שמואל ב 22
| וידבר דוד ליהוה את דברי השירה הזאת ביום הציל יהוה אתו מכף כל איביו ומכף שאול | 1 |
Hitichun Pakaiyin amelmate jousea kon leh Saul khut’a kona ana huhhing jal in David in hichela hi Pakai henga anasan ahi.
| ויאמר יהוה סלעי ומצדתי ומפלטי לי | 2 |
Hitin lacheng aseme, “Pakai chu keima dingin Kasongpi leh kakulpi chule eihuhhingpa ahi,
| אלהי צורי אחסה בו מגני וקרן ישעי משגבי ומנוסי משעי מחמס תשעני | 3 |
Ka-Pathen leh kasongpi Kakiselna nahi; Kapho le eihuhhinga kasakhia pang, Kakulpi pal le kakisel na nahin, Eihuhhingpa nahin, pumhat’a kinona lah a jong nei huhdoh ji'e.
| מהלל אקרא יהוה ומאיבי אושע | 4 |
Vahchoi dinga lomtah Pakai henga kataoyin, chule Kamelmate a konin huhhingna kachang tai.
| כי אפפני משברי מות נחלי בליעל יבעתני | 5 |
“Ajeh chu thina luipin eilon khuntan, Manthah na lam jousen eilon khum tai;
| חבלי שאול סבני קדמני מקשי מות (Sheol h7585) | 6 |
Noimigam khaoguiyin eihen tan, kamasanga thina ding thang akikam’e. (Sheol h7585)
| בצר לי אקרא יהוה ואל אלהי אקרא וישמע מהיכלו קולי ושועתי באזניו | 7 |
Ahin “Kagenthei pet’in Pakai henga ka taovin. Ka-Pathen koma chun kataovin ahi. Pathen houin a aman kataona asang jin, hichea chun anabenga kataona alut ji'e.
| ותגעש (ויתגעש) ותרעש הארץ מוסדות השמים ירגזו ויתגעשו כי חרה לו | 8 |
Hichun leiset akinuh nuh jin ling akihot tan ahi; Van todap khompi jouse jong akiling soh hel jenge; Pathen alung han jeh chun lingpi ahin hot jengin ahi.
| עלה עשן באפו ואש מפיו תאכל גחלים בערו ממנו | 9 |
Chule Anah hom sung tenia konin meikhu ahung kitung doh in, chule akamsung a konin mi bahgam thei mei akonge; Meial deuje ju Pathena konin ahung kitung doh jenge.
| ויט שמים וירד וערפל תחת רגליו | 10 |
Aman van mun jouse asonkun jengin ahung kumlhai, Akengto noiya muthim lhangkhal akiheh jenge.
| וירכב על כרוב ויעף וירא על כנפי רוח | 11 |
Pathen Cherub chunga atouvin alenge, huipia akijap’a alen akimui.
| וישת חשך סביבתיו סכות חשרת מים עבי שחקים | 12 |
Aman akimvela muthim lhangkhal akihehsah jin, chule Aloupi na meilhang thuh tah twipin akikhange.
| מנגה נגדו בערו גחלי אש | 13 |
A-angsung vahchan thethu lah a konin meikong amleng lung ahung leng doh dohjie.
| ירעם מן שמים יהוה ועליון יתן קולו | 14 |
Pakaiyin van'a konin van akithinsah jin Hatchungnungpen chun o-thongin thu aseiye.
| וישלח חצים ויפיצם ברק ויהמם (ויהם) | 15 |
Aman thalpi ahinkap doh jin adoudal te athe cheh ji'e. Kol a phen a kithe jal lah lah jenge.
| ויראו אפקי ים יגלו מסדות תבל בגערת יהוה מנשמת רוח אפו | 16 |
Chuteng leh twikhanglen togei geiyin akimu theiyin, Vannoi bulpi khom jouse jong akimuthei ye; Pakaiyin ahinpho jia Anah homsunga ahu alha teng chuti chun aumjie.
| ישלח ממרום יקחני ימשני ממים רבים | 17 |
Van chungsang langa konin aman eihin huhdoh jin jin, Twipi kinong a konin eiladoh ji'e.
| יצילני מאיבי עז משנאי כי אמצו ממני | 18 |
Chule kamelma hattah pa akonin eihuhdoh jin, Eihotbol tea konin jong eihuhdoh ji'e; Ijeh-inem itileh hitobang miho hi kei din ahatval jiuve.
| יקדמני ביום אידי ויהי יהוה משען לי | 19 |
Ka hamset ni jongle amaho hin eihin del khum jeng jiuve; Hijong leh Pakai in keima eikithopi jing nai.
| ויצא למרחב אתי יחלצני כי חפץ בי | 20 |
Pakaiyin keima munlen tah a eipui doh jin, Eikipapi jeh in eihuhdoh jin ahi.
| יגמלני יהוה כצדקתי כבר ידי ישיב לי | 21 |
Lamdih a kachon jing jeh in Pakaiyin kipaman eipen, Chule kakhut te nin thil dih jeng abol jing jeh in kipaman eipei.
| כי שמרתי דרכי יהוה ולא רשעתי מאלהי | 22 |
Ajeh chu keiman Pakai lamlhah na jouse kajui jingin, agilou bol’in ka Pathenchu kada lha khapoi.
| כי כל משפטו לנגדי וחקתיו לא אסור ממנה | 23 |
Ijeh-inem itileh ama chonna dan jouse chu Kamaiya aki lang jing jengin, Hijeh chun ama chon na dan jousea jong Keima kavah mang khapoi.
| ואהיה תמים לו ואשתמרה מעוני | 24 |
Ama angsunga keima nolna beiyin kaum jingin, themmo na dingah kakivengdoh jing jenge.
| וישב יהוה לי כצדקתי כברי לנגד עיניו | 25 |
Hijeh chun keima dihna jeh hin Pakaiyin kipaman eipen, chule ama mitmua themmona kanei lou jeh hin kipa man eipei.
| עם חסיד תתחסד עם גבור תמים תתמם | 26 |
“Mi kitah ho hengah nang jong naki tahna namusah in, chule nolna bei mi hengah nang jong nolna bei mi nahina namusah jin ahi.
| עם נבר תתבר ועם עקש תתפל | 27 |
Milung thengho hengah nalungthen na namusah in, chule milung thim thenglou ho hengah nangma alungtheng lou bangin naumjin ahi.
| ואת עם עני תושיע ועיניך על רמים תשפיל | 28 |
Chuti chun nangman mi kineosah techu nahuhdoh jin, mi kiletsah te vang chu suhnem din nave lhih jinge.
| כי אתה נירי יהוה ויהוה יגיה חשכי | 29 |
O Pakai nangma hi keiya din kathaomei nahin, Ka-Pathen nangin kei dia muthim jouse nasal vahe.
| כי בכה ארוץ גדוד באלהי אדלג שור | 30 |
Nangma panpi najala keiman sepai hon khat jong kasuh mang ding, Chule Ka-Pathen vanga palvum jong ka chop khup ding ahi.
| האל תמים דרכו אמרת יהוה צרופה-- מגן הוא לכל החסים בו | 31 |
Hitichun Pathen hi alamlhah na jouse achamkim soh keiyin, Pakaiyin mi athutep jong agui lhung ji'e; Chule Ama koma kiselte dinginAma hi ompho ahijinge.
| כי מי אל מבלעדי יהוה ומי צור מבלעדי אלהינו | 32 |
Ijeh-inem itileh Pathen kiti chu koi dang ham? Pakai kiti chu ahin; Chujongle songpi kiti chu koipen ham? I-Pathenu amabou chu ahiye.
| האל מעוזי חיל ויתר תמים דרכו (דרכי) | 33 |
Hiche Pathen hi keima kisel na dettah ahin, kalam lhah na jouse jong phatah in eisem peh tai.
| משוה רגליו (רגלי) כאילות ועל במתי יעמדני | 34 |
Hichun Pathen in kakeng phang teni jong sajuhpi keng abahsah-in, gamken lah dung jenga jong det tah in eidin sah theiye.
| מלמד ידי למלחמה ונחת קשת נחושה זרעתי | 35 |
Chule kakhut teni jong galsatje eihil them in, Hijeh chun kabanjang tenin sum-eng thalpi aheh konjin ahi.
| ותתן לי מגן ישעך וענתך תרבני | 36 |
Nangman na mi huhhingna ompho neipen, chujongle nagalvon chun keima eikhu khum jin; nakithopi nachun eisuloupi jin ahi.
| תרחיב צעדי תחתני ולא מעדו קרסלי | 37 |
Kanoiya kapansat na ding mun lentah neihoi peh-in, hijeh chun kakengto teni kalho nal tapoi.
| ארדפה איבי ואשמידם ולא אשוב עד כלותם | 38 |
Ka melmate nung kadel jin kathat gam ji'e; chule aboncha kasuh gamhel masangin kahung kileji poi.
| ואכלם ואמחצם ולא יקומון ויפלו תחת רגלי | 39 |
Hitichun abonchauvin kasat chap hel jin koima athoudoh aum tapoi, hitichun kakengto noiya akijam chap tauvin ahi.
| ותזרני חיל למלחמה תכריע קמי תחתני | 40 |
Ajeh chu nangin galsat din tha neipen, eihin del khumpa chu kanoiya nalupsah tai.
| ואיבי תתה לי ערף משנאי ואצמיתם | 41 |
Hiti chun kamasanga kamel mate najam sah sah jin, eihot bolte chu keiman kathat gam ji tai.
| ישעו ואין משיע אל יהוה ולא ענם | 42 |
Panpi ngaiya apen pen vanguvin ahuhhing diu koima aumpon, Pakai henga atao vang uvin aman adonbut dehpoi.
| ואשחקם כעפר ארץ כטיט חוצות אדקם ארקעם | 43 |
Keiman kholai dunga leivui bangin kachilngem ngemin, chule kholai dunga bonlhoh bangin kachot phan kachilgoiyie.
| ותפלטני מריבי עמי תשמרני לראש גוים עם לא ידעתי יעבדני | 44 |
“Gal eibol khum mitea kon in jong nei huhdoh chun, namtin vaipi chunga alenpenin neisemin, kahet khah louhel miten jong keima kin aboltauve.
| בני נכר יתכחשו לי לשמוע אזן ישמעו לי | 45 |
Gamdang mite jong kineosah tah-in kahenga ahungun, kathusei ajah jah ule kathun anung jiuve.
| בני נכר יבלו ויחגרו ממסגרותם | 46 |
Gamdang mite chu alungu aneo jin akisel nao kulsunga konin kichatah in kithing pum pumin ahung potdoh jiuve.
| חי יהוה וברוך צורי וירם אלהי צור ישעי | 47 |
“Pakai hingjing pa, Nunnom hen kasongpi chu; Choi-at’in umjing hen Ka-Pathen, eihuhhing na songpi chu.
| האל הנתן נקמת לי ומריד עמים תחתני | 48 |
Phu eilah sah a Pathen chun, mijouse chu keima noiya asonkun soh hel in ahi.
| ומוציאי מאיבי ומקמי תרוממני מאיש חמסים תצילני | 49 |
Kamelmate lah jenga jong eihuh doh jia, chule nangin kaki doupi kamelmate chunga neichoi sang ji'e; Pumhat jenga mi nokhum mite lah a konin jong nangman neihuh doh jing jin ahi.
| על כן אודך יהוה בגוים ולשמך אזמר | 50 |
“Hiche jeh hin vo Pakai, namtin la ah navahchoi yinge, chule namin vahchoila sange.
| מגדיל (מגדול) ישועות מלכו ועשה חסד למשיחו לדוד ולזרעו עד עולם | 51 |
nangman Lenga natun keima hi galjona loupe tah neipin, thao anusa kei hi long louvin eingailui; David le kachilhah te din atonsot atonsot geiya dingin,” ati.
