Sòm 122

1 Yon Sòm pou monte vè tanp lan. Yon Sòm David. Mwen te kontan lè yo te di mwen, “Annou ale lakay SENYÈ a.”

Se yon chante David pou yo chante lè y'ap moute lavil Jerizalèm. Ala kontan mwen te kontan lè yo di m': -Ann ale lakay Seyè a.

2 Pye nou kanpe anndan pòtay ou yo, O Jérusalem!

Koulye a, men li: nou rive devan pòtay lavil Jerizalèm.

3 Jérusalem, ki bati kon yon vil ki kole dyanm ansanm,

Jerizalèm, ou se yon lavil yo rebati, yon lavil kote tout bagay byen ranje.

4 sou (sila) tribi yo konn monte, menm tribi a SENYÈ yo, yon òdonans pou Israël, pou bay remèsiman a non SENYÈ a.

Se la tout branch fanmi yo ap vin sanble. Tout branch fanmi pèp Seyè a, se la y'ap vini pou di Seyè a mèsi, jan li te ba yo lòd pou yo fè a.

5 Paske la, twòn yo te plase pou jijman, twòn lakay David yo.

Se la pitit pitit David yo rete pou yo dirije, pou yo gouvènen pep la.

6 Priye pou lapè Jérusalem. (Sila) ki renmen ou yo va pwospere.

Lapriyè Bondye pou pa gen dezòd lavil Jerizalèm ankò. Se pou tout moun ki renmen ou yo viv ak kè poze.

7 Ke lapè kapab anndan miray ou yo, e pwosperite nan palè ou yo.

Se pou pa gen lagè sou ranpa lavil la. Se pou nan palè wa a tout moun viv ak kè poze.

8 Pou koz a frè m yo ak zanmi mwen yo, m ap di koulye a, “Ke lapè anndan ou”.

Poutèt fanmi m' yo ak zanmi m' yo, m'ap di: -Benediksyon Bondye sou lavil la!

9 Pou koz a kay SENYÈ a, Bondye nou an, mwen va chache byen ou.

Poutèt kay Seyè a, Bondye nou an, ki nan lavil la, m'ap mande Bondye pou fè kè ou kontan.