Zabura 78
1 Maskil na Asaf. Ya mutanena, ku ji koyarwata; ku saurari kalmomin bakina.
| משכיל לאסף האזינה עמי תורתי הטו אזנכם לאמרי-פי |
2 Zan buɗe bakina da misalai, zan faɗi ɓoyayyun abubuwa, abubuwan dā,
| אפתחה במשל פי אביעה חידות מני-קדם |
3 abin da muka ji muka kuma sani, abubuwan da kakanninmu suka faɗa mana.
| אשר שמענו ונדעם ואבותינו ספרו-לנו |
4 Ba za mu ɓoye su wa’ya’yanmu ba; za mu faɗa wa tsara mai zuwa ayyukan da suka zama yabo na Ubangiji, ikonsa, da abubuwan banmamakin da ya aikata.
| לא נכחד מבניהם-- לדור אחרון מספרים תהלות יהוה ועזוזו ונפלאתיו אשר עשה |
5 Ya kafa ƙa’idodi wa Yaƙub ya kuma kafa doka a cikin Isra’ila, wadda ya umarce kakanni-kakanninmu su koya wa’ya’yansu,
| ויקם עדות ביעקב ותורה שם בישראל אשר צוה את-אבותינו-- להודיעם לבניהם |
6 don tsara na biye su san su, har da’ya’yan da ba a riga an haifa ba, su kuma su faɗa wa’ya’yansu.
| למען ידעו דור אחרון--בנים יולדו יקמו ויספרו לבניהם |
7 Ta haka za su dogara ga Allah ba kuwa za su manta da ayyukansa ba amma za su kiyaye umarnansa.
| וישימו באלהים כסלם ולא ישכחו מעללי-אל ומצותיו ינצרו |
8 Ba za su zama kamar kakanni kakanninsu ba, masu taurinkai da kuma tsara masu tayarwa, waɗanda zukatansu ba su yi biyayya ga Allah ba, waɗanda zukatansu ba su yi aminci ga Allah ba.
| ולא יהיו כאבותם-- דור סורר ומרה דור לא-הכין לבו ולא-נאמנה את-אל רוחו |
9 Mutanen Efraim, ko da yake suna da bakkuna, suka juya da baya a ranar yaƙi;
| בני-אפרים נושקי רומי-קשת הפכו ביום קרב |
10 ba su kiyaye alkawarin Allah ba suka kuma ƙi su yi rayuwa ta wurin dokarsa.
| לא שמרו ברית אלהים ובתורתו מאנו ללכת |
11 Suka manta da abin da ya aikata, abubuwan banmamakin da ya nuna musu.
| וישכחו עלילותיו ונפלאותיו אשר הראם |
12 Ya yi mu’ujizai a idanun kakanninsu a ƙasar Masar, a yankin Zowan.
| נגד אבותם עשה פלא בארץ מצרים שדה-צען |
13 Ya raba teku ya kuma bi da su ciki; ya sa ruwa ya tsaya daram kamar bango.
| בקע ים ויעבירם ויצב-מים כמו-נד |
14 Ya bishe su da girgije da rana da kuma haske daga wuta dukan dare.
| וינחם בענן יומם וכל-הלילה באור אש |
15 Ya tsage duwatsu a cikin hamada ya kuma ba su ruwaye a yalwace kamar tekuna;
| יבקע צרים במדבר וישק כתהמות רבה |
16 ya fid da rafuffuka daga dutsen da ya tsaga ya sa ruwa ya gudu kamar koguna.
| ויוצא נוזלים מסלע ויורד כנהרות מים |
17 Amma suka ci gaba da yin masa zunubi, suna tayarwa a cikin hamada a kan Mafi Ɗaukaka.
| ויוסיפו עוד לחטא-לו-- למרות עליון בציה |
18 Da gangan suka gwada Allah ta wurin neman abincin da suke kwaɗayi.
| וינסו-אל בלבבם-- לשאל-אכל לנפשם |
19 Suka yi magana a kan Allah, suna cewa, “Allah zai iya shimfiɗa tebur a cikin hamada?
| וידברו באלהים אמרו היוכל אל--לערך שלחן במדבר |
20 Sa’ad da ya bugi dutse, ruwa ya ɓulɓulo, rafuffuka suka yi gudu a yalwace. Amma zai iya ba mu abinci? Zai iya tanada wa mutanensa nama?”
| הן הכה-צור ויזובו מים-- ונחלים ישטפו הגם-לחם יוכל תת אם-יכין שאר לעמו |
21 Sa’ad da Ubangiji ya ji su, ya yi fushi ƙwarai; wutarsa ta ɓarke a kan Yaƙub, hasalarsa kuwa ta tashi a kan Isra’ila,
| לכן שמע יהוה-- ויתעבר ואש נשקה ביעקב וגם-אף עלה בישראל |
22 gama ba su gaskata ga Allah ba ko su dogara ga cetonsa.
| כי לא האמינו באלהים ולא בטחו בישועתו |
23 Duk da haka ya ba da umarni ga sarari a bisa ya kuma buɗe ƙofofin sammai;
| ויצו שחקים ממעל ודלתי שמים פתח |
24 ya sauko da Manna wa mutanensa don su ci, ya ba su hatsin sama.
| וימטר עליהם מן לאכל ודגן-שמים נתן למו |
25 Mutane suka ci burodin mala’iku; ya aika musu dukan abincin da za su iya ci.
| לחם אבירים אכל איש צידה שלח להם לשבע |
26 Ya saki iskar gabas daga sammai ya kuma saki iskar yamma ta wurin ikonsa.
| יסע קדים בשמים וינהג בעזו תימן |
27 Ya sauko da nama a kansu kamar ƙura, tsuntsaye masu firiya kamar yashi a bakin teku.
| וימטר עליהם כעפר שאר וכחול ימים עוף כנף |
28 Ya sa suka sauka a cikin sansaninsu, ko’ina kewaye da tentunansu.
| ויפל בקרב מחנהו סביב למשכנתיו |
29 Suka ci har suka sami fiye da abin da ya ishe su, gama ya ba su abin da suka yi kwaɗayi.
| ויאכלו וישבעו מאד ותאותם יבא להם |
30 Amma kafin su juyo daga abincin da suka yi kwaɗayi, kai tun ma yana a bakunansu,
| לא-זרו מתאותם עוד אכלם בפיהם |
31 fushin Allah ya ƙuna a kansu; ya karkashe waɗanda suka fi ƙiba a cikinsu, yana yankan matasan Isra’ila.
| ואף אלהים עלה בהם ויהרג במשמניהם ובחורי ישראל הכריע |
32 Duk da haka, suka ci gaba da yin zunubi; duk da abubuwan banmamakinsa, ba su gaskata ba.
| בכל-זאת חטאו-עוד ולא-האמינו בנפלאותיו |
33 Saboda haka ya sa kwanakinsu suka ƙare a banza shekarunsu kuma cikin masifa.
| ויכל-בהבל ימיהם ושנותם בבהלה |
34 A duk sa’ad da Allah ya kashe su, sai su neme shi; sukan juyo a natse gare shi.
| אם-הרגם ודרשוהו ושבו ושחרו-אל |
35 Sun tuna cewa Allah ne Dutsensu, cewa Allah Mafi Ɗaukaka ne Mai fansarsu.
| ויזכרו כי-אלהים צורם ואל עליון גאלם |
36 Amma sai su yi ta yin masa zaƙin baki, suna masa ƙarya da harsunansu;
| ויפתוהו בפיהם ובלשונם יכזבו-לו |
37 zukatansu ba sa biyayya gare shi, ba su da aminci ga alkawarinsa.
| ולבם לא-נכון עמו ולא נאמנו בבריתו |
38 Duk da haka ya kasance mai jinƙai; ya gafarta laifofinsu bai kuwa hallaka su ba. Sau da sau ya janye fushinsa bai kuwa sa fushinsa yă ƙuna ba.
| והוא רחום יכפר עון-- ולא-ישחית והרבה להשיב אפו ולא-יעיר כל-חמתו |
39 Ya tuna cewa su naman jiki ne kawai, iska mai wucewa da ba ta dawowa.
| ויזכר כי-בשר המה רוח הולך ולא ישוב |
40 Sau da yawa sun tayar masa a cikin hamada suka kuma ɓata masa rai a jeji!
| כמה ימרוהו במדבר יעציבוהו בישימון |
41 Sau da sau suka riƙa gwada Allah; suka tsokane Mai Tsarki na Isra’ila.
| וישובו וינסו אל וקדוש ישראל התוו |
42 Ba su tuna da ikonsa, a ranar da ya fanshe su daga mai danniya,
| לא-זכרו את-ידו יום אשר-פדם מני-צר |
43 ranar da ya nuna mu’ujizansa a Masar abubuwan banmamakinsa a yankin Zowan ba.
| אשר-שם במצרים אתותיו ומופתיו בשדה-צען |
44 Ya mai da kogunansu suka zama jini; ba su iya sha daga rafuffuka ba.
| ויהפך לדם יאריהם ונזליהם בל-ישתיון |
45 Ya aika da tarin ƙudajen da suka cinye su, da kwaɗin da suka wahalshe su.
| ישלח בהם ערב ויאכלם וצפרדע ותשחיתם |
46 Ya ba da hatsinsu ga fāra, amfanin gonakinsu ga ɗango.
| ויתן לחסיל יבולם ויגיעם לארבה |
47 Ya lalace inabinsu da ƙanƙara itatuwan al’ul nasu kuma da jaura.
| יהרג בברד גפנם ושקמותם בחנמל |
48 Ya miƙa shanunsu ga ƙanƙara, tumakinsu ga aradun tsawa.
| ויסגר לברד בעירם ומקניהם לרשפים |
49 Ya saki musu fushinsa mai zafi, hasalarsa, zafin rai da kuma ɓacin ransa, ƙungiyar mala’iku masu hallakarwa.
| ישלח-בם חרון אפו--עברה וזעם וצרה משלחת מלאכי רעים |
50 Ya shirya hanya wa fushinsa; bai tsare ransu daga mutuwa ba amma ya miƙa su ga annoba.
| יפלס נתיב לאפו לא-חשך ממות נפשם וחיתם לדבר הסגיר |
51 Ya bugi kowane ɗan fari na Masar, mafari ƙarfin mazantakansu a tentunan Ham.
| ויך כל-בכור במצרים ראשית אונים באהלי-חם |
52 Amma ya fitar da mutanensa kamar garke; ya bi da su kamar tumaki ta cikin hamada.
| ויסע כצאן עמו וינהגם כעדר במדבר |
53 Ya bi da su lafiya ƙalau, don kada su ji tsoro; amma teku ya cinye abokan gābansu.
| וינחם לבטח ולא פחדו ואת-אויביהם כסה הים |
54 Ta haka ya kawo su iyakar ƙasa mai tsarki, zuwa ƙasar tudun da hannunsa na dama ya kame.
| ויביאם אל-גבול קדשו הר-זה קנתה ימינו |
55 Ya kori al’ummai a gabansu ya rarraba ƙasashensu gare su a matsayin gādo; ya zaunar da kabilan Isra’ila a gidajensu.
| ויגרש מפניהם גוים-- ויפילם בחבל נחלה וישכן באהליהם שבטי ישראל |
56 Amma suka gwada Allah suka tayar wa Mafi Ɗaukaka; ba su kiyaye ƙa’idodinsa ba.
| וינסו וימרו את-אלהים עליון ועדותיו לא שמרו |
57 Kamar kakanninsu suka zama marasa biyayya da marasa aminci, marar tabbas kamar tanƙwararren baka.
| ויסגו ויבגדו כאבותם נהפכו כקשת רמיה |
58 Suka ba shi haushi da masujadansu na kan tudu; suka tayar da kishinsa da gumakansu.
| ויכעיסוהו בבמותם ובפסיליהם יקניאוהו |
59 Sa’ad da Allah ya ji su, ya yi fushi ƙwarai; ya ƙi Isra’ila gaba ɗaya.
| שמע אלהים ויתעבר וימאס מאד בישראל |
60 Ya yashe tabanakul na Shilo, tentin da ya kafa a cikin mutane.
| ויטש משכן שלו אהל שכן באדם |
61 Ya aika da akwatin alkawarin ƙarfinsa zuwa bauta, darajarsa zuwa cikin hannuwan abokin gāba.
| ויתן לשבי עזו ותפארתו ביד-צר |
62 Ya ba da mutanensa ga takobi; ya yi fushi ƙwarai da gādonsa.
| ויסגר לחרב עמו ובנחלתו התעבר |
63 Wuta ta cinye matasansu maza,’yan matansu kuma ba su da waƙoƙin aure;
| בחוריו אכלה-אש ובתולתיו לא הוללו |
64 aka karkashe firistocinsu, gwaurayensu kuwa ba su iya makoki ba.
| כהניו בחרב נפלו ואלמנתיו לא תבכינה |
65 Sa’an nan Ubangiji ya farka sai ka ce daga barcinsa, kamar yadda mutum kan farka daga buguwar ruwan inabi.
| ויקץ כישן אדני כגבור מתרונן מיין |
66 Ya kori abokan gābansa; ya sa suka sha madawwamiyar kunya.
| ויך-צריו אחור חרפת עולם נתן למו |
67 Sa’an nan ya ƙi tentunan Yusuf, bai zaɓi kabilar Efraim ba;
| וימאס באהל יוסף ובשבט אפרים לא בחר |
68 amma ya zaɓi kabilar Yahuda, Dutsen Sihiyona, wanda ya ƙaunaci.
| ויבחר את-שבט יהודה את-הר ציון אשר אהב |
69 Ya gina wurinsa mai tsarki kamar bisa, kamar duniyar da ya kafa har abada.
| ויבן כמו-רמים מקדשו כארץ יסדה לעולם |
70 Ya zaɓi Dawuda bawansa ya kuma ɗauke shi daga ɗakin tumaki;
| ויבחר בדוד עבדו ויקחהו ממכלאת צאן |
71 daga kiwon tumaki ya kawo shi don yă kuma zama makiyayin mutanensa Yaƙub, na Isra’ila gādonsa.
| מאחר עלות הביאו לרעות ביעקב עמו ובישראל נחלתו |
72 Dawuda kuwa ya zama makiyayinsu da mutuncin zuciya; da hannuwa masu gwaninta ya bi da su.
| וירעם כתם לבבו ובתבונות כפיו ינחם |
