Sòm 20

1 Pou direktè koral la; Yon sòm David Ke SENYÈ a kapab reponn ou nan jou gran twoub la! Ke non Bondye Jacob la kapab kenbe ou ansekirite an wo!

[For the Chief Musician. A Psalm by David.] May YHWH answer you in the day of trouble. May the name of the God of Jacob set you up on high.

2 Ke Li kapab voye bay ou èd soti nan sanktiyè a, epi bay ou soutyen soti nan Sion.

He will send you help from the sanctuary, and give you support from Zion.

3 Ke Li kapab sonje tout ofrann sereyal ou yo, ke Li twouve tout ofrann brile ou yo byen akseptab!

He will remember all your offerings, and accept your burnt sacrifice. (Selah)

4 Ke Li kapab bay ou dezi a kè ou, e akonpli tout plan ou yo!

He will grant you your heart's desire, and fulfill all your plans.

5 Nou va chante avèk jwa akoz viktwa ou. Nan non Bondye nou an, nou va monte drapo nou yo. Ke SENYÈ a kapab akonpli tout priyè ou yo.

We will triumph in your salvation. In the name of our God, we will set up our banners. May YHWH grant all your requests.

6 Alò, mwen konnen ke SENYÈ a va delivre moun onksyone pa Li a. Li va reponn li soti nan syèl sen Li an, avèk delivrans pwisan men dwat Li a.

Now I know that YHWH saves his anointed. He will answer him from his holy heaven, with a mighty act of deliverance by his right hand.

7 Genyen kèk ki fè konfyans nan cha yo, e kèk nan cheval yo, Men nou va fè konfyans nan non SENYÈ a, Bondye nou an.

Some [trust] in chariots, and some in horses, but we trust the name of YHWH our God.

8 Yo te pliye e yo te tonbe, men nou te leve e nou te kanpe dwat.

They are bowed down and fallen, but we rise up, and stand upright.

9 Delivre nou O SENYÈ! Ke Wa a kapab reponn nou nan jou ke nou rele Non Li an.

Save, YHWH. Let the King answer us when we call.