שמואל ב 22
| וידבר דוד ליהוה את דברי השירה הזאת ביום הציל יהוה אתו מכף כל איביו ומכף שאול | 1 |
Kinanta ni David ti linaon daytoy a kanta kenni Yahweh iti aldaw a panangispal ni Yahweh kenkuana manipud iti ima dagiti amin a kabusorna, ken manipud iti ima ni Saul.
| ויאמר יהוה סלעי ומצדתי ומפלטי לי | 2 |
Nagkararag isuna, “Ni Yahweh ti dakkel a bato a sarikedkedko, ti mangispal kaniak.
| אלהי צורי אחסה בו מגני וקרן ישעי משגבי ומנוסי משעי מחמס תשעני | 3 |
Ti Dios ti dakkel a bato a sarikedkedko. Kumamkamangak kenkuana. Isuna ti salaknibko, ti sara iti pannakaisalakanko, ti kalasagko ken ti pagkamkamangak, ti mangisalakan kaniak manipud iti kinaranggas.
| מהלל אקרא יהוה ומאיבי אושע | 4 |
Umawagak kenni Yahweh, a maikari a padayawan, ket maisalakanakto manipud kadagiti kabusorko.
| כי אפפני משברי מות נחלי בליעל יבעתני | 5 |
Gapu ta linikmotnak dagiti dalluyon ni patay. Kasla riningbawannak ti napegges a danum ti kinaawan serserbi.
| חבלי שאול סבני קדמני מקשי מות (Sheol h7585) | 6 |
Pinulipulandak dagiti tali ti sheol; sinilloannak dagiti palab-og ni patay. (Sheol h7585)
| בצר לי אקרא יהוה ואל אלהי אקרא וישמע מהיכלו קולי ושועתי באזניו | 7 |
Iti pannakariribukko immawagak kenni Yahweh; immawagak iti Diosko; nangngegna ti timekko manipud iti templona, ket nakadanun kadagiti lapayagna ti panagkiddawko iti tulong.
| ותגעש (ויתגעש) ותרעש הארץ מוסדות השמים ירגזו ויתגעשו כי חרה לו | 8 |
Ket naggingined ti daga ken nagunggon. Nagunggon ken nagindayon dagiti pundasion dagiti langlangit, gapu ta nakapungtot ti Dios.
| עלה עשן באפו ואש מפיו תאכל גחלים בערו ממנו | 9 |
Rimmuar ti asuk manipud kadagiti abut ti agongna, ken rimmuar ti gumilgil-ayab nga apuy iti ngiwatna. Napasgedan dagiti beggang babaen iti daytoy.
| ויט שמים וירד וערפל תחת רגליו | 10 |
Linuktanna dagiti langlangit ket bimmaba isuna, ket adda napuskol a kinasipnget iti babaen dagiti sakana.
| וירכב על כרוב ויעף וירא על כנפי רוח | 11 |
Nagsakay isuna iti kerubin ket timmayab. Nakitada nga agtaytayab isuna a nakalugan kadagiti payyak ti angin.
| וישת חשך סביבתיו סכות חשרת מים עבי שחקים | 12 |
Ket pinagbalinna ti sipnget a kasla tolda iti aglawlawna, agur-urnong iti napigsa a tudo dagiti ulep iti tangatang.
| מנגה נגדו בערו גחלי אש | 13 |
Manipud iti kimat iti sangoananna ket natinnag dagiti dumardarang a beggang.
| ירעם מן שמים יהוה ועליון יתן קולו | 14 |
Naggurruod ni Yahweh manipud kadagiti langlangit. Nagpukkaw ti Kangangatoan.
| וישלח חצים ויפיצם ברק ויהמם (ויהם) | 15 |
Nangibiat isuna kadagiti pana ken winarawarana dagiti kabusorna— kadagiti kanabsiit ti kimat, winarawarana ida.
| ויראו אפקי ים יגלו מסדות תבל בגערת יהוה מנשמת רוח אפו | 16 |
Ket nagparang dagiti pagayusan ti danum; nawaknitan dagiti pundasion ti lubong iti panagpukkaw ni Yahweh para iti gubat, iti napigsa nga anges manipud kadagiti abut ti agongna.
| ישלח ממרום יקחני ימשני ממים רבים | 17 |
Ginaw-atnak manipud iti ngato; ket iniggamannak! Ginuyodnak manipud iti naapres a danum.
| יצילני מאיבי עז משנאי כי אמצו ממני | 18 |
Inispalnak manipud iti napigsa a kabusorko, manipud kadagiti nanggura kaniak, gapu ta napigsada unay para kaniak.
| יקדמני ביום אידי ויהי יהוה משען לי | 19 |
Dinarupdak iti aldaw ti pannakariribukko, ngem ni Yahweh ti timmulong kaniak.
| ויצא למרחב אתי יחלצני כי חפץ בי | 20 |
Inruarnak pay iti nalawa a nawaya a lugar. Insalakannak gapu ta naay-ayo isuna kaniak.
| יגמלני יהוה כצדקתי כבר ידי ישיב לי | 21 |
Ginungunaannak ni Yahweh segun iti kinalintegko; insublinak iti sigud a kasasaadko segun iti kinadalus dagiti imak.
| כי שמרתי דרכי יהוה ולא רשעתי מאלהי | 22 |
Gapu ta tinungpalko dagiti wagas ni Yahweh ken saanak a nagtignay a sidadangkes babaen iti panangtallikodko iti Diosko.
| כי כל משפטו לנגדי וחקתיו לא אסור ממנה | 23 |
Ta saanko a tinallikudan dagiti amin a lintegna nga adda iti sangoanak; kasta met dagiti bilbilinna.
| ואהיה תמים לו ואשתמרה מעוני | 24 |
Ket awan met pakababalawak iti imatangna, ken inyadayok ti bagik iti basol.
| וישב יהוה לי כצדקתי כברי לנגד עיניו | 25 |
Isu nga insublinak ni Yahweh iti sigud a kasasaadko segun iti kinalintegko, segun iti kinadalusko iti imatangna.
| עם חסיד תתחסד עם גבור תמים תתמם | 26 |
Iti daydiay a napudno, ipakitam a napudnoka; iti maysa a tao nga awan pakababalawanna, ipakitam ti bagim nga awan pakababalawanna.
| עם נבר תתבר ועם עקש תתפל | 27 |
Iti nadalus, ipakpakitam ti bagim a nadalus, ngem naungetka kadagiti nakillo.
| ואת עם עני תושיע ועיניך על רמים תשפיל | 28 |
Isalsalakanmo dagiti agsagsagaba a tattao, ngem bumusor dagiti matam kadagiti napalangguad, ken ipabpababam ida.
| כי אתה נירי יהוה ויהוה יגיה חשכי | 29 |
Ta sika ti silaw ko, Yahweh. Lawlawagan ni Yahweh ti kinasipngetko.
| כי בכה ארוץ גדוד באלהי אדלג שור | 30 |
Ta babaen kenka mabalinko a lagtoen ti maysa a bangen; babaen iti Diosko mabalinko a lagtoen ti maysa a pader.
| האל תמים דרכו אמרת יהוה צרופה-- מגן הוא לכל החסים בו | 31 |
No maipanggep iti Dios, awan pagkurangan ti wagasna. Nasin-aw ti sao ni Yahweh. Isuna ket maysa a kalasag kadagiti amin a kumamkamang kenkuana.
| כי מי אל מבלעדי יהוה ומי צור מבלעדי אלהינו | 32 |
Ta siasinno ti Dios no di laeng ni Yahweh? Ken siansinno ti dakkel a bato no di laeng a ti Diostayo?
| האל מעוזי חיל ויתר תמים דרכו (דרכי) | 33 |
Ti Dios ti kamangko, ken iturturongna iti dalanna ti tao nga awan iti pakapilawanna.
| משוה רגליו (רגלי) כאילות ועל במתי יעמדני | 34 |
Pappapartakenna dagiti sakak a kas iti ugsa ken ikabkabilnak kadagiti banbantay.
| מלמד ידי למלחמה ונחת קשת נחושה זרעתי | 35 |
Sansanayenna dagiti imak para iti gubat, ken dagiti takkiagko a mangpilko kadagiti bai a bronse.
| ותתן לי מגן ישעך וענתך תרבני | 36 |
Intedmo kaniak ti kalasag ti panangisalakanmo, ken babaen iti pabormo pinagbalinnak a natan-ok.
| תרחיב צעדי תחתני ולא מעדו קרסלי | 37 |
Nangaramidka iti nalawa a lugar iti babaek a para kadagiti sakak, isu a pulos a saan a maikaglis dagiti sakak.
| ארדפה איבי ואשמידם ולא אשוב עד כלותם | 38 |
Kinamatko dagiti kabusorko ket dinadaelko ida. Saanak a nagsubli aginggana a nadadaelda.
| ואכלם ואמחצם ולא יקומון ויפלו תחת רגלי | 39 |
Inalun-on ken dinadaelko ida; saandan a makabangon. Napasagda iti siruk dagiti sakak.
| ותזרני חיל למלחמה תכריע קמי תחתני | 40 |
Ikkannak iti pigsa a kas iti barikes a pakigubat; ikabkabilmo iti babaek dagiti mangbusbusor kaniak.
| ואיבי תתה לי ערף משנאי ואצמיתם | 41 |
Intedmo kaniak dagiti teltel dagiti kabusorko; pinarmekko dagiti nanggura kaniak.
| ישעו ואין משיע אל יהוה ולא ענם | 42 |
Dimmawatda iti tulong; ngem awan ti nangisalakan kadakuada; immmawagda kenni Yahweh, ngem saanna ida a sinungbatan.
| ואשחקם כעפר ארץ כטיט חוצות אדקם ארקעם | 43 |
Rinumekko ida a kas iti tapok iti daga, binayok ida a kasla pitak kadagiti kalsada.
| ותפלטני מריבי עמי תשמרני לראש גוים עם לא ידעתי יעבדני | 44 |
Inispalnak met manipud kadagiti panagsusuppiat dagiti tattaok. Pinagtalinaednak a kas panguloen dagiti nasion. Agserserbi kaniak dagiti tattao a saanko nga am-ammo.
| בני נכר יתכחשו לי לשמוע אזן ישמעו לי | 45 |
Napilitan a nagtamed kaniak dagiti ganggannaet.
| בני נכר יבלו ויחגרו ממסגרותם | 46 |
Apaman a nangngegandak, nagtulnogda kaniak. Agtigtigerger dagiti ganggannaet a rimmuar kadagiti paglemlemmenganda.
| חי יהוה וברוך צורי וירם אלהי צור ישעי | 47 |
Agbiag ni Yahweh! Maidaydayaw koma ti dakkel a batok. Maitan-ok koma ti Dios, ti dakkel a bato iti pannakaisalankanko.
| האל הנתן נקמת לי ומריד עמים תחתני | 48 |
Daytoy ti Dios a mangipatpatungpal iti panangibales para kaniak, ti mangparparukma kadigiti tattao kaniak.
| ומוציאי מאיבי ומקמי תרוממני מאיש חמסים תצילני | 49 |
Winayawayaannak manipud kadagiti kabusorko. Pudno, intag-aynak kadagiti bimmusor kaniak. Is-ispalennak manipud kadagiti naranggas a tattao.
| על כן אודך יהוה בגוים ולשמך אזמר | 50 |
Isu nga agyamanak kenka, Yahweh, kadagiti nasion; agkantaak kadagiti kanta a pagdayaw iti naganmo.
| מגדיל (מגדול) ישועות מלכו ועשה חסד למשיחו לדוד ולזרעו עד עולם | 51 |
Ipapaay ti Dios ti naindaklan a balligi iti arina, ken ipakpakitana iti tulag ti di panagbalbaliw ti panunotna iti pinulotanna, kenni David ken kadagiti kaputotanna, iti agnanayon.”
