Zabura 112

1 Yabi Ubangiji. Mai albarka ne mutumin da yake tsoron Ubangiji, wanda yakan sami farin ciki mai girma a umarnansa.

Hallelujah! Blessed is the man that feareth Jehovah, that delighteth greatly in his commandments.

2 ’Ya’yansa za su zama manya a ƙasar; tsaran masu aikata gaskiya za su sami albarka.

His seed shall be mighty in the land; the generation of the upright shall be blessed.

3 Wadata da arziki suna a cikin gidansa, adalcinsa zai dawwama har abada.

Wealth and riches [shall be] in his house; and his righteousness abideth for ever.

4 Ko a cikin duhu haske kan haskaka wa mai aikata gaskiya, mai alheri mai tausayi da kuma mai adalci.

Unto the upright there ariseth light in the darkness; he is gracious, and merciful, and righteous.

5 Abu mai kyau zai zo masa shi da yake kyauta yake kuma ba da bashi hannu sake, shi da yake yin al’amuransa cikin gaskiya.

It is well with the man that is gracious and lendeth; he will sustain his cause in judgment.

6 Tabbatacce ba zai taɓa jijjigu ba; za a tuna da mai adalci har abada.

For he shall not be moved for ever: the righteous shall be in everlasting remembrance.

7 Ba zai ji tsoron labari marar daɗi ba; zuciyarsa tsayayyiya ce, tana dogara ga Ubangiji.

He shall not be afraid of evil tidings; his heart is fixed confiding in Jehovah;

8 Zuciyarsa tana da kāriya, ba zai ji tsoro ba; a ƙarshe zai zama mai nasara a kan maƙiyansa.

His heart is maintained, he is not afraid, until he see [his desire] upon his oppressors.

9 Ya rarraba kyautansa ga matalauta, adalcinsa zai dawwama har abada; za a ɗaga ƙahonsa sama da bangirma.

He scattereth abroad, he giveth to the needy; his righteousness abideth for ever: his horn shall be exalted with honour.

10 Mugun mutum zai gani yă kuma yi fushi, zai ciza haƙora yă kuma lalace; sha’awace-sha’awacen mugaye za su zo ga ƙarshe.

The wicked [man] shall see [it] and be vexed; he shall gnash with his teeth, and melt away: the desire of the wicked shall perish.