Sòm 34
1 Yon Sòm David lè l te parèt tankou moun fou devan Abimélec ki te pouse l ale, epi konsa, li te pati. Mwen va beni SENYÈ a nan tout tan. Lwanj Li va toujou nan bouch mwen.
| לדוד-- בשנותו את-טעמו לפני אבימלך ויגרשהו וילך ב אברכה את-יהוה בכל-עת תמיד תהלתו בפי |
2 Nanm mwen va fè glwa li nan SENYÈ a. Enb yo va tande l, e yo va rejwi.
| ביהוה תתהלל נפשי ישמעו ענוים וישמחו |
3 O leve SENYÈ a byen wo avè m. Annou leve non L wo ansanm.
| גדלו ליהוה אתי ונרוממה שמו יחדו |
4 Mwen te chache SENYÈ a e Li te reponn mwen, epi te delivre mwen de tout perèz mwen yo.
| דרשתי את-יהוה וענני ומכל-מגורותי הצילני |
5 Yo te gade vè Li, e te vin ranpli ak limyè. Figi yo p ap janm wont.
| הביטו אליו ונהרו ופניהם אל-יחפרו |
6 Malere (sila) a te rele, e SENYÈ a te tande li, epi te sove li sòti nan tout twoub li yo.
| זה עני קרא ויהוה שמע ומכל-צרותיו הושיעו |
7 Zanj SENYÈ a fè kan antoure (sila) ki krent Li yo, epi li sove yo nan gwo twoub.
| חנה מלאך-יהוה סביב ליראיו ויחלצם |
8 O goute e wè ke Bondye bon. A la beni nonm ki kache nan Li a beni!
| טעמו וראו כי-טוב יהוה אשרי הגבר יחסה-בו |
9 Krent SENYÈ a, O nou menm ki sen Li yo. Pou (sila) ki krent Li yo, anyen pa manke.
| יראו את-יהוה קדשיו כי-אין מחסור ליראיו |
10 Jenn ti lyon yo konn manke manje e soufri grangou, men (sila) ki chache SENYÈ yo, p ap manke okenn bon bagay.
| כפירים רשו ורעבו ודרשי יהוה לא-יחסרו כל-טוב |
11 Vini, pitit, koute mwen. Mwen va enstwi ou nan lakrent SENYÈ a.
| לכו-בנים שמעו-לי יראת יהוה אלמדכם |
12 Se ki moun ki dezire lavi, e renmen jou li yo pou li kapab wè sa ki bon?
| מי-האיש החפץ חיים אהב ימים לראות טוב |
13 Kenbe lang ou apa de sa ki mal, e lèv ou pou pa bay manti.
| נצר לשונך מרע ושפתיך מדבר מרמה |
14 Kite sa ki mal la epi fè sa ki bon. Chache lapè e fè efò pou twouve li.
| סור מרע ועשה-טוב בקש שלום ורדפהו |
15 Zye a SENYÈ a sou (sila) ki dwat yo. Zòrèy Li koute kri yo.
| עיני יהוה אל-צדיקים ואזניו אל-שועתם |
16 Figi SENYÈ a kont malfektè yo, pou efase memwa yo sou tè a.
| פני יהוה בעשי רע להכרית מארץ זכרם |
17 Moun dwat kriye. SENYÈ a tande e vin delivre yo tout nan tout twoub yo.
| צעקו ויהוה שמע ומכל-צרותם הצילם |
18 SENYÈ a pre (sila) ak kè kase yo, epi sove (sila) ki kraze nan lespri yo.
| קרוב יהוה לנשברי-לב ואת-דכאי-רוח יושיע |
19 Anpil, se afliksyon a moun dwat la, men SENYÈ a delivre li sòti nan yo tout.
| רבות רעות צדיק ומכלם יצילנו יהוה |
20 Li konsève tout zo li yo. Pa menm youn nan yo va kase.
| שמר כל-עצמותיו אחת מהנה לא נשברה |
21 Se mechanste ki va touye mechan an. (Sila) ki rayi moun ladwati yo va kondane.
| תמותת רשע רעה ושנאי צדיק יאשמו |
22 SENYÈ a rachte nanm a sèvitè Li yo. P ap gen nan (sila) ki kache nan Li yo k ap kondane.
| פדה יהוה נפש עבדיו ולא יאשמו כל-החסים בו |
