Sòm 30

1 Yon Sòm; yon chan nan Dedikasyon Kay La; Yon Sòm David Mwen va leve Ou wo, O SENYÈ, paske Ou te leve mwen. Ou pa t kite lènmi m yo rejwi sou mwen.

I will extol you, O LORD; for you have lifted me up, and have not made my foes to rejoice over me.

2 O SENYÈ, Bondye mwen an, mwen te kriye a Ou menm, e Ou te geri mwen.

O LORD my God, I cried unto you, and you have healed me.

3 O SENYÈ, Ou te fè nanm mwen monte kite sejou lanmò yo. Ou te kenbe m vivan, pou m pa t desann nan gwo fòs la. (Sheol h7585)

O LORD, you have brought up my soul from the grave: you have kept me alive, that I should not go down to the pit. (Sheol h7585)

4 Chante lwanj a SENYÈ a, nou menm ki fidèl Li yo. Bay remèsiman a sen non Li.

Sing unto the LORD, O all of you saints of his, and give thanks at the remembrance of his holiness.

5 Paske kòlè Li se sèlman pou yon moman, men Bonte Li se pou tout tan. Kriye a kapab dire pou nwit lan, men kri lajwa a vin parèt nan maten.

For his anger endures but a moment; in his favour is life: weeping may endure for a night, but joy comes in the morning.

6 Alò, pou mwen, mwen te di nan bon tan mwen, “Mwen p ap janm ebranle.”

And in my prosperity I said, I shall never be moved.

7 O SENYÈ, pa gras Ou, Ou te fè mòn mwen an kanpe fèm. Lè Ou te kache figi Ou, mwen te dekouraje nèt.

LORD, by your favour you have made my mountain to stand strong: you did hide your face, and I was troubled.

8 A Ou menm, SENYÈ, mwen te rele. A SENYÈ mwen an, mwen te fè siplikasyon mwen yo:

I cried to you, O LORD; and unto the LORD I made supplication.

9 “Ki benefis ki genyen nan san mwen si mwen desann nan gwo fòs la? Èske pousyè a kab louwe Ou? Èske li va deklare fidelite Ou?

What profit is there in my blood, when I go down to the pit? Shall the dust praise you? shall it declare your truth?

10 Tande, O SENYÈ e fè m gras. O SENYÈ, ban m soutyen.”

Hear, O LORD, and have mercy upon me: LORD, be you my helper.

11 Ou te chanje doulè mwen, e sa te fè m vin danse ak lajwa; Ou te demare rad twal sak mwen an, e te mare senti m avèk kè kontan.

You have turned for me my mourning into dancing: you have put off my sackcloth, and girded me with gladness;

12 Konsa, pou kè m kab chante lwanj Ou, e pa rete an silans. O SENYÈ, Bondye mwen an, mwen va bay Ou glwa pou tout tan, nèt.

To the end that my glory may sing praise to you, and not be silent. O LORD my God, I will give thanks unto you for ever.