Sòm 75

1 Pou direktè koral la; pou jwe a melodi “Pa Detwi” Yon Sòm Asaph, yon Chanson Nou bay remèsiman a Ou menm, O Bondye, Nou bay remèsiman, paske Non Ou toupre. Moun yo fè deklarasyon zèv mèvèy Ou yo.

For the Chief Musician; [set to] Al-tashheth. A Psalm of Asaph, a Song. We give thanks unto thee, O God; we give thanks, for thy name is near: men tell of thy wondrous works.

2 “Lè Mwen menm fikse yon tan ki apwente, Mwen va jije avèk jistis.

When I shall find the set time, I will judge uprightly.

3 Latè avèk tout sa ki ladann souke. Se Mwen menm ki kenbe pilye li yo.” Tan

The earth and all the inhabitants thereof are dissolved: I have set up the pillars of it. (Selah)

4 Mwen te di a awogan yo: “Pa vin ògeye!” A mechan an: “Pa leve kòn nan.

I said unto the arrogant, Deal not arrogantly: and to the wicked, Lift not up the horn:

5 Pa leve kòn ou anwo. Pa pale kou rèd avèk ògèy ensolan.”

Lift not up your horn on high; speak not with a stiff neck.

6 Paske ni sòti nan lès, ni nan lwès, ni bò kote dezè a, kab gen fòs pou leve moun anwo;

For neither from the east, nor from the west, nor yet from the south, [cometh] lifting up.

7 Men Bondye se jij la. Li fè yon moun desann, e li leve yon lòt fè l wo.

But God is the judge: he putteth down one, and lifteth up another.

8 Paske gen yon tas nan men SENYÈ a, e diven an ap kimen. Li byen mele e Bondye vide fè l sòti ladann. Anverite, tout mechan yo oblije bwè l jis rive nan dènye ti gout li.

For in the hand of the LORD there is a cup, and the wine foameth; it is full of mixture, and he poureth out of the same: surely the dregs thereof, all the wicked of the earth shall wring them out, and drink them.

9 Men pou mwen, mwen va deklare sa, jis pou tout tan. Mwen va chante lwanj a Bondye Jacob la.

But I will declare for ever, I will sing praises to the God of Jacob.

10 Tout kòn a mechan yo, Mwen va koupe fè yo sòti nèt. Men kòn a moun ladwati yo va leve wo.

All the horns of the wicked also will I cut off; but the horns of the righteous shall be lifted up.