Halelu 41

1 POMAIKAI ke kanaka i manao i ka popilikia: E hoakea mai o Iehova ia ia i ka wa ino.

To the chief Musician. A Psalm of David. Blessed is he that understandeth the poor: Jehovah will deliver him in the day of evil.

2 E hoomalu mai o Iehova a e hoomau i kona ola; A e hoopomaikaiia no ia maluna o ka honua; Aole hoi oe e haawi ia ia i ka makemake o kona poe enemi.

Jehovah will preserve him, and keep him alive; he shall be made happy in the land; and thou wilt not deliver him to the will of his enemies.

3 E hooikaika mai no hoi o Iehova ia ia maluna o kahi moe e nawaliwali ai: E pau no hoi ia oe kona moena i ka koomakaukauia i kona mai ana.

Jehovah will sustain him upon the bed of languishing: thou turnest all his bed in his sickness.

4 I aku la au, E Iehova, e aloha mai ia'u; E hoola i kuu uhane, no ka mea, ua hana hewa aku au ia oe.

As for me, I said, Jehovah, be gracious unto me: heal my soul; for I have sinned against thee.

5 Ke olelo hewa nei ko'u poe enemi no'u; Ahea la e make ia, a e lilo kona inoa?

Mine enemies wish me evil: When will he die, and his name perish?

6 Ina i hele mai ia e ike mai, Ua olelo no ia ma ka lapuwale; Houluulu hoi kona naau i ka hewa nona iho; A puka ia iwaho, hai aku la no ia.

And if one come to see [me], he speaketh falsehood; his heart gathereth wickedness to itself: he goeth abroad, he telleth [it].

7 Hawanawana ku e pu mai ia'u na mea a pau i inaina mai ia'u; Kukakuka ku e mai lakou i ka hewa no'u.

All that hate me whisper together against me; against me do they devise my hurt.

8 He mea ino ka i pili loa ia ia: A ke moe ia ia, aole e ala hou ae.

A thing of Belial cleaveth fast unto him; and now that he is laid down, he will rise up no more.

9 Oiaio, o ko'u hoaaloha a'u i hilinai aku ai, Ka mea i ai i ka'u berena, Oia ka i hapai ku e i kona kuekue wawae ia'u.

Yea, mine own familiar friend, in whom I confided, who did eat of my bread, hath lifted up [his] heel against me.

10 Aka, e aloha mai oe, e Iehova, ia'u; E hooku hou ia'u iluna e uku aku au ia lakou.

But thou, Jehovah, be gracious unto me, and raise me up, that I may requite them.

11 Ma keia mea i ike ai au i kou lokomaikai ana mai ia'u: No ka mea, aole i hooho olioli ko'u enemi maluna o'u.

By this I know that thou delightest in me, because mine enemy doth not triumph over me.

12 A owau nei la, ke hooku paa nei oe ia'u i ko'u pono, Ke hoonoho mau ia'u imua o ko'u alo.

But as for me, thou upholdest me in mine integrity, and settest me before thy face for ever.

13 E hoomaikai mau ia'ku o Iehova ke Akua o Iseraela, Mai ke ao kumu ole, a i ke ao pau ole. Amene, Amene.

Blessed be Jehovah, the God of Israel, from eternity to eternity! Amen, and Amen.