Sòm 41

1 Pou direktè koral la; Yon Sòm David A la beni (sila) ki konsidere ka malere a beni! SENYÈ a va delivre li nan jou twoub li.

For the Chief Musician. A Psalm of David. Blessed is he that considereth the poor: Jehovah will deliver him in the day of evil.

2 SENYÈ a va pwoteje li e fè l viv. Li va rele beni sou latè a. Ni li p ap livre a volonte lènmi li yo.

Jehovah will preserve him, and keep him alive, And he shall be blessed upon the earth; And deliver not thou him unto the will of his enemies.

3 SENYÈ a va bay li soutyen lè l malad sou kabann nan. Nan maladi li, li va restore li a lasante.

Jehovah will support him upon the couch of languishing: Thou makest all his bed in his sickness.

4 Konsa, pou mwen, mwen te di: “O SENYÈ, fè m gras. Geri nanm mwen paske mwen te peche kont Ou.”

I said, O Jehovah, have mercy upon me: Heal my soul; for I have sinned against thee.

5 Lènmi m yo pale mal kont mwen: “Kilè l ap mouri pou non li disparèt?”

Mine enemies speak evil against me, [saying], When will he die, and his name perish?

6 Si li vin wè m, li bay manti. Kè li ranmase mechanste pou kont li. Lè l sòti deyò, li pale sa.

And if he come to see [me], he speaketh falsehood; His heart gathereth iniquity to itself: When he goeth abroad, he telleth it.

7 Tout (sila) ki rayi mwen yo soufle ti pawòl nan zòrèy youn lòt. Kont mwen, yo fè plan pou donmaje mwen epi yo di:

All that hate me whisper together against me; Against me do they devise my hurt.

8 “Yon bagay mechan gen tan pran l, pou lè l kouche, pou l pa leve ankò.”

An evil disease, [say they], cleaveth fast unto him; And now that he lieth he shall rise up no more.

9 Menm zanmi ki te pre m nan, nan (sila) mwen te mete konfyans la, li ki te manje pen mwen, te leve talon li kont mwen.

Yea, mine own familiar friend, in whom I trusted, Who did eat of my bread, Hath lifted up his heel against me.

10 Men Ou menm, O SENYÈ, fè m gras e fè m leve pou m kab bay yo rekonpans yo.

But thou, O Jehovah, have mercy upon me, and raise me up, That I may requite them.

11 Se konsa mwen konnen ke Ou pran plezi nan mwen. Akoz lènmi mwen an pa kriye viktwa sou mwen.

By this I know that thou delightest in me, Because mine enemy doth not triumph over me.

12 Pou mwen menm, Ou soutni mwen nan entegrite m, epi Ou mete mwen nan prezans Ou jis pou tout tan.

And as for me, thou upholdest me in mine integrity, And settest me before thy face for ever.

13 Beni se SENYÈ a, Bondye Israël la, soti pou tout tan, jis rive pou tout tan. Amen e amen.

Blessed be Jehovah, the God of Israel, From everlasting and to everlasting. Amen, and Amen.