Ioba 33

1 NOLAILA ke noi aku nei au ia oe, e Ioba, e hoolohe mai i ka'u mau olelo, A e haliu mai i ka'u mau huaolelo a pau.

ואולם--שמע-נא איוב מלי וכל-דברי האזינה

2 Aia hoi, ano, ke wehe nei au i kuu waha, Ke olelo aku nei kuu elelo ma kuu waha.

הנה-נא פתחתי פי דברה לשוני בחכי

3 Ma ka pono o kuu naau ka'u olelo; A e olelo akaka kuu lehelehe i ka naauao.

ישר-לבי אמרי ודעת שפתי ברור מללו

4 Na ka Uhane o ke Akua owau i hana, Na ka hanu hoi o ka Mea mana owau i hoola.

רוח-אל עשתני ונשמת שדי תחיני

5 Ina e hiki ia oe ke ekemu mai ia'u, E hooponopono oe imua o'u, e kupaa.

אם-תוכל השיבני ערכה לפני התיצבה

6 Aia hoi, no ke Akua no wau e like me oe; Ua hanaia hoi au mai ka lepo mai.

הן-אני כפיך לאל מחמר קרצתי גם-אני

7 Aia hoi, aole ko'u makau e hooweliweli ia oe, Aole e hookaumahaia ko'u lima maluna ou.

הנה אמתי לא תבעתך ואכפי עליך לא-יכבד

8 He oiaio, ua olelo mai oe maloko o kuu pepeiao, A ua lohe au i ka leo o kau mau olelo;

אך אמרת באזני וקול מלין אשמע

9 Ua maemae wau, me ka hala ole, Ua maemae wau, aohe hewa iloko o'u.

זך אני בלי-פשע חף אנכי ולא עון לי

10 Aia hoi, ua imi no ia i na mea ku e ia'u, Ua manao mai ia ia'u he enemi nona;

הן תנואות עלי ימצא יחשבני לאויב לו

11 Ua hookomo no ia i kuu mau wawae ma ka laau kupee, Ua hoohalua no ia i ko'u mau aoao a pau.

ישם בסד רגלי ישמר כל-ארחתי

12 Aia hoi, ma keia ua pono ole oe; E olelo aku au ia oe, no ka mea, ua oi ke Akua mamua o ke kanaka.

הן-זאת לא-צדקת אענך כי-ירבה אלוה מאנוש

13 No ke aha la oe i hakaka pu ai me ia? No ka mea, aole ia i hoike mai i kana mau mea a pau.

מדוע אליו ריבות כי כל-דבריו לא יענה

14 No ka mea, hookahi ka ke Akua olelo ana mai, A elua hoi, aole nae i manaoia oia.

כי-באחת ידבר-אל ובשתים לא ישורנה

15 Ma ka moeuhane, ma ka hihio i ka po, I ke kau ana o ka hiamoe nui maluna o kanaka, I ka hiamoe ana maluna o kahi moe;

בחלום חזיון לילה--בנפל תרדמה על-אנשים בתנומות עלי משכב

16 Alaila wehe ae la ia i na pepeiao o kanaka, A hoopaa mai ia i ke ao ana o lakou,

אז יגלה אזן אנשים ובמסרם יחתם

17 I hoololi ai ia i ka ke kanaka hana, A e hookaa i ke kiekie mai ke kanaka aku.

להסיר אדם מעשה וגוה מגבר יכסה

18 Ua hoopakele no ia i kona uhane mai ka luakupapau mai, A i kona ola hoi mai ka make ana i ka pahikaua.

יחשך נפשו מני-שחת וחיתו מעבר בשלח

19 Ua hoopaiia oia i ka eha maluna o kona wahi moe, A o ka haukeke o kona mau iwi, ua ikaika ia.

והוכח במכאוב על-משכבו וריב (ורוב) עצמיו אתן

20 Ua hoopailua kona naau i ka berena, A o kona uhane i ka ai maikai.

וזהמתו חיתו לחם ונפשו מאכל תאוה

21 Ua hoopauia kona io mai ka maka aku, A ua ahuwale mai kona mau iwi i ike ole ia.

יכל בשרו מראי ושפי (ושפו) עצמתיו לא ראו

22 A ua hookokokeia kona uhane i ka luakupapau, A o kona ola i na mea hoopau.

ותקרב לשחת נפשו וחיתו לממתים

23 Ina me ia he anela, he hoikeolelo, Hookahi noloko mai o ke tausani, E hoike aku i ke kanaka i kona pono;

אם-יש עליו מלאך--מליץ אחד מני-אלף להגיד לאדם ישרו

24 A aloha mai oia ia ia, a i iho la, E hoopakele ia ia mai ka iho ana i ka lua; Ua loaa ia'u ka uku hoola.

ויחננו--ויאמר פדעהו מרדת שחת מצאתי כפר

25 E hana hou ia kona io me ia i ka wa kamalii, E hoi hou no ia i na la o kona wa opio:

רטפש בשרו מנער ישוב לימי עלומיו

26 E pule aku no ia i ke Akua, a e oluolu no oia ia ia: A e ike aku ia i kona maka me ka hauoli; A e hoihoi aku no ia no ke kanaka i kona pono.

יעתר אל-אלוה וירצהו וירא פניו בתרועה וישב לאנוש צדקתו

27 E nana mai no ia i na kanaka, A e olelo iho kekahi, Ua hewa au, A ua hookahuli au i ka pono, aole nae i hooukuia mai au;

ישר על-אנשים ויאמר חטאתי וישר העויתי ולא-שוה לי

28 E hoopakele no ia i kona uhane mai ka hele ana i ka lua, A e ike kona mau maka i ka malamalama.

פדה נפשי (נפשו) מעבר בשחת וחיתי (וחיתו) באור תראה

29 Aia hoi, o keia mau mea a pau i hana pinepine ai ke Akua me ke kanaka,

הן-כל-אלה יפעל-אל-- פעמים שלוש עם-גבר

30 E hoihoi mai i kona uhane mai ka lua mai, E hoomalamalamaia i ka malamalama o ka poe e ola ana.

להשיב נפשו מני-שחת-- לאור באור החיים

31 E haliu mai oe, e Ioba, e hoolohe mai ia'u: E noho malie, a na'u e olelo aku.

הקשב איוב שמע-לי החרש ואנכי אדבר

32 Ina he wahi mea, e ekemu mai oe ia'u, E olelo mai, no ka mea ke makemake nei au i kou hoaponoia.

אם-יש-מלין השיבני דבר כי-חפצתי צדקך

33 A i ole hoi, e hoolohe mai oe ia'u, E noho malie, a e ao aku au ia oe i ka noeau.

אם-אין אתה שמע-לי החרש ואאלפך חכמה