Halelu 111

1 E HALELU aku ia Iehova: E mililani aku au ia Iehova me kuu naau a pau, Ma ke anaina o ka poe pono, a me ka ahakanaka no hoi.

I will praise thee, O Lord, with my whole heart; in the council of the just: and in the congregation.

2 He mana no na hana a Iehova, A ua imiia hoi e ka poe a pau i makemake aku ia mau mea.

Great are the works of the Lord: sought out according to all his wills.

3 He nani, a he hanohano hoi kana hana; E mau loa ana no kona pono.

His work is praise and magnificence: and his justice continueth for ever and ever.

4 Ua hana oia i mea e hoomanaoia'i kana mau hana mana: He aloha, a he lokomaikai o Iehova.

He hath made a remembrance of his wonderful works, being a merciful and gracious Lord:

5 Ua haawi mai oia i ka ai na ka poe makau aku ia ia: E hoomanao mau loa no oia i kona berita.

He hath given food to them that fear him. He will be mindful for ever of his covenant:

6 Ua hoike mai oia i kona poe kanaka i ka mana o kana mau hana, I ka haawi ana mai ia lakou e noho ma na hooilina o ko na aina e.

He will shew forth to his people the power of his works.

7 O na hana a kona mau lima, he oiaio, a he hoopono, He oiaio no kana mau kauoha a pau.

That he may give them the inheritance of the Gentiles: the works of his hands are truth and judgment.

8 Onipaa loa lakou, a i ka manawa pau ole, Ua hanaia ma ka oiaio, a ma ka pololei.

All his commandments are faithful: confirmed for ever and ever, made in truth and equity.

9 Hoouna mai oia i ka hoolapanai no kona poe kanaka: Ua kauoha mai oia, e mau loa kona berita: He hoano, a he mea weliweli hoi kona inoa.

He hath sent redemption to his people: he hath commanded his covenant for ever. Holy and terrible is his name:

10 O ka makau aku ia Iehova, oia ke kumu o ke akamai; He naauao maikai ka poe a pau o hana malaila; E mau loa ana no kona hoonaniia.

The fear of the Lord is the beginning of wisdom. A good understanding to all that do it: his praise continueth for ever and ever.