Zabura 25
1 Ta Dawuda. A gare ka Ya Ubangiji, na miƙa raina.
| לדוד אליך יהוה נפשי אשא |
2 A gare ka na dogara, ya Allahna. Kada ka bari in sha kunya, ko ka bar abokan gābana su yi nasara a kaina.
| אלהי--בך בטחתי אל-אבושה אל-יעלצו אויבי לי |
3 Ba wanda yake sa bege a gare ka da zai taɓa shan kunya, amma za su sha kunya su da suke tayarwa babu dalili.
| גם כל-קויך לא יבשו יבשו הבוגדים ריקם |
4 Ka nuna mini hanyoyinka, ya Ubangiji, ka koya mini hanyoyinka;
| דרכיך יהוה הודיעני ארחותיך למדני |
5 ka bi da ni cikin gaskiyarka ka kuma koya mini, gama kai ne Allah Mai cetona, kuma begena yana a kanka dukan yini.
| הדריכני באמתך ולמדני-- כי-אתה אלהי ישעי אותך קויתי כל-היום |
6 Ka tuna, ya Ubangiji da jinƙai da kuma ƙaunarka mai girma, gama suna nan tun dā.
| זכר-רחמיך יהוה וחסדיך כי מעולם המה |
7 Kada ka tuna da zunuban ƙuruciyata da kuma hanyoyin tawayena; bisa ga ƙaunarka ka tuna da ni, gama kai nagari ne, ya Ubangiji.
| חטאות נעורי ופשעי-- אל-תזכר כחסדך זכר-לי-אתה-- למען טובך יהוה |
8 Ubangiji nagari da mai adalci ne; saboda haka yakan koyar da masu zunubi a hanyoyinsa.
| טוב-וישר יהוה על-כן יורה חטאים בדרך |
9 Yakan bi da masu tawali’u cikin abin da yake daidai ya kuma koyar da su hanyoyinsa.
| ידרך ענוים במשפט וילמד ענוים דרכו |
10 Dukan hanyoyin Ubangiji ƙaunatattu ne da kuma aminci ga waɗanda suke kiyaye abin da alkawari ya bukaci.
| כל-ארחות יהוה חסד ואמת-- לנצרי בריתו ועדתיו |
11 Saboda sunanka, ya Ubangiji, ka gafarta laifina, ko da yake mai girma ne.
| למען-שמך יהוה וסלחת לעוני כי רב-הוא |
12 To wane ne mai tsoron Ubangiji? Zai koyar da shi a hanyar da ya zaɓa masa.
| מי-זה האיש ירא יהוה-- יורנו בדרך יבחר |
13 Zai ci kwanakinsa a wadace, kuma zuriyarsa za su gāji ƙasar.
| נפשו בטוב תלין וזרעו יירש ארץ |
14 Ubangiji yakan amince da waɗanda suke tsoronsa; yakan sa su san alkawarinsa.
| סוד יהוה ליראיו ובריתו להודיעם |
15 Idanuna kullum suna a kan Ubangiji, gama shi ne kaɗai zai kuɓutar da ƙafafuna daga tarko.
| עיני תמיד אל-יהוה כי הוא-יוציא מרשת רגלי |
16 Ka juye wurina ka kuma yi mini jinƙai, gama na kaɗaice ina kuma wahala.
| פנה-אלי וחנני כי-יחיד ועני אני |
17 Damuwoyin zuciyata sun ninka; ka’yantar da ni daga wahalata.
| צרות לבבי הרחיבו ממצוקותי הוציאני |
18 Ka dubi wahalata da kuma azabata ka ɗauke mini dukan zunubaina.
| ראה עניי ועמלי ושא לכל-חטאותי |
19 Dubi yadda abokan gābana sun ƙaru da kuma yadda suka ƙara ƙina!
| ראה-איבי כי-רבו ושנאת חמס שנאוני |
20 Ka tsare raina ka kuma kuɓutar da ni; kada ka bari in sha kunya, gama na nemi mafaka daga gare ka.
| שמרה נפשי והצילני אל-אבוש כי-חסיתי בך |
21 Bari mutunci da adalci su tsare ni, domin begena yana a kanka.
| תם-וישר יצרוני כי קויתיך |
22 Ka fanshi Isra’ila, ya Allah, daga dukan wahalarsu!
| פדה אלהים את-ישראל-- מכל צרותיו |
