Ioba 12
1 OLELO mai ia o Ioba, i mai la,
| ויען איוב ויאמר׃ |
2 He oiaio, o oukou ka poe kanaka, A e make pu ka noiau me oukou.
| אמנם כי אתם עם ועמכם תמות חכמה׃ |
3 Aka, he naauao ko'u e like me oukou; Aole au i emi malalo iho o oukou: A owai la ka mea ike ole i na mea like me keia mau mea?
| גם לי לבב כמוכם לא נפל אנכי מכם ואת מי אין כמו אלה׃ |
4 Ua lilo au i mea heneheneia e kona hoalauna, E kahea ana i ke Akua, a hoolohe mai oia ia ia; O ka mea pono a me ka hala ole, ua akaakaia oia.
| שחק לרעהו אהיה קרא לאלוה ויענהו שחוק צדיק תמים׃ |
5 Me ka ipukukui i hoowahawahaia i ka manao o ka mea e noho nanea ana, Pela ka mea ua kokoke pahee kona mau wawae.
| לפיד בוז לעשתות שאנן נכון למועדי רגל׃ |
6 Ua pomaikai na halelewa o ka poe luku wale, A ua noho maluhia ka poe hoonaukiuki aku i ke Akua; Iloko o ko lakou lima na ke Akua i haawi mai.
| ישליו אהלים לשדדים ובטחות למרגיזי אל לאשר הביא אלוה בידו׃ |
7 Aka, ano e ninau i na holoholona, a e ao mai lakou ia oe; A me na manu o ka lewa, a e hoike mai lakou ia oe;
| ואולם שאל נא בהמות ותרך ועוף השמים ויגד לך׃ |
8 E olelo aku paha i ka honua, a e ao mai no ia ia oe: A o na ia o ke kai e hoakaka mai no lakou ia oe,
| או שיח לארץ ותרך ויספרו לך דגי הים׃ |
9 Owai la ka mea ike ole i keia mau mea a pau, Na ka lima o Iehova i hana keia?
| מי לא ידע בכל אלה כי יד יהוה עשתה זאת׃ |
10 Iloko o kona lima ka uhane o na mea ola a pau, A me ka hanu o na kanaka a pau.
| אשר בידו נפש כל חי ורוח כל בשר איש׃ |
11 Aole anei e hoao ke pepeiao i na olelo? A e hoao ka waha i ka ai nona iho?
| הלא אזן מלין תבחן וחך אכל יטעם לו׃ |
12 Me ka poe kahiko ka maiau, A me ke ola loihi ka naauao.
| בישישים חכמה וארך ימים תבונה׃ |
13 Ia ia ka naauao, a me ka ikaika; Nona ka oleloao, a me ke akamai.
| עמו חכמה וגבורה לו עצה ותבונה׃ |
14 Aia hoi, ke wawahi nei oia, aole e kukulu hou ia; Ke hahao aku ia i ke kanaka iloko, aole e hookuuia'ku.
| הן יהרוס ולא יבנה יסגר על איש ולא יפתח׃ |
15 Aia hoi, ke hoopaa nei oia i na wai, a ua maloo lakou: A hookuu aku oia ia lakou, a luku lakou i ko ka honua.
| הן יעצר במים ויבשו וישלחם ויהפכו ארץ׃ |
16 Me ia ka ikaika, a me ka naauao: Nona ka mea i hoopuniia, a me ka mea hoopuni.
| עמו עז ותושיה לו שגג ומשגה׃ |
17 Ua lawe pio aku ia i na kakaolelo, A hoolilo i na lunakanawai i poe hawawa.
| מוליך יועצים שולל ושפטים יהולל׃ |
18 Kala aku no ia i ka mea paa o na'lii, A kaei aku ia i ko lakou puhaka i ke kaei.
| מוסר מלכים פתח ויאסר אזור במתניהם׃ |
19 Alakai pio aku ia i na kahuna, A hookahuli i ka poe ikaika.
| מוליך כהנים שולל ואתנים יסלף׃ |
20 Hoopau aku ia i ka olelo a ka poe oiaio, A lawe aku ia i ka naauao, mai ka poe kahiko aku.
| מסיר שפה לנאמנים וטעם זקנים יקח׃ |
21 Ninini iho ia i ka hoino maluna o na'lii, A kala ae no ia i ke kaei o ka poe ikaika.
| שופך בוז על נדיבים ומזיח אפיקים רפה׃ |
22 Hoike mai ia i na mea hohonu mailoko mai o ka pouli, A hoopuka no ia i ka malamalama mai ka malu make mai.
| מגלה עמקות מני חשך ויצא לאור צלמות׃ |
23 Hoomahuahua no ia i na lahuikanaka, a luku aku no hoi ia lakou: Hoonui aku no ia i na lahuikanaka, a hoemi hou iho ia lakou.
| משגיא לגוים ויאבדם שטח לגוים וינחם׃ |
24 Lawe aku ia i ka naauao o na luna o kanaka ma ka honua; A hooauwana ia lakou ma ka waonahele, aohe alauui.
| מסיר לב ראשי עם הארץ ויתעם בתהו לא דרך׃ |
25 Haha lakou iloko o ka pouli aohe malamalama, A e hoohikaka aku oia ia lakou, me he mea ona la.
| ימששו חשך ולא אור ויתעם כשכור׃ |
