Zabura 97
1 Ubangiji yana mulki, bari duniya tă yi murna; bari tsibirai masu nesa su yi farin ciki.
The Lord reigns! Let the earth be glad, and distant lands be full of joy!
2 Gizagizai da baƙin duhu sun kewaye shi; adalci da gaskiya su ne tushen kursiyinsa.
He is surrounded by clouds and thick darkness; his throne is founded on justice and right.
3 Wuta tana tafiya a gabansa tana kuma cinye maƙiyansa a kowane gefe.
Flames proceed him, burning up his enemies on every side.
4 Walƙiyarsa ta haskaka duniya; duniya ta gani ta kuma yi rawar jiki.
His flashes of lightning light up the world; the earth watches and trembles.
5 Duwatsu sun narke kamar kakin zuma a gaban Ubangiji, a gaban Ubangijin dukan duniya.
The mountains melt like wax in the presence of the Lord, before the Lord of all the earth.
6 Sammai sun yi shelar adalcinsa, dukan mutane kuma suka ga ɗaukakarsa.
The heavens proclaim his goodness; everyone sees his glory.
7 Dukan waɗanda suke bauta wa siffofi sun sha kunya, waɗanda suke fariya da gumaka, ku yi masa sujada, dukanku alloli!
All those who worship idols are humiliated, those who are proud of their idols—for all “gods” bow down before him.
8 Sihiyona ta ji ta kuma yi farin ciki kuma dukan ƙauyukan Yahuda suna murna saboda hukunce-hukuncenka, ya Ubangiji.
Jerusalem hears this and celebrates; all the towns of Judah are happy because of your judgments, Lord.
9 Gama kai, ya Ubangiji, kai ne Mafi Ɗaukaka a bisa dukan duniya; ana darjanta ka fiye da dukan alloli.
For you, Lord, are the highest of all, ruling over the whole earth; your position is far above any other god.
10 Bari masu ƙaunar Ubangiji su ƙi mugunta, gama yana tsaron rayukan amintattunsa yana kuma kuɓutar da su daga hannun mugaye.
You who love the Lord, hate evil! He protects the lives of those who are faithful to him, and saves them from the power of wicked people.
11 An haskaka haske a kan masu adalci da kuma farin ciki a kan masu gaskiya a zuciya.
Light shines on those who do good, giving joy to those who live right.
12 Ku yi farin ciki a cikin Ubangiji, ku da kuke masu adalci, ku kuma yabi sunansa mai tsarki.
Be happy in the Lord, you who do right, and thank him for his holy nature!
