Halelu 112

1 E HALELU aku ia Iehova. Pomaikai ke kanaka i makau aku ia Iehova, A lealea nui hoi ma kana mau kauoha.

Alleluia. Blessed is the man that fears the Lord: he will delight greatly in his commandments.

2 E nui ana auanei kana poe mamo ma ka honua; E pomaikai auanei ka hanauna o ka poe pololei.

His seed shall be mighty in the earth: the generation of the upright shall be blessed.

3 Aia ma kona hale ka waiwai a me ka ukana; A e mau loa ana no kona pono.

Glory and riches shall be in his house; and his righteousness endures for evermore.

4 No ka poe pono, puka mai no ka malamalama mailoko mai o ka pouli; He aloha, he lokomaikai, a he pono kona.

To the upright light has sprung up in darkness: he is pitiful, and merciful, and righteous.

5 O ke kanaka maikai, aloha ae la ia a haawi ae no hoi: Hooponopono no oia i kona mau mea, me ka naauao.

The good man is he that pities and lends: he will direct his affairs with judgment.

6 Aole ia e kulanalana, a i ke ao pau ole; E hoomanao mau loa ia no hoi ka poe pono.

For he shall not be moved for ever; the righteous shall be in everlasting remembrance.

7 Aole ia e makau i ka lono ana i na mea hewa; Ua onipaa kona naau, me ka hilinai aku ia Iehova.

He shall not be afraid of [any] evil report: his heart is ready to trust in the Lord.

8 Ua kooia kona naau, aole ia e makau, A ike aku oia i ka mea maluna o kona poe enemi.

His heart is established, he shall not fear, till he shall see [his desire] upon his enemies.

9 Ua lulu aku oia, ua haawi wale i ka poe ilihune, E mau loa ana no kona pono; E hookiekieia kona pepeiaohao me ka hanohano.

He has dispersed abroad; he has given to the poor; his righteousness endures for evermore: his horn shall be exalted with honour.

10 E ike mai no ka poe hewa, a huahua; E uwi no kona mau niho a e hehee wale oia: E pau auanei ka mea a ka poe hewa i makemake ai.

The sinner shall see and be angry, he shall gnash his teeth, and consume away: the desire of the sinner shall perish.