Halelu 44
1 E KE Akua, ua lohe makou me ko makou mau pepeiao, Ua hai mai ko makou mau makua ia makou, I na hana au i hana'i i ko lakou mau la, i na wa kahiko.
| למנצח לבני-קרח משכיל ב אלהים באזנינו שמענו-- אבותינו ספרו-לנו פעל פעלת בימיהם בימי קדם |
2 Kipaku aku la oe i na lahuikanaka me kou lima, a hookomo mai ia lakou la; Hoopilikia iho la oe i na kanaka a kiola aku la:
| אתה ידך גוים הורשת-- ותטעם תרע לאמים ותשלחם |
3 No ka mea, aole me ka lakou pahikaua iho i loaa ai ia lakou ka aina; Aole hoi no ko lakou lima ponoi i hoola iho ia lakou iho: Aka, o kou peahi akau, a me kou lima, a me ka malamalama o kou maka; No ka mea, ua lokomaikai mai oe ia lakou.
| כי לא בחרבם ירשו ארץ וזרועם לא-הושיעה-למו כי-ימינך וזרועך ואור פניך-- כי רציתם |
4 O oe no ko'u Alii, e ke Akua; E kauoha mai i ka hoola ana ia Iakoba.
| אתה-הוא מלכי אלהים צוה ישועות יעקב |
5 Ma ou la e pahu aku ai makou i ko makou poe enemi: Ma kou inoa e hehi iho ai makou i ka poe ku e iluna ia makou.
| בך צרינו ננגח בשמך נבוס קמינו |
6 No ka mea, aole ma kuu kakaka e hilinai aku ai au: Aole hoi e hoola mai ka'u pahikaua ia'u.
| כי לא בקשתי אבטח וחרבי לא תושיעני |
7 Aka, nau no makou i hoopakele i ko makou poe enemi, A ua hoohoka oe i ka poe i inaina mai ia makou.
| כי הושעתנו מצרינו ומשנאינו הבישות |
8 Iloko o ke Akua e kaena ai makou a po ka la, A e hoomaikai mau loa aku i kou inoa. (Sila)
| באלהים הללנו כל-היום ושמך לעולם נודה סלה |
9 Aka, ua haalele ae nei oe a ua hoohilahila ia makou; Aole hoi oe i hele pu me ko makou poe kaua.
| אף-זנחת ותכלימנו ולא-תצא בצבאותינו |
10 A ua hoohuli oe ia makou i hope mai ka enemi mai; A o ka poe hoowahawaha ia makou, ua hao mai lakou no lakou iho.
| תשיבנו אחור מני-צר ומשנאינו שסו למו |
11 Ua haawi oe ia makou me he mau hipa la e lilo i ai; Ua hoopuehu hoi ia makou iwaena o na lahuikanaka.
| תתננו כצאן מאכל ובגוים זריתנו |
12 Ua kuai hoolilo aku oe i kou poe kanaka no ka mea ole, Aole hoi i hoomahuahua ma ka uku no lakou.
| תמכר-עמך בלא-הון ולא-רבית במחיריהם |
13 Ua waiho oe ia makou he mea e hoinoia iwaena o ko makou poe hoanoho, He mea e hoowahawaha ai a e henehene ai no ka poe e hoopuni ana ia makou.
| תשימנו חרפה לשכנינו לעג וקלס לסביבותינו |
14 Ua hoolilo oe ia makou i huaolelo ino, A i luli poo ana iwaena o na lahuikanaka.
| תשימנו משל בגוים מנוד-ראש בלאמים |
15 E mau ana ko'u hoinoia imua o ko'u maka; A ua uhi mai ka hilahila o ko'u maka ia'u:
| כל-היום כלמתי נגדי ובשת פני כסתני |
16 No ka leo o ka mea i hailiili a i hoino wale mai; No ka enemi hoi a me ka mea hoopai.
| מקול מחרף ומגדף מפני אויב ומתנקם |
17 Ua pau ia mea i ke kau mai maluna o makou, Aole hoi makou i hoopoina ia oe; Aole hoi i hoopunipuni makou ma kou berita.
| כל-זאת באתנו ולא שכחנוך ולא-שקרנו בבריתך |
18 Aole i hoohuliia ko makou naau, Aole hoi i kapae ae ko makou mau kapuwai mai kou aoao ae;
| לא-נסוג אחור לבנו ותט אשרינו מני ארחך |
19 Ua hanapepe loa oe ia makou ma kahi nahesa; A ua hoouhi mai oe ia makou me ka malu o ka make.
| כי דכיתנו במקום תנים ותכס עלינו בצלמות |
20 Ina i hoopoina makou i ka inoa o ko makou Akua, Ina i kikoo aku ko makou mau lima i kahi akua wahahee;
| אם-שכחנו שם אלהינו ונפרש כפינו לאל זר |
21 Aole anei i imi ke Akua ia mea? No ka mea, ua ike oia i na mea huna o ka naau.
| הלא אלהים יחקר-זאת כי-הוא ידע תעלמות לב |
22 Oiaio, nou makou i pepehiia'i a po ka la; Ua manaoia makou me he mau hipa la e hoomakeia.
| כי-עליך הרגנו כל-היום נחשבנו כצאן טבחה |
23 E ala'e, o ke aha kou mea e hiamoe ai, e ka Haku? E ku mai hoi iluna, mai haalele mai ia makou a mau loa.
| עורה למה תישן אדני הקיצה אל-תזנח לנצח |
24 No ke aha la i huna ai oe i kou maka? A i hoopoina hoi i ko makou popilikia, a me ko makou hooluhihewaia?
| למה-פניך תסתיר תשכח ענינו ולחצנו |
25 No ka mea, ua kulou iho ko makou uhane i ka lepo; Ua pili ko makou opu i ka honua.
| כי שחה לעפר נפשנו דבקה לארץ בטננו |
26 E ku mai oe e kokua no makou, A e hoola ia makou no kou aloha.
| קומה עזרתה לנו ופדנו למען חסדך |
