Halelu 86
1 E HALIU mai kou pepeiao, e Iehova, a e hoolohe mai ia'u; No ka mea, ua pilikia au, a ua ilihune hoi.
| תפלה לדוד הטה-יהוה אזנך ענני-- כי-עני ואביון אני |
2 E malama mai oe i ko'u uhane, no ka mea, he haipule au: E kuu Akua, e hoola mai oe i kau kauwa i hilinai aku ia oe.
| שמרה נפשי כי-חסיד אני הושע עבדך אתה אלהי-- הבוטח אליך |
3 E aloha mai oe ia'u, e kuu Haku; No ka mea, ke kahea aku nei au ia oe i na la a pau.
| חנני אדני כי אליך אקרא כל-היום |
4 E hoohauoli mai oe i ka uhane o kau kauwa; No ka mea, ia oe no wau e hapai nei i ko'u uhane, e ka Haku.
| שמח נפש עבדך כי אליך אדני נפשי אשא |
5 A, no ka mea hoi, ua maikai oe, e ka Haku, a ua maliu koke mai hoi: Manomano kou lokomaikai ka poe a pau i hea aku ia oe.
| כי-אתה אדני טוב וסלח ורב-חסד לכל-קראיך |
6 E haliu mai kou pepeiao i ka'u pule, e Iehova; A e hoolohe i ka leo o ko'u nonoi ana.
| האזינה יהוה תפלתי והקשיבה בקול תחנונותי |
7 I ka la o ko'u popilikia e kahea aku no au ia oe; No ka mea, e ae mai no oe ia'u.
| ביום צרתי אקראך כי תענני |
8 Aohe mea like me oe iwaena o na'kua, e ka Haku e, Aole hoi he hana e like me kau.
| אין-כמוך באלהים אדני ואין כמעשיך |
9 E hele mai no ko na aina a pau au i hana'i, A e kulou hoomana imua o kou alo, e ka Haku, A e hoonani aku i kou inoa.
| כל-גוים אשר עשית--יבואו וישתחוו לפניך אדני ויכבדו לשמך |
10 No ka mea, ua nui loa oe, a ua hana hoi i na mea kupanaha; O oe wale no ke Akua.
| כי-גדול אתה ועשה נפלאות אתה אלהים לבדך |
11 E kuhikuhi mai oe i kou alanui, e Iehova, a e hele no wau ma kou oiaio; E hoolokahi mai oe i kou naau e makau aku i kou inoa.
| הורני יהוה דרכך-- אהלך באמתך יחד לבבי ליראה שמך |
12 E hoolea aku no au ia oe, e ka Haku, ko'u Akua, me ko'u naau a pau; A e hoonani mau loa aku i kou inoa.
| אודך אדני אלהי--בכל-לבבי ואכבדה שמך לעולם |
13 No ka mea, nui loa kou lokomaikai mai ia'u; Ua hoopakele mai oe i ko'u uhane i ka malu o ka make. (Sheol h7585)
| כי-חסדך גדול עלי והצלת נפשי משאול תחתיה (Sheol h7585) |
14 E ke Akua e, ua ala ku e mai ia'u ka poe hookiekie, A o ke anaina hookaumaha, ua imi mai lakou i ko'u uhane; Aole hoi lakou i hoonoho ia oe imua o lakou.
| אלהים זדים קמו-עלי ועדת עריצים בקשו נפשי ולא שמוך לנגדם |
15 Aka, o oe no ke Akua aloha, a me ka lokomaikai, e ka Haku, E hookaulua ana i ka huhu, A ua nui hoi ka lokomaikai, a me ka oiaio.
| ואתה אדני אל-רחום וחנון ארך אפים ורב-חסד ואמת |
16 E maliu mai oe, a e aloha mai hoi ia'u; E haawi mai oe i kou ikaika na kau kauwa nei, A e hoola mai hoi i ke keiki a kau kauwawahine.
| פנה אלי וחנני תנה-עזך לעבדך והושיעה לבן-אמתך |
17 E haawi mai oe i hoailona no ka maikai, I ike mai ka poe i huhu ia'u, a hilahila; No ka mea, ua kokua mai oe ia'u, e Iehova, A ua hooluolu mai no hoi ia'u.
| עשה-עמי אות לטובה ויראו שנאי ויבשו-- כי-אתה יהוה עזרתני ונחמתני |
