Karin Magana 14
1 Mace mai hikima kan gina gidanta, amma da hannunta wawiya takan rushe shi ƙasa.
| חכמות נשים בנתה ביתה ואולת בידיה תהרסנו |
2 Wanda tafiyarsa ta aikata gaskiya ce kan ji tsoron Ubangiji, amma wanda hanyoyinsa ba a kan gaskiya ba ne yakan rena shi.
| הולך בישרו ירא יהוה ונלוז דרכיו בוזהו |
3 Maganar wawa kan kawo sanda a bayansa, amma leɓunan masu hikima kan tsare su.
| בפי-אויל חטר גאוה ושפתי חכמים תשמורם |
4 Inda ba shanu, wurin sa wa dabbobi abinci zai kasance ba kome, amma daga ƙarfin saniya ce yalwar girbi kan fito.
| באין אלפים אבוס בר ורב-תבואות בכח שור |
5 Mashaidi na gaskiya ba ya ruɗu, amma mashaidin ƙarya kan baza ƙarairayi.
| עד אמונים לא יכזב ויפיח כזבים עד שקר |
6 Mai ba’a kan nemi hikima amma ba ya samun kome, amma sani kan zo a sawwaƙe ga mai basira.
| בקש-לץ חכמה ואין ודעת לנבון נקל |
7 Ka guji wawa, gama ba za ka sami sani a leɓunansa ba.
| לך מנגד לאיש כסיל ובל-ידעת שפתי-דעת |
8 Hikima masu la’akari shi ne su yi tunani a kan hanyoyinsu, amma wautar wawaye ruɗu ne.
| חכמת ערום הבין דרכו ואולת כסילים מרמה |
9 Wawaye kan yi ba’a a gyaran zunubi, amma fatan alheri yana samuwa a cikin masu aikata gaskiya.
| אולים יליץ אשם ובין ישרים רצון |
10 Kowace zuciya ta san ɓacin ranta, kuma babu wani dabam da zai yi rabon jin daɗinsa.
| לב--יודע מרת נפשו ובשמחתו לא-יתערב זר |
11 Za a rushe gidan mugu, amma tentin mai aikata gaskiya zai haɓaka.
| בית רשעים ישמד ואהל ישרים יפריח |
12 Akwai hanyar da ta yi kamar tana daidai ga mutum, amma a ƙarshe takan kai ga mutuwa.
| יש דרך ישר לפני-איש ואחריתה דרכי-מות |
13 Ko cikin dariya zuciya takan yi ciwo, kuma farin ciki kan iya ƙarasa a baƙin ciki.
| גם-בשחק יכאב-לב ואחריתה שמחה תוגה |
14 Marasa bangaskiya za su sami sakamako cikakke saboda hanyoyinsu, kuma mutumin kirki zai sami lada saboda nasa.
| מדרכיו ישבע סוג לב ומעליו איש טוב |
15 Marar azanci kan gaskata kome, amma mai la’akari kan yi tunani game da matakinsa.
| פתי יאמין לכל-דבר וערום יבין לאשרו |
16 Mai hikima kan ji tsoron Ubangiji ya kuma guji mugunta, amma wawa yana da girman kai yakan yi kome da garaje.
| חכם ירא וסר מרע וכסיל מתעבר ובוטח |
17 Mutum mai saurin fushi yakan yi ayyukan wauta, akan kuma ƙi mai son nuna wayo.
| קצר-אפים יעשה אולת ואיש מזמות ישנא |
18 Marar azanci kan gāji wauta, amma mai la’akari kan sami rawanin sani.
| נחלו פתאים אולת וערומים יכתרו דעת |
19 Masu mugunta za su rusuna a gaban masu kirki, mugaye kuma za su yi haka a ƙofofin adalai.
| שחו רעים לפני טובים ורשעים על-שערי צדיק |
20 Maƙwabta sukan gudu daga matalauta, amma masu arziki suna da abokai da yawa.
| גם-לרעהו ישנא רש ואהבי עשיר רבים |
21 Duk wanda ya rena maƙwabci ya yi zunubi, amma mai albarka ne wanda yake alheri ga mabukata.
| בז-לרעהו חוטא ומחונן עניים (ענוים) אשריו |
22 Ba waɗanda suke ƙulla mugunta sukan kauce ba? Amma waɗanda suke ƙulla abin da yake mai kyau sukan sami ƙauna da aminci.
| הלוא-יתעו חרשי רע וחסד ואמת חרשי טוב |
23 Duk aiki tuƙuru yakan kawo riba, amma zama kana surutu kan kai ga talauci kawai.
| בכל-עצב יהיה מותר ודבר-שפתים אך-למחסור |
24 Dukiyar masu hikima ita ce rawaninsu, amma wautar wawaye kan haifar da wauta ne kawai.
| עטרת חכמים עשרם אולת כסילים אולת |
25 Mashaidin gaskiya kan ceci rayuka, amma mashaidin ƙarya mai ruɗu ne.
| מציל נפשות עד אמת ויפח כזבים מרמה |
26 Duk mai tsoron Ubangiji yana da zaunannen mafaka, kuma ga’ya’yansa zai zama mafaka.
| ביראת יהוה מבטח-עז ולבניו יהיה מחסה |
27 Tsoron Ubangiji shi ne maɓulɓular rai yakan juye mutum daga tarkon mutuwa.
| יראת יהוה מקור חיים-- לסור ממקשי מות |
28 Yawan mutane shi ne ɗaukakar sarki, amma in ba tare da mabiya ba sarki ba kome ba ne.
| ברב-עם הדרת-מלך ובאפס לאם מחתת רזון |
29 Mutum mai haƙuri yana da fahimi mai yawa, amma mai saurin fushi yakan nuna wautarsa a fili.
| ארך אפים רב-תבונה וקצר-רוח מרים אולת |
30 Zuciya mai salama kan ba jiki rai, amma kishi kan sa ƙasusuwa su yi ciwo.
| חיי בשרים לב מרפא ורקב עצמות קנאה |
31 Duk wanda ya zalunci matalauci ya zagi Mahaliccinsu ke nan, amma duk wanda ya yi alheri ga mabukata yana girmama Allah ne.
| עשק דל חרף עשהו ומכבדו חנן אביון |
32 Sa’ad bala’i ya auku, mugaye kan fāɗi, amma ko a mutuwa masu adalci suna da mafaka.
| ברעתו ידחה רשע וחסה במותו צדיק |
33 Hikima tana a zuciyar mai azanci, kuma ko a cikin wawaye takan sa a santa.
| בלב נבון תנוח חכמה ובקרב כסילים תודע |
34 Adalci yakan ɗaukaka al’umma, amma zunubi kan kawo kunya ga kowane mutane.
| צדקה תרומם-גוי וחסד לאמים חטאת |
35 Sarki yakan yi murna a kan bawa mai hikima, amma bawa marar kunya kan jawo fushinsa.
| רצון-מלך לעבד משכיל ועברתו תהיה מביש |
