Zabura 56
1 Don mai bi da kaɗe-kaɗe. Da murya “Kurciya a Itatuwan Oak Mai Nisa.” Ta Dawuda. Wani miktam. Sa’ad da Filistiyawa suka kama shi a birnin Gat. Ka yi mini jinƙai, ya Allah, gama mutane sun tasar mini da zafi; dukan yini suna matsa harinsu.
For the chief musician; set to Jonath elem rehokim. A psalm of David. A michtam; when the Philistines took him in Gath. Be merciful to me, God, for men are attacking me! All the day long those who fight me press their assault.
2 Masu ɓata sunana suna bina dukan yini; da yawa suna kai mini hari cikin fariyarsu.
My enemies trample me all day long; for there are many who arrogantly fight against me.
3 Sa’ad da nake tsoro, zan dogara gare ka.
When I am afraid, I will put my trust in you.
4 Ga Allah wanda maganarsa nake yabo ga Allah na dogara; ba zan ji tsoro ba. Me mutum mai mutuwa zai yi mini?
In God, whose word I praise— in God I have put my trust; I will not be afraid; what can mere man do to me?
5 Dukan yini sun yi ta juya maganata; kullum suna ƙulle-ƙulle su cuce ni.
All the day long they twist my words; all their thoughts are against me for evil.
6 Sun haɗa baki, sun ɓoye, suna kallon takawata suna a shirye su ɗauki raina.
They gather themselves together, they hide themselves, and they mark my steps, just as they have waited for my life.
7 Sam, kada ka bari su kuɓuce; cikin fushinka, ya Allah, ka saukar da al’ummai.
Do not let them escape doing iniquity. Bring down the peoples in your anger, God.
8 Ka lissafta makokina; ka jera hawayena a littafinka, ba a rubuce suke a cikin littafinka ba?
You number my wanderings and put my tears into your bottle; are they not in your book?
9 Ta haka abokan gābana za su juya da baya sa’ad da na nemi taimako. Ta haka zan san cewa Allah yana tare da ni.
Then my enemies will turn back on the day that I call to you; this I know, that God is for me.
10 Ga Allah, wanda nake yabon maganarsa, ga Ubangiji, wanda nake yabon maganarsa,
In God—whose word I praise, in Yahweh—whose word I praise,
11 ga Allah na dogara; ba zan ji tsoro ba. Me mutum zai iya yi mini?
in God I trust, I will not be afraid. What can anyone do to me?
12 Ina ƙarƙashin alkawari gare ka, ya Allah; zan miƙa hadayuna na godiya gare ka.
The duty to fulfill my vows to you is on me, God; I will give thank offerings to you.
13 Gama ka cece ni daga mutuwa da kuma ƙafafun daga tuntuɓe, don in yi tafiya a gaban Allah cikin hasken rai.
For you have rescued my life from death; you have kept my feet from falling, so that I may walk before God in the light of the living.
