Sòm 21

1 Pou direktè koral la; Yon sòm David O SENYÈ, nan fòs Ou, Wa a va fè kè kontan. Nan delivrans Ou, ki gran rejwisans li va gen!

The king shall joy in your strength, O LORD; and in your salvation how greatly shall he rejoice!

2 Ou te bay li dezi a kè li, ni Ou pa t refize demand a lèv li yo.

You have given him his heart's desire, and have not withheld the request of his lips. (Selah)

3 Paske Ou te vin rankontre Li avèk benediksyon de tout bon bagay. Ou te mete yon kouwòn sou tèt li.

For you prevent him with the blessings of goodness: you set a crown of pure gold on his head.

4 Li te mande Ou lavi e Ou te bay li. Yon vi ki long ak jou k ap dire jis pou tout tan.

He asked life of you, and you gave it him, even length of days for ever and ever.

5 Glwa li gran nan sali pa Ou. Onè ak majeste Ou te mete sou li.

His glory is great in your salvation: honour and majesty have you laid upon him.

6 Paske Ou te fè li beni pase tout moun, jis pou tout tan; Ou te fè li plen ak lajwa avèk kè kontan nan prezans Ou.

For you have made him most blessed for ever: you have made him exceeding glad with your countenance.

7 Paske wa a mete konfyans li nan SENYÈ a. Epi akoz lanmou dous a Pi Wo a, Li p ap ebranle menm.

For the king trusts in the LORD, and through the mercy of the most High he shall not be moved.

8 Men ou va dekouvri tout lènmi ou yo. Men dwat ou va jwenn (sila) ki rayi ou yo.

your hand shall find out all of your enemies: your right hand shall find out those that hate you.

9 Ou va fè yo tankou yon founo k ap brile nan tan kòlè ou. SENYÈ a va vale yo nèt nan kòlè Li, epi dife va devore yo.

You shall make them as a fiery oven in the time of your anger: the LORD shall swallow them up in his wrath, and the fire shall devour them.

10 Ou va detwi posterite pa yo soti sou latè, epi desandan yo ap disparèt pami fis a lòm yo.

Their fruit shall you destroy from the earth, and their seed from among the children of men.

11 Malgre yo te anvizaje mal kont Ou, e te fòme yon konplo, yo p ap reyisi.

For they intended evil against you: they imagined a mischievous device, which they are not able to perform.

12 Paske Ou va fè yo vire do yo. Ou va pwente banza sou figi yo ak bon kontwòl.

Therefore shall you make them turn their back, when you shall make ready your arrows upon your strings against the face of them.

13 Ke Ou leve wo, O SENYÈ, ak tout fòs Ou! Nou va chante e bay lwanj a pwisans Ou.

Be you exalted, LORD, in your own strength: so will we sing and praise your power.