Sòm 51

1 Yon Sòm David lè pwofèt la, Nathan te rive kote li lè l te fin ale kote Bath-Schéba. Fè m gras, O Bondye, selon lanmou dous Ou a. Selon grandè a mizerikòd ou, efase transgresyon mwen yo.

Psaume de David, au maître chantre. Touchant ce que Nathan le Prophète vint à lui, après qu'il fut entré vers Bathsebah. Ô Dieu! aie pitié de moi selon ta gratuité, selon la grandeur de tes compassions efface mes forfaits.

2 Lave m nèt de inikite mwen yo e netwaye m de peche mwen an.

Lave-moi parfaitement de mon iniquité, et me nettoie de mon péché.

3 Paske mwen konnen transgresyon mwen yo. Peche mwen yo devan m tout tan.

Car je connais mes transgressions, et mon péché est continuellement devant moi.

4 Kont Ou, Ou menm sèlman, mwen te peche, e te fè mal devan zye Ou. Akoz sa, Ou jis lè Ou pale, e san tò lè Ou jije.

J'ai péché contre toi, contre toi proprement, et j'ai fait ce qui déplaît à tes yeux: afin que tu sois connu juste quand tu parles, [et] trouvé pur, quand tu juges.

5 Gade byen, mwen te fèt nan inikite, e se nan peche manman m te vin ansent mwen.

Voilà, j'ai été formé dans l'iniquité, et ma mère m'a échauffé dans le péché.

6 Men vwala, Ou vle verite a menm nan pati anndan m nèt. Nan pati kache anndan m, Ou va fè m konnen sajès.

Voilà, tu aimes la vérité dans le cœur, et tu m'as enseigné la sagesse dans le secret [de mon cœur].

7 Pirifye m ak izòp e mwen va pwòp. Lave mwen e mwen va pi blan ke lanèj.

Purifie-moi du péché avec de l'hysope, et je serai net; lave-moi, et je serai plus blanc que la neige.

8 Fè m tande lajwa avèk kè kontan, pou zo ke Ou te kase yo, vin rejwi.

Fais-moi entendre la joie et l'allégresse, et fais que les os que tu as brisés se réjouissent.

9 Kache figi Ou de peche m yo. Efase tout inikite mwen yo.

Détourne ta face de mes péchés, et efface toutes mes iniquités.

10 Kreye nan mwen yon kè pwòp, O SENYÈ, epi refè yon lespri ki dwat anndan m.

Ô Dieu! crée-moi un cœur net, et renouvelle au dedans de moi un esprit bien remis.

11 Pa jete mwen lwen prezans Ou e pa retire Lespri Sen Ou an sou mwen.

Ne me rejette point de devant ta face, et ne m'ôte point l'Esprit de ta Sainteté.

12 Restore nan mwen lajwa sali Ou a. Ranfòse m avèk yon lespri bòn volonte.

Rends-moi la joie de ton salut, et que l'Esprit de l'affranchissement me soutienne.

13 Konsa, mwen va enstwi transgresè yo chemen Ou yo, e pechè yo va konvèti a Ou menm.

J'enseignerai tes voies aux transgresseurs, et les pécheurs se convertiront à toi.

14 Delivre mwen de koupabilite san vèse a, O Bondye, Bondye a sali mwen an. Konsa, lang mwen va chante avèk jwa selon ladwati a Ou menm nan.

Ô Dieu! Dieu de mon salut, délivre-moi de tant de sang, [et] ma langue chantera hautement ta justice.

15 O Mèt mwen an, ouvri lèv mwen pou m kab deklare lwanj Ou.

Seigneur, ouvre mes lèvres, et ma bouche annoncera ta louange.

16 Paske Ou pa pran plezi nan sakrifis. Otreman, mwen ta bay li. Ofrann brile yo pa fè Ou kontan.

Car tu ne prends point plaisir aux sacrifices, autrement j'en donnerais; l'holocauste ne t'est point agréable.

17 Sakrifis a Bondye yo se yon espri ki kraze. Yon kè brize e ki repantan, O Bondye, Ou p ap meprize l.

Les sacrifices de Dieu sont l'esprit froissé: ô Dieu! tu ne méprises point le cœur froissé et brisé.

18 Avèk bonte Ou, fè byen pou Sion. Bati miray a Jérusalem yo.

Fais du bien selon ta bienveillance à Sion, [et] édifie les murs de Jérusalem.

19 Konsa, Ou va rejwi nan sakrifis ladwati yo, nan ofrann brile avèk ofrann brile nèt yo. Konsa, jenn towo yo va ofri sou lotèl Ou a.

Alors tu prendras plaisir aux sacrifices de justice, à l'holocauste, et aux sacrifices qui se consument entièrement par le feu; alors on offrira des veaux sur ton autel.