emu dɔ mu.
| יצילני מאיבי עז משנאי כי אמצו ממני | 18 |
Ɔgyee me firii mʼatamfoɔ a wɔyɛ den nsam, atamfoɔ a wɔkyiri me na wɔn ho yɛ den pa ara ma me.
| יקדמני ביום אידי ויהי יהוה משען לי | 19 |
Wɔbaa me so wɔ mʼamanehunu da mu, nanso Awurade pagyaa me.
| ויצא למרחב אתי יחלצני כי חפץ בי | 20 |
Ɔde me baa baabi a banbɔ wɔ; ɔgyee me, ɛfiri sɛ, nʼani ku me ho.
| יגמלני יהוה כצדקתי כבר ידי ישיב לי | 21 |
“Awurade ne me adi no sɛdeɛ me tenenee teɛ; wahwɛ me nsa a ɛho teɛ so atua me ka.
| כי שמרתי דרכי יהוה ולא רשעתי מאלהי | 22 |
Ɛfiri sɛ, manante Awurade akwan so; Mentwee me ho mfirii me Onyankopɔn ho nkɔyɛɛ bɔne.
| כי כל משפטו לנגדי וחקתיו לא אסור ממנה | 23 |
Ne mmara nyinaa gu mʼanim; mentwee me ho mfirii ne nhyehyɛeɛ ho.
| ואהיה תמים לו ואשתמרה מעוני | 24 |
Me ho nni asɛm wɔ Onyankopɔn anim; matwe me ho afiri bɔne ho.
| וישב יהוה לי כצדקתי כברי לנגד עיניו | 25 |
Awurade tuaa me papayɛ so ka, ɛfiri sɛ menni fɔ wɔ nʼanim.
| עם חסיד תתחסד עם גבור תמים תתמם | 26 |
“Woda wo ho adi sɛ ɔnokwafoɔ kyerɛ wɔn a wɔdi nokorɛ, wɔn a wɔdi mu nso wo kyerɛ wɔn sɛ wodi mu.
| עם נבר תתבר ועם עקש תתפל | 27 |
Woyi wo kronkronyɛ kyerɛ ɔkronkronni, nanso amumuyɛfoɔ deɛ wokyiri wɔn.
| ואת עם עני תושיע ועיניך על רמים תשפיל | 28 |
Wogye ahobrɛasefoɔ, nanso wʼani kɔ ahantanfoɔ so sɛ wobɛbrɛ wɔn ase.
| כי אתה נירי יהוה ויהוה יגיה חשכי | 29 |
Ao Awurade, woyɛ me kanea. Aane, Awurade woma me sum dane hann.
| כי בכה ארוץ גדוד באלהי אדלג שור | 30 |
Wʼahoɔden a wode ma me enti, metumi ka akodɔm gu; me Onyankopɔn enti, metumi foro ɔfasuo.
| האל תמים דרכו אמרת יהוה צרופה-- מגן הוא לכל החסים בו | 31 |
“Onyankopɔn deɛ, nʼakwan yɛ pɛ; Awurade bɔhyɛ nyinaa ba mu. Ɔyɛ akokyɛm ma wɔn a wɔhwehwɛ banbɔ wɔ ne mu.
| כי מי אל מבלעדי יהוה ומי צור מבלעדי אלהינו | 32 |
Hwan ne Onyankopɔn, gye sɛ Awurade? Hwan ne ɔbotantim no, gye sɛ yɛn Onyankopɔn?
| האל מעוזי חיל ויתר תמים דרכו (דרכי) | 33 |
Onyankopɔn ne mʼaban a ɛyɛ den; wagye me, na wama me kwan so ayɛ pɛ.
| משוה רגליו (רגלי) כאילות ועל במתי יעמדני | 34 |
Ɔma mʼanammɔn ho yɛ hare sɛ ɔforoteɛ deɛ; Ɔma me gyina sorɔnsorɔmmea.
| מלמד ידי למלחמה ונחת קשת נחושה זרעתי | 35 |
Ɔsiesie me ma ɔko; na mʼabasa tumi kuntunu kɔbere mfrafraeɛ tadua.
| ותתן לי מגן ישעך וענתך תרבני | 36 |
Woama me wo nkwagyeɛ kyɛm. Wo mmoa ama mayɛ ɔkɛseɛ.
| תרחיב צעדי תחתני ולא מעדו קרסלי | 37 |
Woabɔ ɛkwan tɛtrɛɛ ama me nan sɛdeɛ ɛrenwatiri.
| ארדפה איבי ואשמידם ולא אשוב עד כלותם | 38 |
“Metaa mʼatamfoɔ so sɛee wɔn; mannyina kɔsii sɛ wɔdii nkoguo.
| ואכלם ואמחצם ולא יקומון ויפלו תחת רגלי | 39 |
Meyamoo wɔn, mebɔɔ wɔn hwee fam, na wɔantumi ansɔre; wɔhwehwee ase wɔ me nan ase.
| ותזרני חיל למלחמה תכריע קמי תחתני | 40 |
Wohyɛɛ me ahoɔden maa ɔko; woaka mʼatamfoɔ ahyɛ me nan ase.
| ואיבי תתה לי ערף משנאי ואצמיתם | 41 |
Womaa wɔdanee wɔn ani dwaneeɛ, na mesɛe wɔn a wɔtan me nyinaa.
| ישעו ואין משיע אל יהוה ולא ענם | 42 |
Wɔsu pɛɛ mmoa, nanso obiara ammɛgye wɔn. Wɔsu frɛɛ Awurade, nanso wannye wɔn so.
| ואשחקם כעפר ארץ כטיט חוצות אדקם ארקעם | 43 |
Meyamoo wɔn ma wɔyɛɛ sɛ asase so mfuturo; mepraa wɔn guu nsuka mu sɛ wira.
| ותפלטני מריבי עמי תשמרני לראש גוים עם לא ידעתי יעבדני | 44 |
“Womaa me nkonimdie wɔ wɔn a wɔbɔ me kwaadu so. Woahwɛ sɛ mɛyɛ amanaman sodifoɔ; na nnipa a mennim wɔn som me.
| בני נכר יתכחשו לי לשמוע אזן ישמעו לי | 45 |
Ananafoɔ brɛ wɔn ho ase ma me; wɔte me nka pɛ ara a, wɔde wɔn ho ma me.
| בני נכר יבלו ויחגרו ממסגרותם | 46 |
Wɔn nyinaa bɔ huboa, na wɔde ahopopoɔ firi wɔn nsraban mu ba.
| חי יהוה וברוך צורי וירם אלהי צור ישעי | 47 |
“Awurade te ase! Ayɛyi nka me botan, ma wɔmma Onyankopɔn, me nkwagyeɛ botan so.
| האל הנתן נקמת לי ומריד עמים תחתני | 48 |
Ɔno ne Onyankopɔn a ɔtɔ wɔn a wɔha me so awere; ɔka amanaman no hyɛ mʼase
| ומוציאי מאיבי ומקמי תרוממני מאיש חמסים תצילני | 49 |
na ɔgye me firi mʼatamfoɔ nsam. Wode me si baabi a mʼatamfoɔ nnuru, wogye me firi atutupɛfoɔ a wɔtia me nsam.
| על כן אודך יהוה בגוים ולשמך אזמר | 50 |
Ao Awurade yei enti, mɛkamfo wo wɔ amanaman mu nyinaa; na mɛto ayɛyie nnwom ama wo edin.
| מגדיל (מגדול) ישועות מלכו ועשה חסד למשיחו לדוד ולזרעו עד עולם | 51 |
“Wode nkonimdie akɛseɛ ama wo ɔhene; woda ɔdɔ a ɛnsa da adi kyerɛ deɛ woasra no ngo, wode kyerɛ Dawid, ne nʼasefoɔ afebɔɔ.”
