Sòm 23

1 Yon sòm David Bondye se bèje mwen; mwen p ap janm manke anyen.

A Psalm of David. The LORD is my shepherd; I shall not want.

2 Li fè m kouche nan patiraj vèt yo. Li mennen m akote dlo pezib yo.

He makes me lie down in green pastures; He leads me beside quiet waters.

3 Li restore nanm mwen. Li gide mwen nan chemen ladwati yo, akoz non sen Li an.

He restores my soul; He guides me in the paths of righteousness for the sake of His name.

4 Malgre mwen ta mache nan vale lonbraj lanmò a, mwen p ap pè okenn mal, paske Ou avè m. Baton Ou avèk kwòk Ou fè m gen konfyans.

Even though I walk through the valley of the shadow of death, I will fear no evil, for You are with me; Your rod and Your staff, they comfort me.

5 Ou ranje yon tab devan mwen nan prezans lènmi mwen yo. Ou onksyone tèt mwen avèk lwil. Tas mwen fin debòde nèt.

You prepare a table before me in the presence of my enemies. You anoint my head with oil; my cup overflows.

6 Anverite, bonte Ou avèk lanmou dous Ou va swiv mwen pou tout jou lavi mwen yo, E mwen va viv lakay SENYÈ a jis pou tout tan.

Surely goodness and mercy will follow me all the days of my life, and I will dwell in the house of the LORD forever.