Ioba 11

1 A LAILA olelo aku la o Zopara ka Naamata, i aku la,

ויען צפר הנעמתי ויאמר

2 Aole anei e pono ke pane aku i na huaolelo he nui la? E hoaponoia anei ke kanaka lehelehe wale?

הרב דברים לא יענה ואם-איש שפתים יצדק

3 E paa anei ka waha o kanaka i kou kaena wale ana? A hoomaewaewa mai oe, aole anei he mea nana oe e hoohilahila aku?

בדיך מתים יחרישו ותלעג ואין מכלם

4 A ua olelo mai oe, he maemae kuu olelo, A ua hala ole au i kou mau maka.

ותאמר זך לקחי ובר הייתי בעיניך

5 Ina paha e olelo mai ke Akua, A e wehe ae i kona lehelehe ia oe;

ואולם--מי יתן אלוה דבר ויפתח שפתיו עמך

6 A e hoike mai oia ia oe i na mea huna o ka naauao, Ua papalua ka maiau! Alaila e ike auanei oe, E hoopoina mai no ke Akua i na hewa ou.

ויגד-לך תעלמות חכמה-- כי-כפלים לתושיה ודע-- כי-ישה לך אלוה מעונך

7 E loaa anei ia oe ka ke Akua mau mea hohonu? E loaa pololei loa anei ia oe ka Mea mana?

החקר אלוה תמצא אם עד-תכלית שדי תמצא

8 Ua kiekie ia e like me ka lani; heaha kau e hana ai? Ua oi kona hohonu i ko ka po; heaha kau e ike ai? (Sheol h7585)

גבהי שמים מה-תפעל עמקה משאול מה-תדע (Sheol h7585)

9 Ua oi kona loa mamua o ko ka honua, A o ka laula imua o ko ke kai.

ארכה מארץ מדה ורחבה מני-ים

10 Ina e hopu mai ia, a hoopaa iho, a hookolokolo, Alaila owai la ka mea e keakea ia ia?

אם-יחלף ויסגיר ויקהיל ומי ישיבנו

11 No ka mea, ua ike no ia i ka poe hewa, Ua nana mai hoi ia i ka hala; Aole anei ia e ike mai?

כי-הוא ידע מתי-שוא וירא-און ולא יתבונן

12 E ake ke kanaka naaupo i akamai, O ke kanaka i hanau nae me he keiki la a ka hoki hihiu.

ואיש נבוב ילבב ועיר פרא אדם יולד

13 Ina e hoomakaukau oe i kou naau, A e kikoo aku i kou mau lima io na la;

אם-אתה הכינות לבך ופרשת אליו כפיך

14 Ina he hewa iloko o kou lima, e hoolei loa aku ia; A mai ae e noho ka hewa ma kou mau halelewa.

אם-און בידך הרחיקהו ואל-תשכן באהליך עולה

15 Alaila e hoala ae oe i kou maka me ke kina ole; A e ku paa no oe, aole hoi e makau:

כי-אז תשא פניך ממום והיית מצק ולא תירא

16 No ka mea, e hoopoina no oe i ka ehaeha, A e hoomanao ia mea, e like me ka wai i kahe aku:

כי-אתה עמל תשכח כמים עברו תזכר

17 A e kupaa kou ola loa ana, e like me ke awakea; Ano ua pouli oe, alaila e like no oe me ke kakahiaka.

ומצהרים יקום חלד תעפה כבקר תהיה

18 A e maluhia oe, no ka mea, he mea no e laua ai ka manao; Ano ua poho ka manao, aka, alaila, e noho maluhia oe.

ובטחת כי-יש תקוה וחפרת לבטח תשכב

19 A e moe iho oe ilalo, aohe mea nana oe e hoomakau mai; A nui na mea e hoalohaloha imua ou.

ורבצת ואין מחריד וחלו פניך רבים

20 Aka, e pio na maka o ka poe hewa, A ua nele lakou i ka puuhonua, A o ko lakou manaolana, o ke kuu ana no ia o ka uhane.

ועיני רשעים תכלינה ומנוס אבד מנהם ותקותם מפח-נפש