Sòm 29

1 Yon sòm David Bay a SENYÈ a, O Fis a moun pwisan yo, bay a SENYÈ a, glwa avèk gwo fòs.

Cantique de David. Fils de Dieu, rendez à l'Éternel, rendez à l'Éternel l'honneur et la gloire!

2 Bay a SENYÈ a, glwa ke non Li merite a. Adore SENYÈ a avèk tout sa ki sen.

Rendez à l'Éternel l'honneur dû à son nom! Adorez l'Éternel avec une pompe sainte!

3 Vwa SENYÈ a sou dlo yo. Bondye glwa la fè tonnè gwonde, eklate. SENYÈ a sou anpil dlo.

La voix de l'Éternel retentit sur les eaux, le Dieu glorieux fait gronder le tonnerre; on entend l'Éternel sur les grandes eaux.

4 Vwa SENYÈ a gen gwo fòs. Vwa SENYÈ a ranpli ak majeste.

La voix de l'Éternel est puissante, la voix de l'Éternel est majestueuse;

5 Vwa SENYÈ a fann bwa sèd yo. Wi, SENYÈ a fann an mòso bwa sèd Liban yo.

la voix de l'Éternel brise les cèdres, l'Éternel brise les cèdres du Liban,

6 Li fè Liban sote. Li ponpe tankou yon ti bèf, e Sirion tankou yon jèn bèf mawon.

et Il les fait bondir, comme les jeunes taureaux, et le Liban et le Sirion, comme les buffles.

7 Vwa SENYÈ a koupe fè flanm dife.

La voix de l'Éternel darde des flammes de feu;

8 Vwa SENYÈ a souke savann nan. Vwa SENYÈ a souke savann Kadès la.

la voix de l'Éternel ébranle le désert, l'Éternel ébranle le désert de Kadès.

9 Vwa SENYÈ a fè bich la fè pitit. Li fè forè a vin toutouni. Nan tanp Li a, tout moun ki la yo rele: “Glwa”!

La voix de l'Éternel fait avorter les biches, elle dépouille les forêts; et dans Son palais tout s'écrie: Gloire!

10 SENYÈ a te chita kon Wa nan gran inondasyon an. Wi, SENYÈ a chita kon Wa jis pou tout tan.

L'Éternel sur son trône présidait au déluge, et sur son trône l'Éternel régnera à jamais.

11 SENYÈ a va bay fòs a pèp Li a. SENYÈ a va beni pèp li a avèk lapè.

L'Éternel donnera la force à son peuple; l'Éternel bénira son peuple de la paix.