Zabura 69
1 Don mai bi da kaɗe-kaɗe. Da muryar “Lilin.” Ta Dawuda. Ka cece ni, ya Allah, gama ruwa ya kai wuyata
| למנצח על-שושנים לדוד ב הושיעני אלהים-- כי באו מים עד-נפש |
2 Na nutse cikin laka mai zurfi, inda babu wurin tsayawa. Na shiga cikin ruwaye masu zurfi; rigyawa ya sha kaina.
| טבעתי ביון מצולה-- ואין מעמד באתי במעמקי-מים ושבלת שטפתני |
3 Na gaji da kira ina neman taimako; maƙogwarona ya bushe idanuna sun dushe, suna neman Allahna.
| יגעתי בקראי נחר גרוני כלו עיני--מיחל לאלהי |
4 Waɗanda suke ƙina ba dalili sun fi gashin kaina yawa; da yawa ne abokan gābana babu dalili, su da suke nema su hallaka ni. An tilasta mini in mayar da abin da ban sata ba.
| רבו משערות ראשי-- שנאי חנם עצמו מצמיתי איבי שקר-- אשר לא-גזלתי אז אשיב |
5 Ka san wautata, ya Allah; laifina ba a ɓoye yake daga gare ka ba.
| אלהים--אתה ידעת לאולתי ואשמותי ממך לא-נכחדו |
6 Bari waɗanda suke sa zuciya gare ka kada su sha kunya saboda ni, Ya Ubangiji, Ubangiji Maɗaukaki; bari waɗanda suke neman ka kada su sha kunya saboda ni, Ya Allah na Isra’ila.
| אל-יבשו בי קויך-- אדני יהוה צבאות אל-יכלמו בי מבקשיך-- אלהי ישראל |
7 Gama na jimre da ba’a saboda kai, kunya kuma ta rufe fuskata.
| כי-עליך נשאתי חרפה כסתה כלמה פני |
8 Ni baƙo ne a cikin’yan’uwana, bare kuma ga’ya’yan mahaifiyata maza;
| מוזר הייתי לאחי ונכרי לבני אמי |
9 gama himma da nake yi wa gidanka yana ƙunata, kuma zagi na masu zaginka yana fāɗuwa a kaina.
| כי-קנאת ביתך אכלתני וחרפות חורפיך נפלו עלי |
10 Sa’ad da na yi kuka na kuma yi azumi dole in jimre da ba’a;
| ואבכה בצום נפשי ותהי לחרפות לי |
11 sa’ad da na sanya rigunan makoki, mutane suna maishe ni abin dariya.
| ואתנה לבושי שק ואהי להם למשל |
12 Masu zama a ƙofa suna mini ba’a, na zama waƙa a bakin bugaggu da giya.
| ישיחו בי ישבי שער ונגינות שותי שכר |
13 Amma na yi addu’a gare ka, ya Ubangiji, a lokacin da ka ga dama; a cikin ƙaunarka mai girma, ya Allah, ka amsa mini da tabbacin ceto.
| ואני תפלתי-לך יהוה עת רצון-- אלהים ברב-חסדך ענני באמת ישעך |
14 Ka fid da ni daga laka, kada ka bari in nutse; ka cece ni daga waɗanda suke ƙina, daga rurin ruwaye.
| הצילני מטיט ואל-אטבעה אנצלה משנאי וממעמקי מים |
15 Kada ka bar rigyawa yă sha kaina ko zurfafa su haɗiye ni ko rami yă rufe bakinsa a kaina.
| אל-תשטפני שבלת מים-- ואל-תבלעני מצולה ואל-תאטר-עלי באר פיה |
16 Ka amsa mini, ya Ubangiji cikin alherin ƙaunarka; cikin jinƙanka mai girma ka juyo gare ni.
| ענני יהוה כי-טוב חסדך כרב רחמיך פנה אלי |
17 Kada ka ɓoye fuskarka daga bawanka; ka amsa mini da sauri, gama ina cikin wahala.
| ואל-תסתר פניך מעבדך כי-צר-לי מהר ענני |
18 Ka zo kusa ka kuɓutar da ni; ka fanshe ni saboda maƙiyana.
| קרבה אל-נפשי גאלה למען איבי פדני |
19 Ka san yadda ake mini ba’a, ake kunyatar da ni da kuma yadda nake shan kunya; dukan abokan gābana suna a gabanka.
| אתה ידעת--חרפתי ובשתי וכלמתי נגדך כל-צוררי |
20 Ba’a ta sa zuciyata ta karai ta bar ni ba mataimaki; Na nemi a ji tausayina, amma ban sami ko ɗaya ba, na nemi masu ta’aziyya, amma ban sami ko ɗaya ba.
| חרפה שברה לבי-- ואנושה ואקוה לנוד ואין ולמנחמים ולא מצאתי |
21 Sun sa abin ɗaci cikin abincina suka kuma ba ni ruwan inabi mai tsami sa’ad da nake jin ƙishi.
| ויתנו בברותי ראש ולצמאי ישקוני חמץ |
22 Bari teburin da aka shirya a gabansu yă zama musu tarko; bari yă zama sakamakon laifi da kuma tarko.
| יהי-שלחנם לפניהם לפח ולשלומים למוקש |
23 Bari idanunsu yă dushe don kada su gani, bayansu kuma yă tanƙware har abada.
| תחשכנה עיניהם מראות ומתניהם תמיד המעד |
24 Ka kwarara fushinka a kansu; bari fushinka mai zafi yă ci musu.
| שפך-עליהם זעמך וחרון אפך ישיגם |
25 Bari wurinsu yă zama kufai; kada ka bar wani yă zauna a tentunansu.
| תהי-טירתם נשמה באהליהם אל-יהי ישב |
26 Gama sun tsananta wa waɗanda ka hukunta suna kuma taɗin wahalar waɗanda ka ji musu rauni.
| כי-אתה אשר-הכית רדפו ואל-מכאוב חלליך יספרו |
27 Ka neme su da laifi a kan laifi; kada ka bar su su sami rabo a cikin cetonka.
| תנה-עון על-עונם ואל-יבאו בצדקתך |
28 Bari a shafe su sarai daga littafin rai kada a kuma lissafta su tare da adalai.
| ימחו מספר חיים ועם צדיקים אל-יכתבו |
29 Ina cikin zafi da kuma azaba; bari cetonka, ya Allah, yă tsare ni.
| ואני עני וכואב ישועתך אלהים תשגבני |
30 Zan yabe sunan Allah cikin waƙa in kuma ɗaukaka shi tare wurin yin godiya.
| אהללה שם-אלהים בשיר ואגדלנו בתודה |
31 Wannan zai gamshi Ubangiji fiye da saniya, fiye da bijimi da ƙahoninsa da kuma kofatansa.
| ותיטב ליהוה משור פר מקרן מפריס |
32 Matalauta za su gani su kuma yi murna, ku da kuke neman Allah, bari zukatanku su rayu!
| ראו ענוים ישמחו דרשי אלהים ויחי לבבכם |
33 Ubangiji yakan ji masu bukata ba ya kuwa ƙyale kamammun mutanensa.
| כי-שמע אל-אביונים יהוה ואת-אסיריו לא בזה |
34 Bari sama da ƙasa su yabe shi, tekuna da dukan abin da yake motsi a cikinsu,
| יהללוהו שמים וארץ ימים וכל-רמש בם |
35 gama Allah zai cece Sihiyona yă sāke gina biranen Yahuda. Sa’an nan mutane za su zauna a can su mallake ta,
| כי אלהים יושיע ציון ויבנה ערי יהודה וישבו שם וירשוה |
36 ’ya’yan bayinsa za su gāje ta, waɗanda kuma suna ƙaunar sunansa za su zauna a can.
| וזרע עבדיו ינחלוה ואהבי שמו ישכנו-בה |
