Karin Magana 16
1 Ga mutum ne shirye-shiryen zuciya suke, amma daga Ubangiji ne amshin harshe kan zo.
| לאדם מערכי-לב ומיהוה מענה לשון |
2 Dukan hanyoyin mutum sukan yi kamar marar laifi ne gare shi, amma Ubangiji yakan auna manufofi.
| כל-דרכי-איש זך בעיניו ותכן רוחות יהוה |
3 Ka miƙa wa Ubangiji dukan abin da kake yi, shirye-shiryenka kuwa za su yi nasara.
| גל אל-יהוה מעשיך ויכנו מחשבתיך |
4 Ubangiji yana yin kome domin amfaninsa, har ma da mugaye domin ranar masifa.
| כל פעל יהוה למענהו וגם-רשע ליום רעה |
5 Ubangiji yana ƙyamar dukan zuciya mai girman kai. Ka tabbata da wannan. Ba za su kuɓuta daga hukunci ba.
| תועבת יהוה כל-גבה-לב יד ליד לא ינקה |
6 Ta wurin ƙauna da aminci akan yi kafarar zunubi; ta wurin tsoron Ubangiji mutum kan guji mugunta.
| בחסד ואמת יכפר עון וביראת יהוה סור מרע |
7 Sa’ad da hanyoyin mutum sun gamshi Ubangiji, yakan sa abokan gāban mutumin ma su zauna lafiya da shi.
| ברצות יהוה דרכי-איש גם-אויביו ישלם אתו |
8 Gara ka sami kaɗan ta hanyar adalci da sami riba mai yawa ta hanyar rashin gaskiya.
| טוב-מעט בצדקה-- מרב תבואות בלא משפט |
9 ’Yan Adam sukan yi shirye-shiryensu a zukatansu, amma Ubangiji ne yake da ikon cika matakansa.
| לב אדם יחשב דרכו ויהוה יכין צעדו |
10 Leɓunan sarki kan yi magana kamar ta wurin ikon Allah, kuma bai kamata bakinsa ya yi kuskure a yanke shari’a ba.
| קסם על-שפתי-מלך במשפט לא ימעל-פיו |
11 Ma’aunai da magwajin gaskiya daga Ubangiji ne; dukan ma’aunai da suke cikin jaka yinsa ne.
| פלס ומאזני משפט--ליהוה מעשהו כל-אבני-כיס |
12 Sarakuna suna ƙyamar abin da ba shi da kyau, gama an kafa kujerar sarauta ta wurin adalci ne.
| תועבת מלכים עשות רשע כי בצדקה יכון כסא |
13 Sarakuna sukan ji daɗi leɓuna masu yin gaskiya; sukan darjanta mutumin da yake faɗin gaskiya.
| רצון מלכים שפתי-צדק ודבר ישרים יאהב |
14 Fushin sarki ɗan saƙon mutuwa ne, amma mai hikima yakan faranta masa rai.
| חמת-מלך מלאכי-מות ואיש חכם יכפרנה |
15 Sa’ad da fuskar sarki ta haska, yana nufin rai ke nan; tagomashinsa yana kamar girgijen ruwa a bazara.
| באור-פני-מלך חיים ורצונו כעב מלקוש |
16 Ya ma fi kyau ka sami hikima fiye da zinariya, ka zaɓi fahimi a maimakon azurfa!
| קנה-חכמה--מה-טוב מחרוץ וקנות בינה נבחר מכסף |
17 Buɗaɗɗiyar hanyar masu aikata gaskiya kan guje wa mugunta; duk wanda yake lura da hanyarsa yakan lura da ransa.
| מסלת ישרים סור מרע שמר נפשו נצר דרכו |
18 Girmankai yakan zo kafin hallaka, girman kai yakan zo kafin fāɗuwa.
| לפני-שבר גאון ולפני כשלון גבה רוח |
19 Gara ka zama ɗaya daga cikin matalauta masu sauƙinkai, da ka raba ganima da masu girman kai.
| טוב שפל-רוח את-עניים (ענוים) מחלק שלל את-גאים |
20 Duk wanda ya mai da hankali ga umarni yakan yi nasara, kuma mai albarka ne wanda yake dogara ga Ubangiji.
| משכיל על-דבר ימצא-טוב ובוטח ביהוה אשריו |
21 Akan ce da masu hikima a zuciya hazikai, kuma kalmomi masu daɗi kan inganta umarni.
| לחכם-לב יקרא נבון ומתק שפתים יסיף לקח |
22 Fahimi shi ne maɓulɓular rai ga waɗanda suke da shi, amma wauta kan kawo hukunci ga wawaye.
| מקור חיים שכל בעליו ומוסר אולים אולת |
23 Zuciyar mai hikima kan bi da bakinsa, kuma leɓunansa kan inganta umarni.
| לב חכם ישכיל פיהו ועל-שפתיו יסיף לקח |
24 Kalmomi masu daɗi suna kama da kakin zuma, mai zaƙi ga rai da kuma warkarwa ga ƙasusuwa.
| צוף-דבש אמרי-נעם מתוק לנפש ומרפא לעצם |
25 Akwai hanyar da ta yi kamar daidai ga mutum, amma a ƙarshe takan kai ga mutuwa.
| יש דרך ישר לפני-איש ואחריתה דרכי-מות |
26 Marmarin cin abinci yakan yi wa ɗan ƙodago aiki; yunwarsa kan sa ya ci gaba.
| נפש עמל עמלה לו כי-אכף עליו פיהו |
27 Mutumin banza yakan ƙulla mugunta, kuma jawabinsa yana kama da wuta mai ƙuna.
| איש בליעל כרה רעה ועל-שפתיו (שפתו) כאש צרבת |
28 Fitinannen mutum yakan zuga tashin hankali, mai gulma kuma yakan raba abokai na kusa.
| איש תהפכות ישלח מדון ונרגן מפריד אלוף |
29 Mutum mai tā-da-na-zaune-tsaye yakan ruɗi maƙwabcinsa ya kai shi a hanyar da ba ta da kyau.
| איש חמס יפתה רעהו והוליכו בדרך לא-טוב |
30 Duk wanda ya ƙyifce da idonsa yana ƙulla maƙarƙashiya ce; duk wanda ya murguɗa leɓunansa yana niyya aikata mugunta ke nan.
| עצה עיניו לחשב תהפכות קרץ שפתיו כלה רעה |
31 Furfura rawani ne mai daraja; akan same ta ta wurin yin rayuwa ta adalci.
| עטרת תפארת שיבה בדרך צדקה תמצא |
32 Gara ka zama mai haƙuri da ka zama jarumi, ya fi kyau ka iya mallakar kanka fiye da mallakar birane.
| טוב ארך אפים מגבור ומשל ברוחו מלכד עיר |
33 Akan jefa ƙuri’a a kan cinya, amma kowace shawara mai kyau daga Ubangiji ne.
| בחיק יוטל את-הגורל ומיהוה כל-משפטו |
