Zabura 24

1 Zabura ta Dawuda. Duniya ta Ubangiji ce da kome da yake cikinta, duniya, da dukan waɗanda suke zama a cikinta;

The earth is Yhwh's, and the fulness thereof; the world, and they that dwell therein.

2 gama ya gina ta a kan tekuna ya kafa ta a kan ruwaye.

For he hath founded it upon the seas, and established it upon the floods.

3 Wa zai iya hawan tudun Ubangiji? Wa zai iya tsaya a wurinsa mai tsarki?

Who shall ascend into the hill of Yhwh? or who shall stand in his holy place?

4 Sai wanda yake da hannu mai tsabta da kuma tsabtar zuciya, wanda ba ya ba da ransa ga bautar gunki ko ya rantse bisa abin da yake ƙarya.

He that hath clean hands, and a pure heart; who hath not lifted up his soul unto vanity, nor sworn deceitfully.

5 Zai sami albarka daga Ubangiji da fiffitawa daga Allah Mai cetonsa.

He shall receive the blessing from Yhwh, and righteousness from the God of his salvation.

6 Irin tsaran waɗanda suke nemansa ke nan, waɗanda suke neman fuskarka, ya Allah na Yaƙub. (Sela)

This is the generation of them that seek him, that seek thy face, O Jacob. (Selah)

7 Ku ɗaga kawunanku, ya ku ƙofofi; ku ɗagu, ku daɗaɗɗun ƙofofi, don Sarkin ɗaukaka yă shiga.

Lift up your heads, O ye gates; and be ye lift up, ye everlasting doors; and the King of glory shall come in.

8 Wane ne wannan Sarkin ɗaukaka? Ubangiji ne mai ƙarfi mai iko, Ubangiji mai girma a yaƙi.

Who is this King of glory? Yhwh strong and mighty, Yhwh mighty in battle.

9 Ku ɗaga kawunanku, ya ku ƙofofi; ku ɗagu, ku daɗaɗɗun ƙofofi, don Sarkin ɗaukaka yă shiga.

Lift up your heads, O ye gates; even lift them up, ye everlasting doors; and the King of glory shall come in.

10 Wane ne shi, wannan Sarkin ɗaukaka? Ubangiji Maɗaukaki, shi ne Sarkin ɗaukaka. (Sela)

Who is this King of glory? Yhwh of Armies, he is the King of glory. (Selah)