Halelu 26

1 E HOOPONO mai oe ia'u, e Iehova, no ka mea, ua hele au me ko'u pono: Ua hilinai au ia Iehova, aole au e pahee.

לדוד שפטני יהוה-- כי-אני בתמי הלכתי וביהוה בטחתי לא אמעד

2 E huli oe ia'u, e Iehova, a e hoike ia'u; E hoao mai oe i kuu puupaa a me kuu naau.

בחנני יהוה ונסני צרופה (צרפה) כליותי ולבי

3 No ka mea, imua o ko'u mau maka kou lokomaikai; A ma kau olelo oiaio i hele ai au.

כי-חסדך לנגד עיני והתהלכתי באמתך

4 Aole au i noho pu me ka poe hookano; Aole hoi e komo pu me ka poe hookamani wale.

לא-ישבתי עם-מתי-שוא ועם נעלמים לא אבוא

5 Ua hoowahawaha au i ke anaina o ka poe hana ino; Aole hoi e noho pu au me ka poe hewa.

שנאתי קהל מרעים ועם-רשעים לא אשב

6 E holoi au i kuu mau lima me ka hala ole; Pela hoi au e hoopuni ai i kou kuahu, e Iehova;

ארחץ בנקיון כפי ואסבבה את-מזבחך יהוה

7 E hoike aku au me ka leo hoomaikai, A e hai aku hoi i kau mau hana kupaianaha a pau.

לשמע בקול תודה ולספר כל-נפלאותיך

8 E Iehova, ua makemake au i ka noho ana o kou hale, A me ka wahi e noho ai kou nani.

יהוה--אהבתי מעון ביתך ומקום משכן כבודך

9 Mai houluulu oe i ko'u uhane me ka poe hewa; Aole hoi i kuu ola me na kanaka koko:

אל-תאסף עם-חטאים נפשי ועם-אנשי דמים חיי

10 Maloko o ko lakou mau lima ke kolohe; A ua piha i na kipe ko lakou mau lima akau.

אשר-בידיהם זמה וימינם מלאה שחד

11 A owau nei la, e hele au me kuu pono; E hoola mai oe ia'u, a e aloha mai ia'u.

ואני בתמי אלך פדני וחנני

12 Ke ku nei kuu wawae ma kahi maniania; Maloko o na anaina e hoomaikai aku ai au ia Iehova.

רגלי עמדה במישור במקהלים אברך יהוה