Halelu 24

1 NO Iehova ka honua a me kona mea e piha ai; O ke ao nei, a me ka poe e noho ana maloko ona.

Of David. A Psalm. The earth is Jehovah's, and the fulness thereof; the world, and they that dwell therein.

2 No ka mea, nana no ia i hookumu maluna iho o na kai, A i hoopaa hoi maluna iho o na wai.

For it was he that founded it upon seas, and established it upon floods.

3 Owai la ka mea e pii i ka mauna o Iehova? Owai la hoi ke ku ma kona wahi hoano?

Who shall ascend into the mount of Jehovah? and who shall stand in his holy place?

4 O ka mea lima paumaele ole a me ka naau maemae; O ka mea i paulele ole kona uhane i ka mea lapuwale; Aole hoi i hoohiki i ke Akua me ka wahahee:

He that hath blameless hands and a pure heart; who lifteth not up his soul unto vanity, nor sweareth deceitfully:

5 Oia ka mea e hoomaikaiia mai e Iehova, A e hooponoia mai hoi e kona Akua e ola'i.

He shall receive blessing from Jehovah, and righteousness from the God of his salvation.

6 Oia ka hanauna o ka poe i imi ia ia, I huli hoi i kou alo, e ke Akua o Iakoba. (Sila)

This is the generation of them that seek unto him, that seek thy face, O Jacob. (Selah)

7 E hapai ae, e na pani, i ko oukou mau poo; E hookiekieia'e hoi oukou, e na ipuka mau loa; A e komo no hoi ke Alii nani.

Lift up your heads, ye gates, and be ye lifted up, ye everlasting doors, and the King of glory shall come in.

8 Owai la ia Alii nani? O Iehova ka ikaika a me ka mana; O Iehova ka mea mana i ke kaua.

Who is this King of glory? Jehovah strong and mighty, Jehovah mighty in battle.

9 E hapai ae, e na pani, i ko oukou mau poo, E hookiekieia'e oukou, e na ipuka mau loa; A e komo no hoi ke Alii nani.

Lift up your heads, ye gates; yea, lift up, ye everlasting doors, and the King of glory shall come in.

10 Owai la ia Alii nani? O Iehova Sabaota, oia ke Alii nani. (Sila)

Who is he, this King of glory? Jehovah of hosts, he is the King of glory. (Selah)