Karin Magana 4
1 Ku saurara’ya’yana ga koyarwar mahaifinku; ku mai da hankali, ku sami fahimi.
| שמעו בנים מוסר אב והקשיבו לדעת בינה |
2 Ina ba ku sahihiyar koyarwa, saboda haka kada ku ƙyale koyarwata.
| כי לקח טוב נתתי לכם תורתי אל-תעזבו |
3 Sa’ad da nake yaro a gidan mahaifina, yaro kaɗai kuma na mahaifiyata,
| כי-בן הייתי לאבי רך ויחיד לפני אמי |
4 ya koya mini ya ce, “Ka riƙe kalmomina da dukan zuciyarka; ka kiyaye umarnaina za ka kuwa rayu.
| וירני--ויאמר לי יתמך-דברי לבך שמר מצותי וחיה |
5 Ka nemi hikima, ka nemi fahimi; kada ka manta da kalmomina ko ka kauce daga gare su.
| קנה חכמה קנה בינה אל-תשכח ואל-תט מאמרי-פי |
6 Kada ka ƙyale hikima, za tă kuwa tsare ka; ka ƙaunace ta, za tă kuwa lura da kai.
| אל-תעזבה ותשמרך אהבה ותצרך |
7 Hikima ce mafi girma duka; saboda haka ka nemi hikima. Ko da za tă ci duk abin da kake da shi, ka dai nemi fahimi.
| ראשית חכמה קנה חכמה ובכל-קנינך קנה בינה |
8 Ka ƙaunace ta, za tă ɗaukaka ka; ka rungume ta, za tă kuwa girmama ka.
| סלסלה ותרוממך תכבדך כי תחבקנה |
9 Za tă zama kayan ado da za su inganta kanka tă kuma zamar maka rawanin ɗaukaka.”
| תתן לראשך לוית-חן עטרת תפארת תמגנך |
10 Ka saurara, ɗana, ka yarda da abin da na faɗa, shekarun rayuwarka kuwa za su zama masu yawa.
| שמע בני וקח אמרי וירבו לך שנות חיים |
11 Na bishe ka a hanyar hikima na kuma jagorance ka a miƙaƙƙun hanyoyi.
| בדרך חכמה הריתיך הדרכתיך במעגלי-ישר |
12 Sa’ad da kake tafiya, ba abin da zai sa ka tuntuɓe; sa’ad da kake gudu, ba za ka fāɗi ba.
| בלכתך לא-יצר צעדך ואם-תרוץ לא תכשל |
13 Ka riƙe umarni, kada ka bari yă kuɓuce; ka tsare shi sosai, gama ranka ne.
| החזק במוסר אל-תרף נצרה כי-היא חייך |
14 Kada ka sa ƙafa a kan hanyar mugaye kada ka bi gurbin mugaye.
| בארח רשעים אל-תבא ואל-תאשר בדרך רעים |
15 Ka guji mugunta, kada ka yi tafiya a kanta; juya daga gare ta ka yi tafiyarka.
| פרעהו אל-תעבר-בו שטה מעליו ועבר |
16 Mugaye ba sa iya barci, sai sun aikata mugunta; ba su barci sai sun cuci wani.
| כי לא ישנו אם-לא ירעו ונגזלה שנתם אם-לא יכשולו (יכשילו) |
17 Mugunta da ta’adi kamar ci da sha suke a gare su.
| כי לחמו לחם רשע ויין חמסים ישתו |
18 Hanyar adali kamar fitowar rana ce, sai ƙara haske take yi, har ta kai tsaka.
| וארח צדיקים כאור נגה הולך ואור עד-נכון היום |
19 Amma hanyar mugaye kamar zurfin duhu ne; ba sa sanin abin da ya sa suke tuntuɓe.
| דרך רשעים כאפלה לא ידעו במה יכשלו |
20 Ɗana, ka kula da abin da nake faɗa, ka saurara sosai ga kalmomina.
| בני לדברי הקשיבה לאמרי הט-אזנך |
21 Kada ka bari su rabu da kai, ka kiyaye su a cikin zuciyarka;
| אל-יליזו מעיניך שמרם בתוך לבבך |
22 gama rai ne ga waɗanda suke nemansu da kuma lafiya ga dukan jikin mutum.
| כי-חיים הם למצאיהם ולכל-בשרו מרפא |
23 Fiye da kome duka, ka tsare zuciyarka, gama maɓulɓulan ruwan rijiyar rai ne.
| מכל-משמר נצר לבך כי-ממנו תוצאות חיים |
24 Ka kau da muguwar magana daga bakinka; ka yi nesa da magana marar kyau daga leɓunanka.
| הסר ממך עקשות פה ולזות שפתים הרחק ממך |
25 Bari idanunka su dubi gaba sosai, ka kafa idanunka kai tsaye a gabanka.
| עיניך לנכח יביטו ועפעפיך יישרו נגדך |
26 Ka san inda ƙafafunka suke takawa ka bi hanyoyin da suke daram kawai.
| פלס מעגל רגלך וכל-דרכיך יכנו |
27 Kada ka kauce dama ko hagu; ka kiyaye ƙafarka daga mugunta.
| אל-תט-ימין ושמאול הסר רגלך מרע |
