Sòm 97

1 SENYÈ a renye, kite latè rejwi! Kite tout lil yo fè kè kontan!

L’Eterno regna; gioisca la terra, la moltitudine delle isole si rallegri.

2 Nwaj ak fènwa pwofon ap antoure Li. Ladwati avèk jistis se fondasyon twòn Li an.

Nuvole ed oscurità lo circondano; giustizia ed equità son le basi del suo trono.

3 Se dife ki ale devan L pou brile tout advèsè Li yo toupatou.

Un fuoco lo precede e consuma i suoi nemici d’ogn’intorno.

4 Loray Li yo klere tout mond lan. Latè wè e li tranble.

I suoi lampi illuminano il mondo; la terra lo vede e trema.

5 Mòn yo fonn tankou lasi devan prezans SENYÈ a, devan prezans SENYÈ tout latè a.

I monti si struggono come cera alla presenza dell’Eterno, alla presenza del Signore di tutta la terra.

6 Syèl yo deklare ladwati Li e tout pèp yo te wè glwa Li.

I cieli annunziano la sua giustizia, e tutti i popoli vedono la sua gloria.

7 Kite tout (sila) ki sèvi limaj taye yo vin wont, ki vin ògeye sou zafè zidòl yo. Adore Li, tout dye yo.

Son confusi tutti quelli che adoran le immagini, che si glorian degl’idoli; si prostrano dinanzi a lui tutti gli dèi.

8 Sion te tande sa e te rejwi. Fi a Sion yo te rejwi akoz jijman Ou, O SENYÈ.

Sion l’ha udito e si è rallegrata, e le figliuole di Giuda hanno esultato per i tuoi giudizi, o Eterno!

9 Paske Ou menm se SENYÈ Pi Wo a sou tout latè. Ou leve pi wo anpil pase tout dye yo.

Poiché tu, o Eterno, sei l’Altissimo su tutta la terra; tu sei sommamente elevato sopra tutti gli dèi.

10 Nou menm ki renmen SENYÈ a, rayi mal la! Li pwoteje nanm a fidèl Li yo. Li delivre yo nan men a mechan yo.

O voi che amate l’Eterno, odiate il male! Egli custodisce le anime de’ suoi fedeli, li libera dalla mano degli empi.

11 Se limyè ki simen kon semans pou moun ladwati yo, ak kè kontan pou (sila) ak kè ki dwat yo.

La luce è seminata per il giusto, e la gioia per i diritti di cuore.

12 Fè kè kontan nan SENYÈ a, nou menm ki moun dwat yo e bay remèsiman a non sen Li an.

Rallegratevi nell’Eterno, o giusti, e lodate il santo suo nome!