Halelu 8

1 E IEHOVA, e ko makou Haku, Kai ka hemolele o kou inoa ma ka honua a pau! Ua hohola oe i kou nani maluna o na lani.

למנצח על-הגתית מזמור לדוד ב יהוה אדנינו-- מה-אדיר שמך בכל-הארץ אשר תנה הודך על-השמים

2 Noloko ae o ka waha o na keiki hou a me na mea omo, I hoomakaukau ai oe i ka hoolea no kou poe enemi, I pilipu ia oe ka enemi, a me ka mea hoomaau.

מפי עוללים וינקים-- יסדת-עז למען צורריך להשבית אויב ומתנקם

3 I ko'u manao ana'ku i kou mau lani, ka hana o kou mau lima, I ka mahina a me na hoku au i hooponopono mai ai;

כי-אראה שמיך מעשה אצבעתיך-- ירח וכוכבים אשר כוננתה

4 Heaha ke kanaka i manao mai ai oe ia ia? A o ke keiki a ke kanaka hoi i ike mai ai oe ia ia?

מה-אנוש כי-תזכרנו ובן-אדם כי תפקדנו

5 Ua hana iho oe ia ia malalo iho o ka poe anela, Ua kau mai oe ia ia i ka nani a me ka mahalo i lei nona;

ותחסרהו מעט מאלהים וכבוד והדר תעטרהו

6 Ua hoolilo oe ia ia i haku no na mea a kou mau lima i hana'i; Nau no i waiho na mea a pau malalo ae o kona mau wawae:

תמשילהו במעשי ידיך כל שתה תחת-רגליו

7 O na hipa, a me na bipi a pau, Oia, me na holoholona o ke kula;

צנה ואלפים כלם וגם בהמות שדי

8 O na manu o ka lewa, a me na ia o ke kai, A me na mea a pau e holo ana ma na ala o ka moana.

צפור שמים ודגי הים עבר ארחות ימים

9 E IEHOVA, e ko makou Haku, Kai ka hemolele o kou inoa ma ka honua a pau!

יהוה אדנינו מה-אדיר שמך בכל-הארץ