Sòm 36

1 Pou direktè koral la; Yon Sòm David, sèvitè SENYÈ a Se Peche ki pale nan fon kè a lòm ki san Bondye. Nanpwen krent Bondye devan zye l.

Au chef des chantres. Par le serviteur de l’Eternel, par David. Au fond de mon cœur je sens ce que le Péché insinue au méchant: "Qu’il n’ait nulle crainte de Dieu devant les yeux!"

2 Jan li kontan ak pwòp tèt li, li pa janm wè pwop peche pa l la.

Oui, il lui adresse des regards séducteurs, de façon à provoquer son iniquité, qu’il faudrait haïr.

3 Pawòl a bouch li se mechanste avèk manti. Li fè yon chemen ki pa bon.

Les paroles de sa bouche ne sont que fausseté et perfidie, il renonce à être sage, à bien agir.

4 Sou kabann li, li fè plan mechan; Li antre nan yon wout ki p ap sòti byen; Li pa rayi mal.

Sur sa couche il machine la fraude; il s’engage sur un chemin qui n’est pas bon, il n’a pas l’horreur du mal.

5 Lanmou dous Ou, O SENYÈ, rive jis nan syèl yo, fidelite Ou nan syèl la.

Eternel, ta grâce atteint jusqu’aux cieux, ta fidélité jusqu’aux nues.

6 Ladwati Ou se tankou mòn Bondye yo, ejijman Ou yo tankou yon gran pwofondè. O SENYÈ, Ou prezève ni lòm, ni bèt.

Ta justice est comme les montagnes puissantes, tes arrêts sont comme l’immense abîme: aux hommes et aux bêtes, tu es secourable, Eternel!

7 Lanmou dous Ou chè, O Bondye! Pitit a lòm yo pran azil anba lonbraj zèl Ou.

Combien précieuse est ta grâce, ô Dieu! Les fils de l’homme s’abritent à l’ombre de tes ailes.

8 Yo bwè jiskaske yo vin plen an abondans lakay Ou. Konsa, Ou bay yo bwè nan rivyè plezi Ou yo.

Ils sont rassasiés de l’abondance de ta maison; tu les abreuves du fleuve de tes délices.

9 Paske avèk Ou, se fontèn dlo lavi a. Nan limyè pa Ou a, nou wè limyè.

Car près de toi est la source de vie; à ta lumière nous voyons le jour.

10 O bay toujou lanmou dous Ou a pou (sila) ki konnen Ou yo, ak ladwati Ou pou (sila) ki dwat nan kè yo.

Etends ta bonté sur ceux qui te connaissent, et ta bienveillance sur les cœurs droits.

11 Pa kite pye ògèy vini sou mwen, ni pa kite men a mechan yo chase mwen ale.

Que le pied de l’orgueil ne m’atteigne point; que la main des méchants ne me mette point en fuite!

12 Se la (sila) k ap fè inikite yo gen tan fin tonbe. Yo te peze desann ak fòs, e yo p ap kab leve ankò.

Au contraire, qu’ils tombent, les malfaiteurs; qu’ils soient renversés sans pouvoir se relever!