Sòm 2

1 Poukisa nasyon yo ap boulvèse konsa, e pèp yo fòmante yon vye bagay?

למה רגשו גוים ולאמים יהגו ריק׃

2 Wa latè yo pran pòz yo e chèf yo pran konsèy ansanm kont SENYÈ a, e kont onksyone pa Li a:

יתיצבו מלכי ארץ ורוזנים נוסדו יחד על יהוה ועל משיחו׃

3 “Annou chire chenn sa yo, e jete kòd ki mare nou yo!”

ננתקה את מוסרותימו ונשליכה ממנו עבתימו׃

4 (Sila) ki chita nan syèl la ri; SENYÈ a ap moke yo.

יושב בשמים ישחק אדני ילעג למו׃

5 Anplis, Li va pale avèk yo nan kòlè Li. Li va fè yo sezi nan kòlè Li.

אז ידבר אלימו באפו ובחרונו יבהלמו׃

6 Men pou Mwen menm, Mwen fin plase Wa Mwen an sou Sion, mòn sen Mwen an.

ואני נסכתי מלכי על ציון הר קדשי׃

7 Anverite, Mwen va pale selon deklarasyon SENYÈ a; SENYÈ a te di Mwen: “Ou se Fis Mwen. Se jodi a, Mwen te fè Ou.

אספרה אל חק יהוה אמר אלי בני אתה אני היום ילדתיך׃

8 Mande Mwen, e Mwen va bay Ou nasyon yo kon eritaj, jis rive nan dènye pwent latè kon posesyon pa Ou.

שאל ממני ואתנה גוים נחלתך ואחזתך אפסי ארץ׃

9 Ou va kase yo avèk yon baton fè, Ou va kraze yo tankou veso kanari.”

תרעם בשבט ברזל ככלי יוצר תנפצם׃

10 Konsa, O wa yo, sèvi ak sajès. Fè atansyon, O jij sou latè yo.

ועתה מלכים השכילו הוסרו שפטי ארץ׃

11 Adore SENYÈ a avèk gran respè e rejwi avèk tranbleman.

עבדו את יהוה ביראה וגילו ברעדה׃

12 Fè omaj a Fis la, pou L pa vin fache, epi ou ta mouri nan chemen an. Paske gwo chalè Li kab limen ase vit. A la beni se tout (sila) ki kache nan Li.

נשקו בר פן יאנף ותאבדו דרך כי יבער כמעט אפו אשרי כל חוסי בו׃