Sòm 149

1 Louwe SENYÈ a! Chante a SENYÈ a yon chan tounèf, avèk lwanj Li nan asanble fidèl Li yo.

Louez l’Éternel! Chantez à l’Éternel un cantique nouveau! Chantez ses louanges dans l’assemblée des fidèles!

2 Kite Israël fè kè kontan nan Kreyatè li a. Kite fis a Sion yo rejwi nan Wa yo a.

Qu’Israël se réjouisse en celui qui l’a créé! Que les fils de Sion soient dans l’allégresse à cause de leur roi!

3 Kite yo louwe non Li avèk dans! Kite yo chante lwanj a Li avèk tanbouren ak gita.

Qu’ils louent son nom avec des danses, Qu’ils le célèbrent avec le tambourin et la harpe!

4 Paske SENYÈ a pran plezi nan pèp Li a. Li va anbeli enb yo avèk sali Li.

Car l’Éternel prend plaisir à son peuple, Il glorifie les malheureux en les sauvant.

5 Kite fidèl yo leve wo nan glwa. Kite yo chante ak lajwa sou kabann yo.

Que les fidèles triomphent dans la gloire, Qu’ils poussent des cris de joie sur leur couche!

6 Ke gwo lwanj a Bondye yo kapab nan bouch yo, ak yon nepe file de bò nan men yo,

Que les louanges de Dieu soient dans leur bouche, Et le glaive à deux tranchants dans leur main,

7 pou fè vanjans sou nasyon yo, avèk pinisyon sou lòt pèp yo;

Pour exercer la vengeance sur les nations, Pour châtier les peuples,

8 pou mare wa yo ak chenn, ak moun pwisan yo nan gwo chenn an fè,

Pour lier leurs rois avec des chaînes Et leurs grands avec des ceps de fer,

9 pou egzekite sou yo jijman ki te ekri a. Sa se lonè de tout fidèl Li yo. Louwe SENYÈ a!

Pour exécuter contre eux le jugement qui est écrit! C’est une gloire pour tous ses fidèles. Louez l’Éternel!