Zabura 10
1 Don me, ya Ubangiji, kake tsaya can da nesa? Me ya sa kake ɓoye kanka a lokutan wahala?
| למה יהוה תעמד ברחוק תעלים לעתות בצרה׃ |
2 Cikin fariyarsa mugun mutum yakan cuci marasa ƙarfi, waɗanda yake kama cikin makircin da ya shirya.
| בגאות רשע ידלק עני יתפשו במזמות זו חשבו׃ |
3 Yakan yi taƙama da ƙulle-ƙullen zuciyarsa; yana albarkaci mai haɗama yana kuma ƙin Ubangiji.
| כי הלל רשע על תאות נפשו ובצע ברך נאץ יהוה׃ |
4 Cikin ɗaga kai mutum ba ya neman Allah; cikin tunaninsa ba ya ba da wata dama saboda Allah.
| רשע כגבה אפו בל ידרש אין אלהים כל מזמותיו׃ |
5 Hanyoyinsa kullum sukan yi nasara; yana da girman kai kuma dokokinka suna nesa da shi; yakan yi wa dukan abokan gābansa duban reni.
| יחילו דרכו בכל עת מרום משפטיך מנגדו כל צורריו יפיח בהם׃ |
6 Yakan ce wa kansa, “Ba abin da zai girgiza ni; kullum zan yi murna ba zan taɓa shiga wahala ba.”
| אמר בלבו בל אמוט לדר ודר אשר לא ברע׃ |
7 Bakinsa ya cika da zage-zage da ƙarairayi da kuma barazana; wahala da mugunta suna a ƙarƙashin harshensa.
| אלה פיהו מלא ומרמות ותך תחת לשונו עמל ואון׃ |
8 Yakan yi kwanto kusa da ƙauyuka; daga kwanton yakan kashe marar laifi. Yana kallon waɗanda za su shiga hannunsa a ɓoye.
| ישב במארב חצרים במסתרים יהרג נקי עיניו לחלכה יצפנו׃ |
9 Yakan yi kwanto a ɓoye kamar zaki. Yakan yi kwanto don yă kama marasa ƙarfi; yakan kama marasa ƙarfi yă ja su cikin ragarsa.
| יארב במסתר כאריה בסכה יארב לחטוף עני יחטף עני במשכו ברשתו׃ |
10 Yakan ragargaza waɗanda suka shiga hannu, su fāɗi; sukan fāɗi a ƙarƙashin ƙarfinsa.
| ודכה ישח ונפל בעצומיו חלכאים׃ |
11 Yakan ce wa kansa, “Ai, Allah ya manta; ya rufe fuskarsa ba ya gani.”
| אמר בלבו שכח אל הסתיר פניו בל ראה לנצח׃ |
12 Ka tashi, Ubangiji! Ka hukunta miyagu, ya Allah. Kada ka manta da marasa ƙarfi.
| קומה יהוה אל נשא ידך אל תשכח עניים׃ |
13 Don me mugun mutum zai ƙi Allah? Don me yakan ce wa kansa, “Allah ba zai nemi hakki daga gare ni ba”?
| על מה נאץ רשע אלהים אמר בלבו לא תדרש׃ |
14 Amma kai, ya Allah, kana gani wahala da baƙin ciki; kana lura da yadda suke ɗaukansu a hannu. Marar taimako kan danƙa kansa gare ka; kai ne mai taimakon marayu
| ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃ |
15 Ka karye hannun mugaye da kuma mugun mutum; ka nemi hakki daga gare shi saboda muguntar da ba za a gane ba.
| שבר זרוע רשע ורע תדרוש רשעו בל תמצא׃ |
16 Ubangiji Sarkin har abada abadin ne; al’ummai za su hallaka daga ƙasarsa.
| יהוה מלך עולם ועד אבדו גוים מארצו׃ |
17 Kakan ji, ya Ubangiji sha’awar mai shan wahala; kakan ƙarfafa su, ka kuma saurari kukansu,
| תאות ענוים שמעת יהוה תכין לבם תקשיב אזנך׃ |
18 kana kāre marayu da waɗanda aka danne, domin mutum, wanda yake na duniya kada ƙara haddasa wata razana.
| לשפט יתום ודך בל יוסיף עוד לערץ אנוש מן הארץ׃ |
