Halelu 146
1 E HALELU aku ia Iehova; E kuu uhane, e halelu aku ia Iehova.
Praise you the LORD. Praise the LORD, O my soul.
2 E halelu aku au ia Iehova i ko'u ola ana; E hoolea aku no wau i ko'u Akua i ko'u manawa a pau.
While I live will I praise the LORD: I will sing praises to my God while I have any being.
3 Mai hilinai oukou i na'lii, I ke keiki a ke kanaka hoi, ka mea hiki ole ke hoola mai.
Put not your trust in princes, nor in the son of man, in whom there is no help.
4 Puka aku no kona ea, a hoi oia i ka lepo; I ua la la no, make kona mau manao.
His breath goes forth, he returns to his earth; in that very day his thoughts perish.
5 Pomaikai ka mea, ia ia ke Akua o Iakoba, i kokua nona, Ka mea hoi i hoolana ma Iehova, kona Akua:
Happy is he that has the God of Jacob for his help, whose hope is in the LORD his God:
6 Ka Mea nana i hana ka lani a me ka honua, Ka moana hoi, a me na mea a pau iloko ona, Ka Mea i malama mau loa mai i ka oiaio;
Which made heaven, and earth, the sea, and all that therein is: which keeps truth for ever:
7 Ka Mea i hooponopono i ka poe i hookaumahaia; Ka Mea i haawi mai i ka ai na ka poe pololi. Na Iehova no ka hookuu ana o ka poe paa.
Which executes judgment for the oppressed: which gives food to the hungry. The LORD looses the prisoners:
8 Hookaakaa mai no o Iehova i na maka o ka poe makapo; Hoala mai no o Iehova i ka poe kulou, i hookulouia: Aloha mai na hoi o Iehova i ka poe pono.
The LORD opens the eyes of the blind: the LORD raises them that are bowed down: the LORD loves the righteous:
9 Malama mai no o Iehova i na malihini, Hoolako hou mai no oia i ka poe makua ole, a me na wahinekanemake; Hookahuli wale oia i ka aoao o ka poe hewa.
The LORD preserves the strangers; he relieves the fatherless and widow: but the way of the wicked he turns upside down.
10 E noho aupuni no o Iehova, a i ke ao pau ole, O kou Akua hoi, e Ziona, a i na hanauna a pau. E halelu aku oukou ia Iehova.
The LORD shall reign for ever, even your God, O Zion, to all generations. Praise you the LORD.
