Halelu 46
1 O KE Akua ka puuhonua a me ka ikaika o kakou, He kokua kokoke loa i ka popilikia ana.
For the Chief Musician. By the sons of Korah. According to Alamoth. God is our refuge and strength, a very present help in trouble.
2 Nolaila, aole makou e makau ke laweia'ku ka honua, A ke haliia'ku na mauna iwaena konu o ka moana;
Therefore we won’t be afraid, though the earth changes, though the mountains are shaken into the heart of the seas;
3 Ke halulu hoi kona mau wai me ke kupikipikio, Ke haalulu hoi na mauna i kona hookiekie ana. (Sila)
though its waters roar and are troubled, though the mountains tremble with their swelling. (Selah)
4 He muliwai nae i hoohauoli ai kona mau waikahe i ke kulanakauhale o ke Akua, I kahi hoano o na halelewa o ka mea kiekie loa.
There is a river, the streams of which make the city of God glad, the holy place of the tents of the Most High.
5 O ke Akua ka iwaena konu ona, Aole ia e hoonauweweia: E kokua mai ke Akua ia ia i ka wehe ana'e o ke alaula.
God is within her. She shall not be moved. God will help her at dawn.
6 Kupikipikio ae la na lahuikanaka, Nauwewe ae la na aupuni: Haawi mai la oia i kona leo, Hehee iho la ka honua.
The nations raged. The kingdoms were moved. He lifted his voice and the earth melted.
7 O Iehova Sabaota, oia me kakou: O ko Iakoba Akua ko kakou wahi e malu ai. (Sila)
The LORD of Armies is with us. The God of Jacob is our refuge. (Selah)
8 E hele mai e nana i na hana a Iehova, I kona hooneoneo ana ma ka honua.
Come, see the LORD’s works, what desolations he has made in the earth.
9 Ke hooki mai nei oia i na kaua a i ka welau o ka honua; Uhaki oia i ke kakaka, Oki pu hoi oia i ka ihe a kaawale; Hoopau hoi oia i ke kaakaua i ke ahi.
He makes wars cease to the end of the earth. He breaks the bow, and shatters the spear. He burns the chariots in the fire.
10 E noho malie, a e ike hoi e, Owau no ke Akua. E hapaiia au iwaena o na lahuikanaka; E hookiekieia hoi au ma ka honua.
“Be still, and know that I am God. I will be exalted amongst the nations. I will be exalted in the earth.”
11 O Iehova Sabaota oia me kakou; O ko Iakoba Akua ko kakou wahi e malu ai. (Sila)
The LORD of Armies is with us. The God of Jacob is our refuge. (Selah)
