Sòm 130

1 Yon chan pou monte vè tanp lan. Soti nan pwofondè abim nan, mwen te kriye a Ou menm, O SENYÈ.

שיר המעלות ממעמקים קראתיך יהוה׃

2 SENYÈ, koute vwa mwen! Kite zòrèy Ou rete atantif a vwa siplikasyon mwen yo.

אדני שמעה בקולי תהיינה אזניך קשבות לקול תחנוני׃

3 Si Ou menm, SENYÈ, ta sonje inikite yo, O SENYÈ, se kilès ki ta kab kanpe?

אם עונות תשמר יה אדני מי יעמד׃

4 Men avèk Ou menm, gen padon, pou moun ta gen reverans Ou.

כי עמך הסליחה למען תורא׃

5 Mwen tann SENYÈ a. Nanm mwen ap tann e nan pawòl Li, mwen mete espwa m.

קויתי יהוה קותה נפשי ולדברו הוחלתי׃

6 Nanm mwen ap tann SENYÈ a plis pase gadyen k ap tann maten rive a. Anverite, plis pase gadyen k ap tann maten rive a.

נפשי לאדני משמרים לבקר שמרים לבקר׃

7 O Israël, mete espwa nan SENYÈ a. Paske kote SENYÈ a ye, gen mizerikòd. Avèk Li, gen redanmsyon an abondans.

יחל ישראל אל יהוה כי עם יהוה החסד והרבה עמו פדות׃

8 Li va fè redanmsyon Israël de tout inikite Li yo.

והוא יפדה את ישראל מכל עונתיו׃