Zakariya 2

1 Sa’an nan na ɗaga kai sai na ga mutum a tsaye riƙe da ma’auni a hannunsa!

Then I looked again and I saw a man with a measuring line in his hand.

2 Sai na yi tambaya, na ce, “Ina za ka?” Ya amsa mini ya ce, “Zan je in auna Urushalima, in ga yadda fāɗinta da tsawonta suke.”

“Where are you going?” I asked him. “I'm going to Jerusalem to measure its width and length,” he replied.

3 Sai mala’ikan da yake yi mini magana ya tafi, sai wani mala’ika ya zo ya same shi

The angel I was talking to came forward and another angel came to meet him

4 ya ce masa, “Yi gudu, gaya wa saurayin can cewa, ‘Urushalima za tă zama birni marar katanga domin mutane da dabbobi masu yawa ƙwarai za su kasance a cikinta.

and told him, “Run, and tell the young man that Jerusalem will have so many people and farm animals that it will be too big to have walls.”

5 Ni da kaina ne zan zama katangar wuta kewaye da birnin, in kuma zama darajarta,’ in ji Ubangiji.

The Lord declares, I myself will be a wall of fire all around the city, and I will be the glory inside it.

6 “Zo! Zo! Ku gudu daga ƙasar arewa,” in ji Ubangiji, “gama na warwatsa ku a kusurwoyi huɗu na sama,” in ji Ubangiji.

Run! Run! Run away from the northern land, says the Lord, because I have scattered you to the four winds of heaven.

7 “Zo, ya ke Sihiyona! Ku tsere, ku masu zama a cikin Diyar Babilon!”

Run away, people of Zion! All of you who live in Babylon must escape.

8 Gama ga abin da Ubangiji Maɗaukaki ya ce, “Bayan ya ɗaukaka ni, ya kuma aiko ni ga ƙasashen da suka washe ku gama duk wanda ya taɓa ku ya taɓa ƙwayar idonsa ne.

For this is what the Lord Almighty said: Afterwards the glorious Lord sent me against the nations that plundered you—for those who touch you touch the apple of his eye.

9 Ba shakka zan tā da hannuna a kansu domin bayinsu su washe su. Sa’an nan za ku san cewa Ubangiji Maɗaukaki ne ya aiko ni.

I will raise my hand against them and their former slaves will plunder them. Then you will know the Lord Almighty has sent me.

10 “Ki yi sowa ki yi murna, ya ke Diyar Sihiyona. Gama ina zuwa, zan zauna a cikinki,” in ji Ubangiji.

Sing in celebration, people of Zion, for I am coming to live with you, declares the Lord.

11 “Ƙasashe da yawa za su haɗa kai da Ubangiji a ranan nan, za su kuma zama mutanena. Zan zauna a cikinku, za ku kuma san cewa Ubangiji Maɗaukaki ne ya aiko ni gare ku.

Many nations will become believers in Lord on that day, and they shall be my people. I will live among you, and you will know the Lord Almighty has sent me to you.

12 Ubangiji zai gāji Yahuda a matsayin rabonsa a cikin ƙasa mai tsarki zai kuma sāke zaɓi Urushalima.

The people of Judah will be the Lord's special people in the holy land, and he will once again choose Jerusalem as his special city.

13 Ku yi tsit a gaban Ubangiji, dukanku’yan adam, gama ya taso daga wurin zamansa mai tsarki.”

Be silent before the Lord, everyone, for he has risen from the holy place where he lives.