Sòm 23

1 Yon sòm David Bondye se bèje mwen; mwen p ap janm manke anyen.

A psalm of David. Yahweh is my shepherd; I will lack nothing.

2 Li fè m kouche nan patiraj vèt yo. Li mennen m akote dlo pezib yo.

He makes me to lie down in green pastures; he leads me beside tranquil water.

3 Li restore nanm mwen. Li gide mwen nan chemen ladwati yo, akoz non sen Li an.

He brings back my life; he guides me along right paths for his name's sake.

4 Malgre mwen ta mache nan vale lonbraj lanmò a, mwen p ap pè okenn mal, paske Ou avè m. Baton Ou avèk kwòk Ou fè m gen konfyans.

Even though I walk through a valley of darkest shadow, I will not fear harm since you are with me; your rod and your staff comfort me.

5 Ou ranje yon tab devan mwen nan prezans lènmi mwen yo. Ou onksyone tèt mwen avèk lwil. Tas mwen fin debòde nèt.

You prepare a table before me in the presence of my enemies; you have anointed my head with oil; my cup runs over.

6 Anverite, bonte Ou avèk lanmou dous Ou va swiv mwen pou tout jou lavi mwen yo, E mwen va viv lakay SENYÈ a jis pou tout tan.

Surely goodness and covenant faithfulness will pursue me all the days of my life; and I will live in the house of Yahweh for a very long time!