Sòm 23

1 Yon sòm David Bondye se bèje mwen; mwen p ap janm manke anyen.

Psaume de David. L'Éternel est mon berger; je n'aurai point de disette.

2 Li fè m kouche nan patiraj vèt yo. Li mennen m akote dlo pezib yo.

Il me fait reposer dans de verts pâturages; Il me mène le long des eaux tranquilles.

3 Li restore nanm mwen. Li gide mwen nan chemen ladwati yo, akoz non sen Li an.

Il restaure mon âme; Il me conduit dans des sentiers unis, Pour l'amour de son nom.

4 Malgre mwen ta mache nan vale lonbraj lanmò a, mwen p ap pè okenn mal, paske Ou avè m. Baton Ou avèk kwòk Ou fè m gen konfyans.

Même quand je marcherais dans la vallée de l'ombre de la mort, Je ne craindrais aucun mal! Car tu es avec moi: C'est ton bâton et ta houlette qui me consolent.

5 Ou ranje yon tab devan mwen nan prezans lènmi mwen yo. Ou onksyone tèt mwen avèk lwil. Tas mwen fin debòde nèt.

Tu dresses la table devant moi, A la vue de ceux qui me persécutent. Tu oins ma tête d'huile; ma coupe déborde.

6 Anverite, bonte Ou avèk lanmou dous Ou va swiv mwen pou tout jou lavi mwen yo, E mwen va viv lakay SENYÈ a jis pou tout tan.

Oui, le bonheur et la grâce m'accompagneront Tous les jours de ma vie, Et je passerai de longs jours dans la maison de l'Éternel.