דברי הימים א 16

1 ויביאו את ארון האלהים ויציגו אתו בתוך האהל אשר נטה לו דויד ויקריבו עלות ושלמים לפני האלהים

Hichun amahon Pathen thingkong chu David in akoina dia ponbuh hoitah ason namun a chun ahin polut uvin ahi. Chua chun amahon Pathen a kilhai na pumgo thilto jong ana kat uvin ahi.

2 ויכל דויד מהעלות העלה והשלמים ויברך את העם בשם יהוה

David in kilhaina kin aneijou in amite chu Pakai min in phatthei aboh in ahi.

3 ויחלק לכל איש ישראל מאיש ועד אשה--לאיש ככר לחם ואשפר ואשישה

Chujouvin aman ami Israel te numei pasal abonchauvin changlhah alhang a kisem ahin, lengpithei ga’a kisem nehthei ana peh ahi.

4 ויתן לפני ארון יהוה מן הלוים--משרתים ולהזכיר ולהודות ולהלל ליהוה אלהי ישראל

David in Levi mite chu Pakai thingkong maiya Israel Pathen Pakai phattheina sima, a vahchoi lasah le thangvah ding in mipi jouse lamkai din ana pansah e.

5 אסף הראש ומשנהו זכריה יעיאל ושמירמות ויחיאל ומתתיה ואליאב ובניהו ועבד אדם ויעיאל בכלי נבלים ובכנרות ואסף במצלתים משמיע

Asaph chu amaho lah a lamkai ahin, amahin lasah na a kimang tumging sumeng kivo ging asai yin ahi. Amaban tah’a chu Zechariah ahin chule ama kithopi ding in Jeiel, Mattithiah, Eliab, Benaiah, Obed-edom le Jeiel ahiuve. Amaho hi semjang le selangdah sai a pang ahiuve.

6 ובניהו ויחזיאל הכהנים--בחצצרות תמיד לפני ארון ברית האלהים

Chule Pathen thingkong kitepna masang a chun thempu Benaiah le Jahaziel chun tanglouvin sumkon ana mut lhon in ahi.

7 ביום ההוא אז נתן דויד בראש להדות ליהוה--ביד אסף ואחיו

David in hiche nikho chun Asaph le ami Levite chutoh Pakai a kipa na thangvah na lasah na ana peu vin ahi.

8 הודו ליהוה קראו בשמו-- הודיעו בעמים עלילתיו

Pakai chu thangvah na peuvin chule aloupina seiphong uvin vannoi leiset pumpin athibol jouse hecheh hen,

9 שירו לו זמרו לו-- שיחו בכל נפלאתיו

Thangvah toh thon ama vahchoi un chule namtin jouse chung a athilbol kidang ho hillhang uvin,

10 התהללו בשם קדשו-- ישמח לב מבקשי יהוה

Amintheng chu hapah in kipapi un, eiho Pakai mite ehiuve,

11 דרשו יהוה ועזו-- בקשו פניו תמיד

Tantih neilouvin Pakai thahatna chu holjing unlang hou uvin,

12 זכרו נפלאתיו אשר עשה-- מפתיו ומשפטי פיהו

Thil kidang tampi le datmo umtah aboldoh hole athu tan naho geldoh jing un,

13 זרע ישראל עבדו-- בני יעקב בחיריו

Nangho alhacha Israel chate ho chule Jacob son chilhah anam deilhen mite ho,

14 הוא יהוה אלהינו-- בכל הארץ משפטיו

Amahi eiho Pakai Pathen ahi, Ama thupeh dihtah hi vannoi jousen amu ding ahi.

15 זכרו לעולם בריתו-- דבר צוה לאלף דור

Aman aitih khang chan in jong akitepna agel doh jing in ahi,

16 אשר כרת את אברהם-- ושבועתו ליצחק

Hiche hi aman Abraham toh kitepna asem chu ahin chule Isaac heng a kitepna ana neichu ahi,

17 ויעמידה ליעקב לחק-- לישראל ברית עולם

Aman hichu Jacob heng a Israel mite toh aitih khang gei a tonsot'a dia kitep na thulhuh le suhdetna ana nei ahi.

18 לאמר לך אתן ארץ כנען-- חבל נחלתכם

“Nangma chan ding goulo nading Canaan gam chu kapeh ding nahi,” ati.

19 בהיותכם מתי מספר-- כמעט וגרים בה

Aman hiche aseilai chun nangmaho Canaan gam'a hon lhomcha a khopem bang a nana umlai u ahi, ati.

20 ויתהלכו מגוי אל גוי-- ומממלכה אל עם אחר

Hiti chun amaho chu namkhat apat namkhat in anavah uvin chule lenggam khat apat gamdang a ana vah leu ve,

21 לא הניח לאיש לעשקם-- ויוכח עליהם מלכים

Chujongle aman amaho chu koima suhgentheina le bolgimna ana neisah pon, amaho jeh in leng dang ho joh thugah na ananei jon ahi,

22 אל תגעו במשיחי-- ובנביאי אל תרעו

Kami lhenchomte natohkhah thei loudiu chule kathemgao ho jong nasuh genthei loudiu ahi,

23 שירו ליהוה כל הארץ-- בשרו מיום אל יום ישועתו

Leiset pumpin Pakai chu vahchoi hen chule aniseh in ami huh hingna thupha chu seiphong leuvin,

24 ספרו בגוים את כבודו-- בכל העמים נפלאתיו

Namtin vaipi lah a athilbol loupi ho phongjal un, chule athilbol kidang ho mitin vaipi hetsah un,

25 כי גדול יהוה ומהלל מאד-- ונורא הוא על כל אלהים

Pakai chu thunei pen ahin amin loupi vahchoi dia lomtah ahi. Chule Pathen dang jouse sang a gin le jadia lom ahi,

26 כי כל אלהי העמים אלילים-- ויהוה שמים עשה

Namtin vaipi dang ho hou hi semthu milim doi Pathen ahi, eiho Pakai vang hi vanlaijol sempa ahi,

27 הוד והדר לפניו-- עז וחדוה במקמו

Jana le lalna jouse le thahatna chule kipana Pakai ama kom a um ahi,

28 הבו ליהוה משפחות עמים-- הבו ליהוה כבוד ועז

Vannoi namtin vaipin Pakai thahat nale aloupi je chu hecheh hen,

29 הבו ליהוה כבוד שמו שאו מנחה ובאו לפניו-- השתחוו ליהוה בהדרת קדש

Pakai chu loupina jouse chang dia lom ahi, amuntheng dung jousea Pakai chu thilpeh toh thon houvun,

30 חילו מלפניו כל הארץ-- אף תכון תבל בל תמוט

Leiset mite jouse Pakai masang a tijan kithing jeng hen, leiset jong linglouhel in dettah in ding jing hen,

31 ישמחו השמים ותגל הארץ-- ויאמרו בגוים יהוה מלך

Vanna le leiya kipa thanop nan lodim soh hen chule Pakai vaihomna namtin vaipi jousea seiphong leuvin,

32 ירעם הים ומלואו-- יעלץ השדה וכל אשר בו

Twikhanglen le asung a cheng jousen jong avah choina sam u hen chule loulai dungle mimle chang ho jong kipah thanom in hung pohjal jeng uhen,

33 אז ירננו עצי היער מלפני יהוה--כי בא לשפוט את הארץ

Gammang thingphung jouse jong kipah lasah in kilingdoh soh hen, Pakai chu leiset na thutan’a ahung teng,

34 הודו ליהוה כי טוב-- כי לעולם חסדו

Pakai chu aphatna jallin thangvah na peuvin, ama a um tahsan umtah mingailutna chun tonsot'in athoh jing e,

35 ואמרו--הושיענו אלהי ישענו וקבצנו והצילנו מן הגוים להדות לשם קדשך להשתבח בתהלתך

“O Pathen eihuh hing paovin namtin vaipi lah a kon in neipui khom uvin lang neihuh doh uvin, chuteng nangma mintheng chu kakipa piuva kavah choi diu ahi.

36 ברוך יהוה אלהי ישראל-- מן העולם ועד העלם ויאמרו כל העם אמן-- והלל ליהוה

Pakai Israel Pathen chu vahchoiyun amachu tonsot tonsot gei a hingjing ahi chule amite jousen Pakai chu vahchoi in sam uhen,” Amen.

37 ויעזב שם לפני ארון ברית יהוה לאסף ולאחיו לשרת לפני הארון תמיד--לדבר יום ביומו

Hitichun David in Pakai kitepna thingkong a aniseh a angaichat najouse a natong le ding in Asaph le ama mi Levi mite chu ana pansah in ahi.

38 ועבד אדם ואחיהם ששים ושמונה ועבד אדם בן ידיתון וחסה לשערים

Hiche holah a chun Jeduthun chapa Obed-edom, Hosah le Levi mite misom gup le get chu kotkhah ngah in ana pang uve.

39 ואת צדוק הכהן ואחיו הכהנים לפני משכן יהוה--בבמה אשר בגבעון

Chule David in Zadok thempu le Levi mite chu Gibeon gamsung a Pakai Pathen houbuh a kimang cha din ana koi in ahi.

40 להעלות עלות ליהוה על מזבח העלה תמיד--לבקר ולערב ולכל הכתוב בתורת יהוה אשר צוה על ישראל

Pakai in Israel te chung a dan thupeh juidia ana nei bang in amahon Pakai a jingkah nilhah in kilhaina thilpeh maicham jong ana nei uve,

41 ועמהם הימן וידותון ושאר הברורים אשר נקבו בשמות--להדות ליהוה כי לעולם חסדו

Pakai akitah nale mingailut na tonsot na athoh hat na jallin ama thang vah na pe ding in David in Heman le Jeduthun ana lhengdoh un chule midang ana minphah chan jong ana pang uvin ahi.

42 ועמהם הימן וידותון חצצרות ומצלתים למשמיעים וכלי שיר האלהים ובני ידותון לשער

Hitichun amahon sumkon mut ginle khutbeh ginle tumging theijat tampi ho mang chan Pathen anavah choi uve, chule Jeduthun chapa chu kotkhah ngah in ana pansah uve.

43 וילכו כל העם איש לביתו ויסב דויד לברך את ביתו

Chujouvin mipi jouse chu ama inlam cheh a ana kileu vin David jong ama inlam a ainsung mite phattheiboh ding in ana che tan ahi.